صافي *** 1 *** الدهليز

الدهليز

======================

Safi43
Registered User
Posts: 80
(11/24/02 1:16 pm)
Reply
الدهليز
--------------------------------------------------------------------------------


في لحظة ضيق الواحد بلجأ لأصحابه و ناسه.. و فعلا دا العملته.. فتحت الكمبيوتر..وصلت الانترنت.. دخلت البالتوك.. دخلت واحدة في الغرف ..لقيت الناس الظراف.. اتونست و ضحكت و فرفشت معاهم..لكن بين لحظة و التانية بجي هاجس يشغل البال و يزكر بسبب الهروب..استأزنت و طلعت..
قلت أمسك لي كتاب أقرى كلمتين ينفعنّي للزمن.. و أقاوم بيها الهواجس دي...غلبني..و الكتاب بقى زي سجن ..نفسي انقبض.. طلعت البلكونة.. قلت أغير جو و أشم هوا...و الهوا بقى لي ريحته جاز جاز.. نفسي انكتم ..دخلت جوا ..طفيت النور .. و راسي قعد يشتغل براااهو.... قربت أكورك.. لامن جاتني نفسي...
قعدت جنبي ... كلمتني.. قات لي استغفري ...استغفرتك يا مالك روحي...
التاعبك شنو؟.. و خايفة من شنو؟....
-كل ما ازكر امبارح .. أفكر في باكر.. و اخاف منو...
-تخافي منو؟ .. ليه؟ .. دا باكر البنستناهو كلنا..و بنشوف فيو روحنا..
-باكر الكنت بستناهو زمان.. بقيت اخاف منو الليلة..شايفاهو قدامي ..أوضة مضلمة..ما عارفة جواتا شنو...
- الأوضة دي انت حتولعي نورا..
- خايفة تطلع من غير نور.. و الباب يتقفل وراي.. و ما اعرف امرق كيف..
- ما تقولي كدا..انتي لسه جاهلة و صغيرة.. و قدامك الابواب كتيرة .. و السكك الما منورة..انت نوريها..
-جاهلة و صغيرة؟!! .. لي في الدنيا دي قريب الاتنين و عشرين سنة..و ما عارفة شنو الاخدتو منها..و لا اديتا اي حاجة..
(ما بتسمعي في المسلسلات المصرية ..تلقي الراجل و المرة عجااايز ..وأولادهم فوق ال30
و يقولو ليك..".بعد 25 سنة جواز")

مما وعيت في الدنيا دي..لقيت الطريق قدامي مرسوم جاهز ..وااحد...مشيت فيهو اكتر من عشرة سنين...و في آخره..لقيت مفرق طرق..فيهو الطريق الطويل و القصير..المنور و المضلم..المسفلت و المكركب.. قلبي مال لي واحد...هو ما ساهل..لكني ارتحت ليو و حسيتو مضوّي...
الناس "اتشوبرت" و شاورت لي على واحد.. قالو آخرتو حلوة..و محطته جميلة...
تاوقت أعاين..ما شفت طرفه التاني..لأنه ملفلف.. لكن شكله مريح..شغلت مخي.. وقلت الطريق دا قالوا محطته مضمونة.. و أولا و أخيرا هو مجرد طريق.. و المحطة هي الهدف..اتوكلت و مشيت بيو...
بدايته كانت مريحة و حلوة...لكنو بدا يلفلف.. و بدت الإبار تطعن في الجلد..اباره صغيرة و ما ظاهرة..لكنها حارة...ختيت هدفي اني امشي بسرعة و انتهي .. وأصل للمحطة المرتقبة..و ما لازم زاتو استقر فيها.. و كان في طريقة آخد لي طيارة ..أحول لمحطة تانية"حنيت لمحطتي الاخترتها زمان"..لأنو المحطة دي -حتى لو كانت سمحة- طريقا كرهني ليها قبال ما اشوفا...بقيت امشي سريع .. و كان لقيت طريقة بجري..لكن خايفة اقع...
وقت قربت للنهاية ..عيني للمحطة..و مدخلها ... لقيتا ليك متشعبة .. و سككها اكتر من السكك الاولانية.. و مداخلها مظلمة..الناس قالت انو بعد الظلام في نور.. لكن نفسي ما مطمئنة ..و خايفة.. ما عارفة اتابع الناس لمتين.. و ما عارفة امشي في ياتو سكة منهم..و لا اسيب الطريق كلو..متحيرة و خايفة..
هدّيت من مشيي..و لو لقيت طريقة أمشي ورا ورا..لحد ما اقرر..لكن هيهات ..الطريق اتجاه واحد..و انا قربت لنهايته..و لازم احدد مصيري و محطتي...
بقيت زي "حاجة آمنة" كان لي مراد ما تطلع شمس .. و الليلة عندي زي أمس...و يمكن أحسن من باكر..لأنها ما عادت غيباُ مجهولاُ .. بل واقعاُ ملموساُ..و مرّت بحلوها و مرها...و انا خايفة أضوق من باكر مره..و يفوتني حلوه..

أها يا نفسي...بعد القلت ليكي دا..قولك شنو؟؟ ونصيحتك شنو؟؟ و أسو شنو؟؟؟



Edited by: Gilany at: 7/28/03 2:06 pm

almasafaa
Registered User
Posts: 34
(11/24/02 2:16 pm)
Reply سلام
--------------------------------------------------------------------------------


بسم الله

ادفقي .. ما تبقي رقراق
ابقي يا ظل يا شموس
غطي المساحات بالوضوح

صافي .... يا ريت نقدر نساعد ولو بي كلمة طيبة ... لكن اتمني انك تطلعي من الحالة الانتي فيها دي ..وعلي الاقل اية ممكن تفعل السحر .. حاولي ان تكوني هادئة .. كلامك بيقول انك قربتي من نهاية الطريق الفيهوو الابر الكتيرة دا .. حاولي بشدة تصليهووو .. مرات كتيرة النهايات جميلة .. والعبرة بالنهايات دائماً .. ما تفكري كتير في الاتقال زمان وكتين بدايات الطريق .. علشان ما تحسي بالاحباط والندم .. وبرضوو بقول الكلام الاتقال ليك لسه صغيرة .. لكن ما جاهلة .. وبتقدري تعملي كتير ...

اتكتحت عيني بخوف انك
تغيبي وما تجي ..؟
ما تخافي من كل كتاتتيح الضلام
بضللمي


وبقول يا واقفة بين لحظة غيابك والحضور


Edited by: Gilany at: 7/28/03 2:10 pm

Safi43
Registered User
Posts: 81
(11/24/02 2:48 pm)
Reply
Re: سلام
--------------------------------------------------------------------------------
تسلم يالمسافة..كلامك دا وقعه كبير على النفس
اتمنى اني اقدر استعين بيهو و اتغلب على نفسي ..ولا نفسي هي التتغلب علي..والله انا بقيت ما فاهمة حاجة زاتي..
انشالله اقدر اقمع الوساوس و الهواجس دس..و اواصل في الطريق ..و ارضى بيهو..
لكن مرة مرة الواحد بحتاج للتشجيع و التذكير..و انتو مابتقصروا انشالله..
و ابقوا معانا بالدعاء..

..شكرا المسافة

BishBish ca
Registered User
Posts: 28
(11/24/02 11:04 pm)
Reply الدهليز
--------------------------------------------------------------------------------
إلعزيزة صافى...

تعب هو البرق الذى

لا يضئ أقبية الخبايا

لا ينتمى للسحب والعشب الذى

لا يرتوى إلا لطعمك

يا عصيرآ من خليط الدهشة الأولى

واحترافى الأغنيات...

قد ينتاب الإنسان بعض الاحيان شعور بالخوف ممّا يحمله المستقبل... وهذا ناتج من الواقع والظروف المحيطة ...فقد يكون تخوف مبني على اسباب موضوعية او تخوف مبنى علي اسباب ثانوية او لا موضوعية...فاذا كان مصدر التخوف هو العقل والقلب فهذا موضوعي لانه إذا إتفقا فقد تسعد وإذا إختلفا فقد تشقي وقد تندم... وهما معا يحدّدان سعادة الإنسان وعمومآ المسائل المستقبلية الانسان لا يستطيع ان يقرر فيها لوحده خاصة من في مقتبل العُمر وما ندم من استشار.. والعاقل من إتعظ بغيره..
والتفاؤول مفتاح الفرج..

ولك هذه الرايعة:
يا مفتونة بصدق الوعد
يا مسكونة بحلم الغد
أنا خيرتك بين الشهد
وبين الُبن الفطرة
وإنت اخترت سواد الُبن
وطعم القهوة البكرة
أنا خيرتك .. وانتي اخترتِ
هل قدرتي الرقعة الواقعة
بين الليلة واحلام بكرة
وكيف حتملِّي الحتة الواسعة
بين الواقع وبين الفكرة
وين حتلقى الموية الناقعة
يوم نصطاد في الموية العِكْرة ؟

I hope you get my message...
BishBish

woroorrook
Moderator
Posts: 233
(11/24/02 11:05 pm)
Reply
the easy way to see the light
--------------------------------------------------------------------------------
العزيزة صافي

شزوفرينيا ؛ تهدينا لحن معزوف علي جميع الأوتار

كيف يا تري سوف يكون رد فعل نفسك تجاهك و تقيمها لك،،، بعد ان تنظر إلي صورتك علي اليمين وكلماتك علي الشمال؟؟؟

اتمني ان تجدي فى إجابتها راحة الإستقرار وإنارة الدهليز


woroorrook

Safi43
Registered User
Posts: 83
(11/25/02 4:33 pm)
Reply
Re: الدهليز
--------------------------------------------------------------------------------
BishBish:
مممممممم....
انا شايفة تخوفي دا اسبابه موضوعية..لكن في ناس شايفينه غير كدا...
و انا انشالله بستشير.. و أديني بستشيركم .. و انشالله اعمل بأراءكم...
شكراُ للهدية..
أتمنى اني أكون فهمت رسالتك صاح .. و تكون وصلت زي ماهي..
لكن النصيحة هي هي هي.. الكلام دا كبير علي ..أختك دابا اتعلمت تفك الخط...
ـــــــــــــــــــــــــــــــــــ

woroorrook :

"شزوفرينيا" ... جبتها... دا الوصف الامثل لحالتي...انا لي مدة بحوم حوالينو .. و ما قادرة اقوله... يمكن متخوفة منه..و عندي أمل يكون التشخيص غلط..

أما عن ردة فعل نفسي و تقيمها.. فدا بياخد وقت طوييييل... أنا ما عارفة هل حيلي حيشد و يتحمل الانتظار.. و نفسي يطول و لا لا...غايتو...الله كريم علينا....
ــــــــــــــــــــــــــــــــــــــــــ

المسافة..بشبش..ورورووك..
شكرا لكم جميعاُ..كلامكم خفف عني بعض العندي.. تسموا ..

ranoya
Registered User
Posts: 237
(11/25/02 6:01 pm)
Reply
Re: الدهليز
--------------------------------------------------------------------------------
malik ya safi galo 3indik schizofreenia?!!!!!!!
da shnu da kaman al mohim salamtik wallai wal shubak da kolo karamtik ila ana.

Ya biti kan fihimta shi minik abga kazabta 3alaiki. 3indi laikom so3al enti o sezu. ma taktebo intu 3indakom shnu bil wa'9e7 kida 3shan al shufa3 yifhamu.

salamtik mara tanya.

Safi43
Registered User
Posts: 84
(11/25/02 9:38 pm)
Reply
Re: الدهليز
--------------------------------------------------------------------------------
..ههههههه.. و الله ياحليلك يا رنوية.. الله يسلمك و يبارك فيكي..نجيك في السمح يا بتي..
و الله يا رنويا ..الحكاية زي مافهمتيها كدا بالظبط... و شكراُ ليكي يا زوق على ردك

sangack
Registered User
Posts: 37
(11/26/02 4:35 am)
Reply Re: الدهليز
--------------------------------------------------------------------------------
سلام اخت صافي

يا بت قولي بسم الله دا كلام شنو انتي عارفه دا الشيطان الله يلعنو يوسوس ليك و يلف و يدور
اقول ليك حاجه انا كان حصل لي نفس كلامك دا و ان كان ما بنفس الصوره بس لو قلت ليك انا في فترات كنت بفتكر نفسي منافق بنافق في نفسي بعمل حاجات و نفسي بتقول لي اعمل حاجات و دخلت في حيصبيص كدا. ودي كلها من الشيطان لعنة الله تخشاه وانصحك ان تستعيني بالله ولا تجزعي و انتي ماشة في الطريق الصحيح عشان كدا الشيطان بوسوس ليك حتي تحيدي و تنحرفي عنه و تسيري في طريقه لتهلكي وهو عندما طرد من الجنة قال لله لاقعدن لهم صراطك المستقيم ولاغوينهم اجمعين
واتمني لكي ان تصديه و لا تكترسي كثيراً لوساوسه

ونسأل الله لنا جميعن العافيه وان يحفظنا من شرور انفسنا آمييييين يا رب العالمين

هاهاهاهاهاها والله بعد ما كتبت الكلام دا يا رنويا شوفت كلامك و قعدت اضحك الله يديك العافية بس اقول ليك حاجه امشي درس العصر بتاع استاذ محمد ابراهيم انا مشيت ليهو كم حصه كدا و غايتو بقينا نفهم شويه كدا



اذا المرءُ أفشي سره بلسانه ٭٭ ولام عليه غيره فهو احمقُ
اذا ضاق صدر المرءُعن سرنفسه٭٭ فصدر الذي يستودع السر اضيقُ

اخوكم السنجك

ranoya
Registered User
Posts: 239
(11/26/02 7:13 am)
Reply
Re: الدهليز
--------------------------------------------------------------------------------
ya sangack ne7na shihada engileeziya. wal 3ageeba schizofreenia di ma adoona laiha. '3ayto al faham gesma.

Sam7a
Moderator
Posts: 200
(11/26/02 8:21 am)
Reply
Re: الدهليز
--------------------------------------------------------------------------------
dear safi-naz well i think its just lahza min lahzat alkhoof walzahaj alnass kolaha bitmor beha! or it might be alshyitan?! u neva know unless u do sumin about it! should you need help~! holler n u'll find ur friends round ya !

much luv



Smoooha Aljamooosa!

Lil They know!


Safi43
Registered User
Posts: 85
(11/26/02 4:30 pm)
Reply Re:
--------------------------------------------------------------------------------
sangack:
"بسم الله"
انشالله الموضوع ما يصل للضلال و الهلاك ..
الطرق دي كل واحد -بحد ذاته- طريق خير بإذن الله.... لكن الاستفادة من خيره بتختلف من شخص لشخص.. حسب الشخص، و حسب توافق الشخص مع الطريق..

و زي ما قلت الموضوع ما بيخلو من وساوس الشيطان "في عدم الرضا" ..الله يلعنه..
ربنا يصبرنا.."و يرضينا بقضاؤه و قدره".. و يقدرنا على مقاومة الوساوس دي...

شكراُليك كتيير .. و شكراُ لتزكيرك... الواحد فعلاُ مرات بحتاج للتزكير و التنبيه..
يديك ألف عافية..

ــــــــــــــــــــــــــــــــــــــــــ

sam7a:
تسلمي حبيبة.. هي فعلاً زهجة و خوفة بتجي في لحظات..و أنا ما لي غيركم أجي أتفشى في "الشباك" دا -على قول رنوية-....
و كلماتكم دي يا سمحة أكبر مساعدة لي .. و بالدنيا..الله يخليكم لي..و يقدرني على اجتياز المحن.. و ما أخزلكم...
الله يديكي العافية يا غالية ..
دمتِ لي..

ranoya:
اذا ما ادوكم شيزوفرينيا في الشهادة الانجليزية ؛ ما فات عليك فوات ..أخديها في الشهادة الشباكية ...و البركة في أستاذ جيلاني.. العمل لينا النافذة دي ..نتفشى فيها.. و ناخد منها شهادات ..


ranoya
Registered User
Posts: 242
(11/26/02 5:32 pm)
Reply
Re: Re:
--------------------------------------------------------------------------------
yla nawireena ya safo o wareeni schizofreenia di shnu?

Safi43
Moderator
Posts: 150
(4/16/03 5:26 am)
Reply شيزوفرينيا
--------------------------------------------------------------------------------
و الله يا رنويا .. الشهور الفاتت دي كلها كان غالبني أواجه نفسي و أعرِّف الشيزوفرينيا دي....
لكن زي ماتقولي هي الحالة البتجينا مرة مرة ..تخلينا فجأة نظهر و فجأة نغيب.. فجأة نتعرِف و فجأة نـتـنـسي.. و في لحظة فرحة ، وسط الضحكة، تنزل دمعة..
بتكوني فرحانة و زعلانة ..من غير سبب.. ولا فرحانة ولا زعلانة.. تنفعلي في لحظات هدوء.. و لما يحصل شي تكوني جامدة زي ابو الهول..
صورتك حاجة و نفسك حاجة...
قلبك بقول شي.. و عقلك بقول شي .. و جوارحك بتعمل في شي تالت.. من غير ما تاخد رايك..
بتكوني ((مجموعة انسان )) زي أغنية محمد عبده ((ما عارفة كاتبها منو))
لو سمعتيها يمكن تفهميني .. انا ما حافظة كلماتها .. لكن افتكر في واحد من الاخوة كتب كلماتها في صفحة من صفحات المنتدى.....
حتى لو دا ما كان التعريف الصحيح ليها .. لكن دا الحاصل في الدهليز..

boco120
Registered User
Posts: 137
(4/16/03 9:08 am)
Reply Re: شيزوفرينيا
--------------------------------------------------------------------------------
الاخت الغالية صافى

تحية وبعد
إستوقفنى موضوعك الذى بحت فيه عن مكنون ما يدور بخلدك اختى العزيزة واليوم فهمت ما يدور بخلدك بعد صمتك لعدة اشهر ، ولكن دعين أقل لك كلنا نعيش على الامل وهذه الحالة التى تعيشين هى نتيجة للشعور بالخوف من المستقبل المجهول وذلك لإبتعادك عن أرض الوطن وصدقينى هذه هى الضريبة التى يدفعها ك منا مهما كان عمره صغيرا أو كبيرا ولكن ثقى بأنك ما زلت فى بداية العمر الذى فيه تتفتح الافاق وتبدائن فى تعلم دروس الحياة وفهم الحقائق على طبيعتها فأقول لك وأطمنك ان هذه اللحظة التى تعيشين هى لحظات عابرة سرعان ما تزول وحتما ستعودى لنا صافى التى نعرفها منطلقة وتحب الحياة و تنتظر مستقبلا مشرقا بإذن الله سائلا المولى تعالى أن يحفظك ويوفقك فى حياتك
ودمتى لنا
أخوك بوكو

abzarad
Registered User
Posts: 27
(4/16/03 12:17 pm)
Reply Re: الدهليز
--------------------------------------------------------------------------------
الشيزوفرينيا هي " مرض " أنفصام الشخصية ... بمعنى أن تتوهم أن لك شخصية اخرى تتخاطب معها في لحظات الأحباط و الضجر ...تتبلور هذه الشخصية الأخرى في اللاشعور أو العقل الباطن نتيجة للحياة العزلة و الأنطواء على الزات و كثرة مخاطبة النفس و هي حالة " مرضية " .. أما حالتك يا صافي" و الله أعلم " هي كم قال الشاعر

أذا كانت الآمال جسام **** تعبت من مرادها الأجسام

أنت لديك شغف المعرفة ...و حب المعالي ...و رهافة الحس .. و تريدين أن تفكي طلاسم هذا الكون و لم تتجاوزي الأثنتين و عشرين ربيعا ...أسألي عمك الهباتي بعد 35 سنه زواج وصل لي شنو ؟؟؟ ... نصيحتي لك ان تتأملي قوله صلى الله عليه و سلم : ( ان هذا الدين متين فأوغلوا فيه برفق ، فأن المنبت لا أرضا قطع و لا ظهرا أبقى ) أو كما قال ... بمعنى أن مثل المتعجل للوصول الى الغايات العظيمة وهو لم يدرس خطاه بتأني و روية فأنه مثل المسافر الذي " هفت ليهو " قام ركب حمارتو بدون ما يعرف هو ماشي وين .. فستهلك الدابة دون الوصول الى مبتغاه ... و أختم القول .. بأن الأيادي التي مدت اليك من " النافذة " لهي أصدق دليل على أنك لم تفعلي الا الصواب في تفكيرك بصوت عال .


alsafeena
Registered User
Posts: 1
(7/28/03 5:21 am)
Reply ???????????
--------------------------------------------------------------------------------
???????????????????????????????????????????????

sanaric
Moderator
Posts: 831
(7/28/03 11:25 am)
Reply
ezSupporter

Re: ???????????
--------------------------------------------------------------------------------
السفينة

ما فهمنا حاجة
انت زول ولا زولة
وشنو علامات الاستفهام دي؟
ورينا الحاصل شنو
ما شفنا زول جديد في اول بوست بعمل كدا
عموما مرحب

daggas
Registered User
Posts: 206
(8/1/03 8:46 am)
Reply loooooooool
--------------------------------------------------------------------------------
salamtik wallahi safsoofa omm soofa lakeen awal marra a3rif 3indik schi.... bta3 di .. any way ma 3arifa shno lakeen shakila kida 7aja ma kowaysa gareeba lelsars wo kida alla ishfeeki wo i7fazna ... ana zay okhti al kashfa ranoya wallahi ma nagashta kilma so please aktibo laina bal3arabi 3shan nafham .. looooooooooooooooooool


Daggoossa Al Mal7oossa

ranoo2002
Registered User
Posts: 74
(8/3/03 9:13 am)
Reply :(
--------------------------------------------------------------------------------

الحبيبه صافـــــــــــــــــــــــــــــــــــــــى
ماعارفه انا عاوزة اقول شنو ولا اقدم اى نصيحه ليك لكن كلامك حلو شديد و انا متاكده اى زول قرا الكلام دا حصلت ليهو حاجه حاكون عرف براهو
حقيقه ياحبيبه انا واحده من الناس كلامك ودانى مكان بعيد و عشت القصه بى حق و حقيقه
لكـــــــــــــــــــــــــن الكنت عاوزة اقولو اتقلب دموع و نفسيات و انت ماشايفنى عشان تقدرى تفسرى النصيحة من الدموع
لكن اليقدر اقولو كتار الذيك انا اولوم و كونك انك قدرتى تكتبى دا براهو فى حدى ذاتو حل لانو فى ناس ما عارفه هى مالا اها اسى انتى و لا ديلاك
غايتو انا شكلى بقول كلام ما مفهوم لكن الله يعينا كولنا
الله فى
اختك رنــــــــا و الحالته اكعب منك و لمن تلقى حل ادينى معاك شويه
هههههههههههههه


Safi43
Moderator
Posts: 173
(8/3/03 10:27 am)
Reply Re: شيزوفرينيا
--------------------------------------------------------------------------------
بوكو، أبزرد ، السفينة ، سنارك ، دقس، و رنوو ... شكرا ليكم و لمتابعتكم..
أبزرد .. شكرا للنصيحة .. الله يدينا الصبر و مل نبقى عجولين
السفينة.. يا خوي .. استفهاماتك دي كوووباااارررااا .. ما بقدر ارد عليها بي جاي ( كان فهمت حاجة :P ) ..
رنووو ... هو بالظبط كدا .. انت فهمتيني تمام.. انا زاتي فهمتك .. و اي واحد يقرا الكلام دا ممكن يفسره بطريقة براهو حسب شي معين حاصل ليو .. و حتى لو اختلفت الاشياء.. المشاركة بالاحاساس مرات كتيرة مفيدة و بتكون مريحة
شكرا ليكم