صافي ***4 *** أزمة أقمشة في السوق

أزمة أقمشة في السوق

==================
Safi43
Moderator
Posts: 160
(7/11/03 2:10 pm)
Reply أزمة أقمشة في السوق
--------------------------------------------------------------------------------
طبعاً الأيامات دي الاجازات و قرب السفر و التجهيز ليهو .. من مستلزمات و وصايا و هدايا .. الواحد الايامات دي لافي الاسواق سااااي .. ما خلا ليو سوق الا خشاو .. من الشمال للجنوب و من الشرق للغرب... صباح و مسا .. (دوا نزلة بس) .. خصوصاً خلال السنة ما كان في فرصة للتسوق..
قلت أشتري لي لبسات أقضي بيهم الاجازة.. لافين في السوق أنا و امي... الصيف جا .. و اللبس كلو على الاساس دا.. القصير و المن غير كم.. و الاجازات بدت و المناسبات.. الفساتين كلها سواريه و خشلعة.. و الكلام دا ما بنفع معاي..
لقيت لي لبسة لزيزة كدا معروضة .. عجبتني.. يا أمي تعالي شوفيها.. فحصتا و هبشتا .. الاسكيرت ثم البلوزة..مسكت الكم .. و قبلت على بتاع الدكان.. اللبسة دي مافي منها وحده تامة؟!! .. "تامة كيف يا حاجة؟" .. دي كمها ناقص .. ما عارفا مقطوع ولا قصته شنو.. "لا يا أختي هي الموضة كدا".. كدي باصرا لينا.. شوف بي جاي و بجاي.. امكن تلقى ربع متر من القماش تتمها.. ========== اللبسة ما نافعة

واصلنا لفنا .. عايني يا أمي اللبسة ديكي حلوة كيف.. لما جيناها من قريب .. لقيتم نسو يخيطوها.. قطع قماش مفرقة.. الاسكيرت مقصص و مشرتم.. و البلوز .. كمها طويل و واسع.. إلا نسو يخيطوهو .. اليد كلها حتكون برا...

و البلوزات الفي السوق كلها مشحتفة .. ما عارفة الزول البلبسا ولا هي البتلبس الزول..
قلت مافي نصيب في اللبس الجاهز.. و الخياطين راقدييييييييييين..

نمشي نشوف الجزم أحسن .. طبعاً جزم مافي .. ما قلنا الدنيا صيف.. شباطة و شباشب بس.. من النوع الإلا تجيب ليك سلم عشان ما تصلو .. و (سقفو) سير ولا اتنين .. تحس برجلك مهوية .. آخر انتعاشة .. غايتو كأنك طالع ليك في طوبة .. و حفيان و حايم ..

للسوق في بضاعته شؤون ..



Sawaah
Registered User
Posts: 175
(7/12/03 1:25 am)
Reply هاهاها
--------------------------------------------------------------------------------
تحياتي سافي ، وآمل أن تكون وجدتي ما يلبي رغبة املبس عندك

لكن كان تشتري جلابية أنصارية وتدخلي فيها - وما يهمك كلام الناس



دي معالم طمس الهوية السودانية والإسلامية من خلال ترويج مثل هذه الملبوسات التي لا رأس ولا آخر لها ما تعرفي تلبسيها من وين

ألطف يا كريم

Sam7a
Moderator
Posts: 731
(7/12/03 9:53 am)
Reply
ezSupporter

Re: هاهاها
--------------------------------------------------------------------------------
looool... shofti keef ya safi! ehna almahjabeen hina fi uk! bs tamshi gisim alnass alkobaar (alsoman ) watlbsi tani ma 3indik mashroo3 ila hidoom alrojaal alsoman bardo loool.
b3deen matafdaheena m3a alnass kida! ygolo dila shino algodam dila:S mabjeek 3rees tg3odi tabori zi samoha kida looooooooool
serious now
tb3an safi this what makes me sick of going shopping .. you be like! can someone really wear this kind of cloths! and sad enough they do! even the sudanese sister whom livin here or comin for a holidys... haja takhajil yakh!
Allah kreeem ya marrah

sawah inta ansari belahi???? sjmaaaaaaaaak kan kida! ana khaleet leek al ansareyah! b3deen isma 3ala Allah al albsa ya keshah :P

Good luck on ur long shoppin trip of findin something suitable to wear ...and see you in sudan insha2 Alalh
wad3nakom Allah warasolo kadi yaumma.. *Te amo*

almasafaa
Registered User
Posts: 163
(7/12/03 12:07 pm)
Reply حمد الله الف علي السلامة
--------------------------------------------------------------------------------
اول حاجة الف الف حمد الله علي السلامة ... والبركة في الرجعة للكتابة . وموضوع البس دا مقدور عليهووو .. شوفي ليك فركة كدا اتلفحي بيها ويكون الموضوع انتها ... وفكرة زاتوو الناس تقول انوو في عودة للقيم القديمة لوووووووووووووووول ..... اييييييييي حسي دقس يقول علي رجعي ومتخلف ..


ويا واقفة بين لحظة وجودك والغياب

ana wa
Registered User
Posts: 9
(7/15/03 1:25 am)
Reply ry
--------------------------------------------------------------------------------
يا سلام عليك والله العظيم الزمن ده قليل يكون في بت بتفكر زيك

اولا موضوع الاقمشه الفي السوق ده ما ازمت اقمشه ده ازمت قيم ودين لانو بتاعين الدكاكين لقو انو بجيبو لبسات زي الانتي دايراها بتجي تشتري منو انتي وكم بت معاك لكن لو جاب زي الشفتيها بجو يشترو منو كل الناس او علي اصح قول كل البنات المسالة بقت مسالة قيم وعدم وجود وازع ديني وضعف في الايمان لانو انا متاكد كتير من بناتنا ونحمد الله مهزبات لكن بتجي حت ياخ دي متخلفه في الجامعه وفي المدرسه وفي محل الشغل لو لبست عكس ما موجود في القنوات الفضائية ونقول ليك اكثر الله من امثالك يا اختي واحكي ليك موقف قريتو في جريدة سودانيه بتقول انها جات الجامعه ولابسه كويس لكن صحباته قالو ليها ده شنو يا متخلفه ولما قالت ليهم انا بلبس كده من الله خلقني قالو ليها لانو الله ما خلقك في الجامعه لكن اسه انتي في الجامع ويجب تلبسي زي بنات الجامعه (اكيد طبعا ما كلهم) قالت ليهم ما عندي البس زيهم دايره تنهي النقاش فاذا بها بعد يومين تتفاجاء بانو صحباته اشترو ليها المخشلع البلا كم تقول مخيطنو بي ركامه بس وقالو ليها يا تلبسي وتكوني زينا وصحبتنا يا تشوفي ليك صحبات تانيات







يا ساتر من زمننا لغيرو مشاتر قول يا لطيف

JamiIa180
Registered User
Posts: 143
(7/15/03 1:34 pm)
Reply
Re: ry
--------------------------------------------------------------------------------
a'7 ya Safi, bilmu'7ta9ar almufeed
ana al leebis '7ala9 gini3ta minnu! wa BATH

Safi43
Moderator
Posts: 162
(7/15/03 3:27 pm)
Reply Re: أزمة أقمشة في السوق
--------------------------------------------------------------------------------
سواح .. سمحة ..المسافة .. أنا و () .. جميلة .. على المشاركة ..
سواح بحييك على غيرتك على القيم.. لكن ما حرقني غير (سافي) قريتها سافّي .. حأقوم اتسدا و أقول ليك شكراً يا (سواه)

تعرفي يا سمحة .. إلا كان انا و انت نبتكر لينا جلاليب و نزلها في السوق .. و نقول عليها موضة .. و نكلف رنويا بعمل الدعاية .. امن عارفة لزوم الشمارات و طليع الاشاعات .. دا بقى تخصصها

الله يسلمك ألف يالمسافة .. سمح .. باكر بتشوفنا أنا و سمحة بفركة قرمصيص..

و الله قصة يا انا و .. قصة و ناقصة حصة .. على قول همسة شوق... بالمناسبة اتو الزولة دي مختفية وين؟؟

قلت لي يا جميلة قنعت من اللبس... أخير ليك زاتو .. ريحت روحك .. أنا زاتي ناوية أقنع و أعتزل..