الزهراء - غريبة جدا؟؟؟

alzahraa
Registered User
Posts: 244
(1/16/04 18:08)
Reply غريبة جدا؟؟؟--------------------------------------------------------------------------------
سلامات كتيييييرة للنافذنجية اللذاذ
الحقيقة عندي حبة فارغة كدا ما بطالة قلت اقوم اشوف الجماعة الصاحي منو؟؟
الحكاية اني كنت بشوف في فليم غريب كدا بممثل واحد وقطعة خشب؟؟ يعني مافي جنس مخلوق كان معاهو في الفلم دا والغريبة انو فليم جميل جدا ؟؟؟ انا سرحت كدا في اولو وبعدين جيت علي هنا , كان بحكي ( يا اخوانا ما تخافو ما حا أحكي الفليم كدي استهدو وتابعوني)...؟؟؟


alzahraa
Registered User
Posts: 245
(1/16/04 18:26)
Reply Re: غريبة جدا؟؟؟
--------------------------------------------------------------------------------
وبعدييين ؟؟؟
الحاصل انو الزول دا كان اتقطعت بيهو الحياة في جزيرة وبراه فبنى ليهو حتة ودبر معيشتو فيها واكلو وشرابو وكدا يعنى مفروض ضروريات الحياة اتوفرت ؟؟ بس الغريب في القصة انو ما اكتفي ببناء السكن واكيد فكر يبني قارب ولا قصة كدا يحاول يرجع بيها على المحيط ؟؟؟ الغريب في الحكاية انو عمل ليهو دمية بحجم الانسان وسماها اسم كدا ما متذكراه ( نخليها الزهراء) وبقت حياتو متعلقة بالدمية دي يتكلم معاها من الصباح ويناديها ويضحك معاها ؟؟؟؟؟؟
لاول مرة انتبه انو حوجة الانسان للعاطفة بتعادل حوجتو للمعيشة ؟؟؟ وانو الارتباط العاطفي هو الامل فى الحياة وسرحت بفكر في مدى علاقة الزول دا بالدمية وحبو الغريب جدا ليها؟؟؟


Edited by: alzahraa at: 1/16/04 18:32

Magic176
Registered User
Posts: 6
(1/16/04 18:49)
Reply v
--------------------------------------------------------------------------------
يقول ارسطو: ان الانسان حيوان سياسي واجتماعي.
لكن السؤال الذى تبادر الي زهني, ماذا سيكون مصير(الحبيبه) الدميه عندما سيأي قارب النجاة ليعيد صاحبنا الى محبوبته الأنسانه؟

alzahraa
Registered User
Posts: 248
(1/16/04 18:57)
Reply Re: غريبة جدا؟؟؟
--------------------------------------------------------------------------------
لسه ما انتهينا؟؟
الحصل انو الزول دا حاول يرجع وجهز حالو وعمل ليهو قارب كدا وشال مؤونة وكدا و ...........................دميته؟؟؟
بختصار حصل انو الدمية وقعت منو في المحيط ؟؟ وفتّح ما لقاها جنبو؟؟
اتوقعتو الزول دا عمل شنو ؟؟
يمكن تكونو شفتو القصة دي ؟؟ لكن بالجد مش غريبة ؟؟
ابدا ما اتصورت انو يخاطر بحياتو عشان ينقذ دمية خشبية وينط في المحيط؟؟
وكان بنادى عليها وبيبكي ومهستر زي الاطفال ؟؟
الاغرب لمن بقت في حضنو؟؟ والبكاء وكل الاحاسيس الطبيعية ل........ دمية خشب؟؟
خليكم من فكرة انو فلم, رايكم شنو في تعبير الانسان عن حقيقة مشاعره؟؟
احساس الطفل بحياة دميته؟؟
احساس البكاء والضحك ضرورة لحياة الانسان؟؟
غريبة جدا حوجة الانسان للبكاء حتى دون مبرر مقنع؟؟ وحوجتو للضحك والمشاركة ؟؟


nono790
Registered User
Posts: 359
(1/16/04 19:06)
Reply Tom Hanks
--------------------------------------------------------------------------------
alzol almashi gai da 3amal lae tawator o do'7a ya zahra
mush da filim tom hanks beta3 cast away
he was crying wilsoooooooooooooooon lol
alfilim da mu3abir shaded o fe3lan zae ma golti al3elagat alensani momkin takon ahama min al7aya nafsaha ...mafe zol be7ib alwi7da ..7ata begolom alwe7da betgeb al'7araf almubakir ..ya3ni lao kan sa7ab wilson da ma kan gidir yasta7mal go3adi ala o ragabto felgazera de
7aja fe3lan mu7isha shaded eno alzol yag3od baraho...kan lazem eno yalga leho anees 3ashan ma yagin
i will be back with more to say about this
later

alzahraa
Registered User
Posts: 249
(1/16/04 19:09)
Reply Re: v
--------------------------------------------------------------------------------
magic176
الزول دا كان متعلق بالدمية ولحدي النهاية ما فارقت حضنو وكان بيبكي بحرقة لمن ضيعها وما اعتقد انو حيتنازل عنها بسهولة بعد ما كانت رفيقتو طول الفترة العداها في الجزيرة؟؟
تفتكري دي حاله نفسية ولا بتعكس صورة ارتباط الانسان الفطري؟؟؟


alzahraa
Registered User
Posts: 250
(1/16/04 19:16)
Reply Re: Tom Hanks
--------------------------------------------------------------------------------
نونو العسل
شفت الزول دا حيفضل يمشي ويجي لمن ابطل احتار في الحاصل
Lo0o0o0o0o0o0o0o0o0o0o0o0L
aywa da f3ln filim tom hanks beta3 cast away,wa wilsoooooooooooooooon da albftesh liho zato!!!
thanx for reply ,ana f3ln mo7tara???

alzahraa
Registered User
Posts: 266
(1/17/04 22:27)
Reply Re: Tom Hanks
--------------------------------------------------------------------------------
شنو يعني القصة ما مؤثرة ولا ما عندكم راي؟؟؟


Edited by: alzahraa at: 1/20/04 20:50

alzahraa
شؤون الشباب والطلاب
Posts: 279
(1/20/04 21:14)
Reply Re: Tom Hanks
--------------------------------------------------------------------------------
نخليها عاااادي جدا
مش عادية القصة دي ؟؟ ايه يعني احساس بدمية خشب ما عااااااااااادي

يلا مافي زول يكتب هنا
انا حا امسح اي رد واخربش اي زول يخد يدو هنا
اها نشوف ؟؟؟؟؟

abolshbab
Posts: 20
(2/1/04 10:53)
Reply قصة رهيبة
--------------------------------------------------------------------------------
كان فيه واحد قاعد في جزيرة براهو
وعمل ليهو دمية من خشب و ارتبط بيها
انا سؤالى هو انو كيف كان ارتباطو بيها؟
يعني جاب الحبال من وين؟
و أهم حاجة غفلتي عنها في قصتك هى ذكر نوعية الخشب الذي صنع منه الدميه!
لأننااااااا لمن نعرف عمل الدمية من خشب شنو ح نقوم نعرف سر الارتباط
يعني لو كانت من خشب الصندل مثلا فممكن تكون بتذكره بحادثه معينة وقعت له بينما كان يرعى الغنم في وادي ذي زرع ، وكان ذلك الوادي به بعض اشجار الصندل المورقة و المخضرة التي كان بيقيييييييل تحتها
اما اذا كانت الدمية مصنوعة من خشب النيم فيكون الوضع مختلف ،، فقد يرجع تعلقه بها في هذه الحالة - و كون ان النيم - - الاكلتيهو - مر مرارة شديدة فقد يكون التعلق بسبب ما عاناه في ظل حكومة الشيوخ من مرارة
كما وان صنع الدمية من الخشب في حد ذاته له مدلولات خطيرة و يكشف عن شخصية ارهابية في دواخلها ،، بدليل الخشب ، وهو رمز للنار و الحرائق التي حدثت في الحادي عشر من سبتمبر
فيمكن يكون زولك البتتكلمي عليهو ده هو اسامة بن لادن متخفي في صورة الممثل
وانصحك بالاتصال بأقرب سفارة امريكية ليك و بلغيهم عنو
ولو ادوكي الجائزة اتصلي بي و نتقاسمها

((شنو الكلام الفاضي اللى انتي كاتباهو ده)) ،،، نحنا ناقصين؟


حاولي تكتبي كلام مفيد

يعني هم البنات لاقيات يتحبو لمن الناس تقعد تحب في الخشب؟

alzahraa
شؤون الشباب والطلاب
Posts: 303
(2/3/04 7:06)
Reply Re: قصة رهيبة
--------------------------------------------------------------------------------
والله قصصصصصصصصصصصة يا ابو الشباب ؟؟؟
توووووووووش طوالي داخل لفت وكمان ماكلة نيم وكلام فارغ وما ناقصين ؟؟
انت قايل شنو ؟؟ ما من زماااان مستنية لى واحد لديح زيك ؟؟ الجماعة ما فشوني فى المشاكل , بعدين انا ماقلت بمسح اي بوست وواعك من الخربشة ؟؟
اصبر لى يا ابو الشباب اظنك ماعارفني ؟؟ على العموم مرحب بيك واستناني جنب الراكوبة دي اتناول لى ساطور كدا من جبنتي وبجيك؟؟
عمو الجيلاني لو ما حسمت الفوضوي دا انا بتكفل بيهو ؟؟


Edited by: alzahraa at: 2/3/04 7:09