صافي *** 2 *** البصيرة ام حمد

البصيرة ام حمد

====================


Safi43
Registered User
Posts: 20
(10/20/02 12:09 pm)
Reply البصيرة ام حمد
--------------------------------------------------------------------------------

سلام يا ناس النافذة.. والله مشتاقيين.. و مشتاقة للونسة معاكم .. و معرفة جديدكم (مع اني دائما بحاول اعرفه و اتابعه) ... و من شوقي ليكم جاية احكي ليكم ، عشان ما عندي غيركم...

قبيل اتزكرت "البصيرة ام حمد " و قصتها الشهيرة مع الزير و الحمار.. لما الحمار دخل راسه في الزير و غلبو يمرقو .. و الناس اتحيرت تعمل شنو ..قاموا لجأوا لكبيرتهم "و حكيمتهم" التي أشارت اليهم بان يقطعوا راس الحمار.. قاموا لما قطعوهو ، ما قدروا يمرقوهو من الزير ، فقالت ليهم .. اكسروا الزير...

هنا بتتضح بساطة الناس زمان.. و انهم دايما بلجؤا لكبيرم مهما كان حكمو ..

الزكرني للقصة دي بعض الامور الاستجدت عندنا في الجامعة هنا (جامعة الملك سعود) مع بداية السنة الدراسية الجديدة.. و التي تتمثل في بعض القيود و القوانين الغريبة (و التي لا اجد لها اي حكمة) و ما لي الا اقول "الله يدينا الصبر.. و يا بت هانت كلها سنة-انشالله- و تقطعي وشك منهم نهائي"..
هذه القيود (اقصد القوانين) تتمثل في الاتي:

1) التقيد بالوان معينة للزي (ابيض و اسود أو بني و بيج).
2) (دي طويلة بقى.. و هي مناسبة الموضوع) قيود تتعلق بالمرقة و الدخلة..
اولا لازم اديكم نبذة عن مداخل الجامعة و بواباتها :

المجمع بتاعنا عبارة عن 4 كليات .. ليهم 3 بوابات ..
واحدة.. لدخول و خروج الطالبات .
و التانية.. لدخول الاستاذات و الطالبات ، و خروج الاستاذات "فقط" (ما تسألوني..ليه)..
اما التالتة .. فلمن يستقلن حافلات الجامعة.

اما جديدهم من قوانين فهي.. عشان تمرقي بالبص لازم تطلعي حاجة اسمها "بطاقة خروج" فيها اسمك و معلومات عنك و صورتك ، و مواعيد الترحيل البتركبيهو كل يوم.. و توقيع ولي امرك (على صحة ذلك) و ختم من جهة عمل ولي الامر.

اما البتطلع بي عربية .. بطاقتها فيها -اضافة للمعلومات الشخصية- معلومات عن الحيسوقك (اسمه،جنسيته،رقم هويته...الخ) و فيها جدول مواعيد محاضرات الطالبة ، و توقيع من الارشاد الاكاديمي -على صحة الجدول- وختم من شؤون الطالبات ،و توقيع ولي الامر و ختم من جهة عمله..و حاجات تانية.

اما القرار "الصاعقة" فهو .. منع خروج الطالبات من الجامعة قبل الساعة 12 ، حتى و ان انتهت محاضراتها 9 ولا انشالله ما عندها محاضرات زاتو ..
مع العلم انو البوابة بتكون مقفولة-للصلاة- من 12-12:30 .. بالرغم من انو ما في زول بمشي يصلي.. لانو ما في زول حيلقى حتة يوقف فيها عربيتو (مافي مواقف) .. و اغلب السواقين من غير المسلمين ..و الباقين زاتم ما بمشو يصلوا (الحارس، رجال الامن، رجال هيئة الامر بالمعروف و النهي عن المنكر)....

ا لناس كوركت و احتجت و زهجت ..لكم بعض الاصوات :

mahzalat alsa3a 12 -abu nawaf group-

طبعا تكونو زهجتو و روحكم حرقتكم و بتقولو بسركم "دا مالو و مال البصيرة ام حمد"..
الصبر....جاياكم في الكلام.

البصيرة ام حمد اتمثل دورها و شخصية و كيلة كليتنا .. و التي امرت بتعليق اعلان مفاده..
انو اي واحده بتنتهي محاضراتها الساعة 9 او 10 او 11 تتقدم بجدولها للارشاد الاكاديمي..

طبعا الناس فرحت و ما صدقت و شالت جداولهم .. و عدل على الارشاد ...و بنات الكليات التانية اتغاظوا ...والخ الخ .

المهم..واحدة في البنات سألت موظفة السكرتارية (بتاعت الكلية)عن الاجراءات الحيعملوها.. قامت الاخت (السكرتيرة) ضحكت .. و قالت ليها .. " بنسو احصائية بالبنات اللي يخلصون بدري.. عشان نعمل حسابنا الترم اللي جاي ..و ما نخلي احد يخلص محاظراته قبل اثنعش(اتناشر)"...

طبعا دا كان انسب حل -من الوكيلة- للمشكلة الراهنة .. و هو مثال للحكمة ..و التي على أشكال حكمة "البصيرة ام حمد" .. و الوكيلة اصبحت "الوكيلة ام حمد"

Edited by: Gilany at: 8/9/03 5:24 pm

daggas
Registered User
Posts: 47
(10/20/02 2:21 pm)
Reply looooooooooooooooooooool
--------------------------------------------------------------------------------
slam ya safi wo di loooooooooooooooooooooooooooooool and big looool wallahi...


Daggoossa Al Mal7oossa

Safi43
Registered User
Posts: 21
(10/21/02 12:21 am)
Reply lol!! :S
--------------------------------------------------------------------------------
shokran daggas 3la alrad ..lakin t3al hinaaaaaa!!! ..lool 3la shno belzab6?!!!!! 3lai ana? walla 3la alba9eera um7amad ??walla 3la alwakila um7amad??walla 3la algararat??walla 3la ga3dati m3a aljama3a dail??walla...wallaa ..walla shnoooooooo??? (a9lo sharru albaliyati ma yo'97ik...walbaliya -yakafi albala- bigat kateera)

3la kollin shokran 3la radak <---albit 3amla feeha zoog :P

sanaric
Moderator
Posts: 235
(10/21/02 12:51 am)
Reply البصيرة ام حمد
--------------------------------------------------------------------------------

لكن الوكيلة عندكم يا صافي

دي فاتت البصيرة ام حمد بمراحل

تتذكري يا صافي حادث الحريق الحصل قبل سنة وماتن فيهو كم طالبة بسبب القوانين المتحجرة ؟

غايتو الله يكون في عونك وتتمي معاهم باقي الايام دي



Karkor
Registered User
Posts: 89
(10/21/02 9:13 am)
Reply
Re: البصيرة ام حمد
--------------------------------------------------------------------------------

الاخت العزيزه صافي كيف الحال و الاحوال مرحب بيك مره تانيه في البورد معنا اما بعد,
والله القرارات الكتيره حيرت الناس بعدين ناظم البطاقات دا شنو اسي بطاقه دخول ,بطاقه خروج شنو هوو اصلوو جامعه ولا قاعده عسكريه اظن جامعتكم دي عندها صله بي تنظيم القاعده ههههههههههههههههههههههههههه
لكن ما تنسي انو دي جامعه الملك فهد بن عبدالعزيز
يعني ملتزمين شديد بعدين عموماً كدا اغلب الخليج العربي
غايتوو ما عندي غير اقول ليك
احدً احد
كركوررررررررررررزيناااا


Safi43
Registered User
Posts: 22
(10/21/02 9:38 am)
Reply البصيرة ام حمد
--------------------------------------------------------------------------------
سلام تاني..
شكرا سنارك و كركور على شعوركم..و بالله ما تنسونا من الدعاء..
والله يا سنا بعد حادثة مدرسة مكة...قالوا يحلو المشكلة..و يلغو الرئاسة العامة لتعليم البنات (سبب الفساد كما يرون)..ويضمو مدارس البنات تبع وزارة المعارف...لكن هيئة الامر بالمعروف و النهي عن المنكر زي الما عجبها الكلام دا..ز دايرة توريهم انها ممكن بسلطاتها تتدخل في امور -وان كانت لجهات غير رئاسة تعليم البنات- .. وهي كلياتنا في الجامعة ..التابعة لوزارة التعليم العالي... كأنها بذلك بتقول ليهم "حتمشو مننا وين ؟؟ " ...

يا كركور دي جامعة الملك سعود.. ما فهد..لأنو جامعة الملك فهد ما بقدروا يعملوا فيها كدا ..لسبب بسيط..و هو انها للذكور فقط :d (جامعة الملك فهد للبترول و المعادن) طبعا ديل ما حيخلوا البنات يقربوا لا من بتروول و لا معاادن..

لكم جزيل شكري

nono790
Registered User
Posts: 35
(10/21/02 5:38 pm)
Reply
Re: البصيرة ام حمد
--------------------------------------------------------------------------------
hi safi girl
ana walahi alsara7a i know we dont know each other.but lafatne be shida taregtik alzarefa fe alsard wa de7kta shaded walahi..atmana ene at3araf 3aleke o nakon good friends....wa enshala tat7alli min algam3a alshom de gareb ya bit ala yakon fe 3onik walahi.....
tc
nono

daggas
Registered User
Posts: 49
(10/21/02 7:03 pm)
Reply looooooooooooooool
--------------------------------------------------------------------------------
salam wo loool tani..al marra di le safi wo nono...gal ta3arof gal...yaaaay kida ma 7ilo.. assi anadi laikom al mo6awi3..ma wakeelatkom di zay krkoor fi al paltalk ..ma tsallimi 3alaiho ishootik min al room
waaaaaaaaaaaaaaaaaaaaa3
Daggoossa Al Mal7oossa

Safi43
Registered User
Posts: 23
(10/22/02 6:11 am)
Reply thx nono
--------------------------------------------------------------------------------
taslami 3aziziti ..ana 7assa innana 7ankoon good friends inshallah...ymkin fi3lan matlagaina gabli kida..lakin inshallah 7anitlaga...tslami 3la kilmatik alzareefa "'7ajaltini" <--albit 7assasa... into abgo m3ana beldo3a..
o kaytan 3laik ya daggas 7asalim 3laiha ..o asooga m3ay a3arifa 3la alwakila kaman

will311
Registered User
Posts: 1
(10/22/02 11:05 am)
Reply Re: البصيرة ام حمد
--------------------------------------------------------------------------------
looool wallai lakin tashbwwh balee'3 ya safi ya'7ti

ludacris 4
Registered User
Posts: 30
(10/22/02 12:57 pm)
Reply Seen-alam all!
--------------------------------------------------------------------------------
First of all ... (WAzzzzzzUP Safi, long time!)

Second of all ... (LOOOo0o0o0o0oL@ Alwakeela um ahmed_1021!)

MObaal'3a tab3an .. I remember when karkor dropped out of his college .. "that if he wasn't expelled!!".. bardo kanat 3indahom nafs al zoroof wa 3adam al 7oroof!!

wo taniyan wakeelatkom di tryin to smart li daraga! .. hmm .. maybe SHE IS!! ..
Fa 3shaan kida, No Matter how soft da woman is, she got da tough heart!! i mean da semi-tough heart! .. fa tgoomo ta3mlo likum mozaharat or Protest agaisnt her bi damakom wo 3ibaayatkom!! alla ma3akom :P

wo ba3ad da kolo tgoolo al hamdo lilaah.. AT LEAST ya'll got SOME PLACE to be on!! 3shaan the next picture u gon' see is "WOW!!"..

Dii kolllllaaaaaAAaaaaha kida Madrasa fil sudan!!



LuA.....

ludacris 4
Registered User
Posts: 31
(10/22/02 1:01 pm)
Reply Oo.. ma bad :D
--------------------------------------------------------------------------------
Di koooolllllllllllaaaaaaaha kida al madrasa!





LuDA....

ranoya
Registered User
Posts: 149
(10/22/02 1:49 pm)
Reply
looooool@safi
--------------------------------------------------------------------------------
walai hu mmkin ma yida7ik but the way u write wallai is 3asal bas weeeeeeeeeein ya safi. shalooooooooom o kida.
rabana yiwafigk o yifikik m al ham da.
gooli ameen

loooooool@luda wal sowar
walai ya luda gani i7sas inta bitagra ma3 alnas dail.. shnu al sowar al 3ageeba di walai zakartani bea al madrasa al gidam baitna fil gadaref. deek 7alata ma 3indaha soor wla modeer wallai. bas rabana yi9li7 7al al gamee3 o nashoof sudana foog kida goolo ameen.





Safi43
Registered User
Posts: 26
(10/22/02 10:33 pm)
Reply Re:
--------------------------------------------------------------------------------
شكرا ليك يا "ول" ياخوي..تسلم
والله يا "لودا" معاك حق..الحمد لله على كل حال.. لكن تعرف! انا لو قريت في المدرسة الفي الصورة دي ..اخير لي من هنا.. من الصورة الواحد حس بالحرية ..و انه بلقى حقوقه كإنسان ..و دا أهم شي..عشان هو زاتو يقدر يأدي واجباته كويس.. و كفاية انو مع اهله و ناسه ... ربنا يرفع بلدنا و يصلح مدارسها و كل مؤسساتها..
آآآآآآآآآآميييييييييين يا رنويااااا ... ربنا يخليكي لي..دا بس من زوقك..و ربنا ما يحطكيش في ديئة (ضيقة) ..

will311
Registered User
Posts: 10
(10/23/02 9:21 am)
Reply
Re
--------------------------------------------------------------------------------
تسلمي إنشالله

Edited by: will311 at: 10/23/02 11:33:02 am

daggas
Registered User
Posts: 52
(10/23/02 4:43 pm)
Reply looooooooooooooool tani-
--------------------------------------------------------------------------------
Salam min tani wo looooooooooool ya safi lakeen ommmmmmmmmmmmba7 le luda3.. ma gotto ...... 3afait minnak wallahi ya luda al bit 3amla feeha 7ankoosha wo yaaay kida ma 7ilo wo hakaza . lakeen fi al silik wallahi.. safsoofa akhair laiki itzakari wo compare . shofi ranno kanat fi al gadarif malamma3a belwadak assi lotion wo shampoo wo kida .. amma sara al kukko ansi bs. kanat bitarkab al 7omar belgalaba 3ashan i3adeeha al khoor lel madrsa...assi alsawag gal laiki bakistani kaman...mosh akhair na7mid alla some times for what we do have???...looooool tani

Soumeta
Registered User
Posts: 21
(10/24/02 11:12 am)
Reply
Re: البصيرة ام حمد
--------------------------------------------------------------------------------
صافي اللذيذه لك التحيه
طبعاً ضحكتيني من جوه قلبي،،، ذكرتيني حاجات اصلاً ما راحت من الذاكره لكن قل ذكرها بي زحمت المدعوه الحياه،،،، الجميله طبعاً،،،،ما حا اقدر اقول ليك اكتر من إنو يا بتي عاد إتصبري علي قدر المده الفاضله دى لكن بيني و بينك كدا دي لو كنت انا والله بجن من السنة الأولي فحقيقي بحييك علي تشبثك بي جامعةالحروم دي و طبعاً دي ما المشكله، المشكله الحقيقيه في الحظر المن كل الجوانب ده ،،،، موفقة يا بتي،، وا أهو كلنا بنلقي أرواحنا في أماكن لا حول لها ولا لنا قوه في الإبتعاد عنها،،،،
أبقي عشره يا بنيه
سيزو
بقت الدنيا في عيني هجعة خطوه في سكة فرح مفقود....

Edited by: Soumeta at: 10/24/02 9:17:21 am

Safi43
Registered User
Posts: 28
(10/24/02 11:49 am)
Reply Re: البصيرة ام حمد
--------------------------------------------------------------------------------
daggas ya shain... al7amdolilah all the time..for evrything ..allathi la yo7mado 3la makroohin siwah.....
لكن انا ما عارفة لي انت ما عايز تفهمني.. انا ما مشكلتي مباني و لا مداخل او مخارج..انا بتكلم عن الاسلوب.. و مسألة الاحترام المفقود..مافي اي تقدير للذات عندهم ..خصوصا ذات الفتاة .. يعني عندك -على سبيل المثال لا الحصر- واحدة من قراراتم الجديدة (الراشدة)<--- قدر الرشاد يا يابا .. بالنسبة للترحيل.. في تلاتة مواعيد لانطلاق الحافلات من الجامعة ظهرا (الساعة 1 و 3 و 5 ) كل زول حسب مواعيده... البحصل انو البوابة بتتقفل قبل المواعيد الرسمية لتحرك الحافلات ب 5 دقايق (و الحافلات طبعا بتبدا تتحرك بعد المواعيد المحددة على الاقل ب 10 دقايق) .. يعني اذا محاضرتك بتنتهي 1 او 3 او 5 مفروض تستاذني و تطلعي بدري شوية و تجري للبوابة و تلبسي عبايتك بسرعة (يعني تكوني جارية بسرعة "سالبة" عشان تصلي في المواعيد) .. و بعد دا تلاقي المشرفات في البوابة بكشوا البنات زي" الغنم" و يلزلزوهم عشان دشلمية بت يطلعو في نفس اللحظة من الباب الصغير ... و ممكن يتقفل الباب قبل ما تطلع البت ..و هي واقفة وراهو و سامعة صوت البصات و هي بتتشغل ..و تكون عارفة و موقنة انو البص لسة ماتحرك..وما بفصل بينها و بينه الا الباب دا..و مع ذلك عليها الانتظار لساعتين تانية بعد التلتلة دي..او تشوف ليها اي صرفة..
انا بتكلم عن الاسلوب يا دقس بغض النظر عن الهدف او الحكمة ..و احمد الله اني سودانية و اني ما سعودية .. و بحن على السعوديات ..عارف شنو !.. من شدة احتقارم لحقوقها -المرأة السعودية- ليس لديها هوية (بطاقة شخصية مافي) ..
و افتكر انو البقروا في الخلا ساكت او في مدرسة زي الفي الصورة فوق.. مبسوطات على الاقل لانهن يجدن انفسهن .. و يستطعن الحصول على ما يردن بأيديهن .. لأنو عندهم ذات و الناس مقدرة الذات دي و محترماها..

شكرا سيزو على مشاركتك اياي الشعور .. (يا بتي انا زمان سبتك صغيرة .. ما قايلة المدة الانقطعت فيها دي عجزتك قدر دا ..فتي حبوبة عجوز زاتها ..لول)
انا لمن خشيت الجامعة دي -بالرغم من وجود بعض القيود- الا كانت محتملة .. هم كل سنة يضيفون بعض اللمسات الاضافية على سيايتهم (الرشيدة) .. لكن و الله لو من السنة الاولى كانوا كدا..ما اعتقد اني كنت حاقعد ليهم .....الله كريم

تسلمي على مشاركتك ..لك حبي

Edited by: Safi43 at: 10/24/02 11:50:39 am

daggas
Registered User
Posts: 55
(10/24/02 5:43 pm)
Reply loooooooooooool talit
--------------------------------------------------------------------------------
wa7at sitti nafeesa da lool talit ya safi .. ana kallamtik to be on diet wo kida 3ashan ma tagdari tajri wo tal7agi al bu9 mosh tabgi sameena wo madardama zay nass sara wo kida illa idoohom dafra .looooooool..ya bit allah da bna7mido belalaf le yoom al wogaf zay ma btagool 7aboobti lakeen wakeelatkom di wakeeli alla illa talga wa7da tma33i6a 3ashan taamin jad..ala ikoon fi 3oonkom wo ahi just one year to go.. God pless inshallah.....


Daggoossa Al Mal7oossa

Safi43
Registered User
Posts: 30
(10/25/02 4:15 am)
Reply Re:lool
--------------------------------------------------------------------------------
looool ya daggas .. '7ala9 7a3mal be na9ee7tak ..o a3mal lai diet .. m3a inni la'3ayit 7ssa bgeet ma mo7taja .. min aljari albajreeho




daggas
Registered User
Posts: 56
(10/25/02 6:09 pm)
Reply البصيرة ام حمد
--------------------------------------------------------------------------------
yakhi takh .. ma mo7taja galat ..Any way al sniper bita3na gabado wo 7a ashoof kan 3indo a97ab arasilom isallimo 3ala wakeelatkom ...loooooooooooooooooooooool

Daggoossa Al Mal7oossa


------------------------
Safi43
Registered User
Posts: 35
(10/26/02 11:09 am)
Reply Re: daggas
--------------------------------------------------------------------------------


Gilany
ezOP
Posts: 231
(2/5/03 2:00 pm)
Reply
ezSupporter

Re: البصيرة ام حمد
--------------------------------------------------------------------------------
من اجمل ما قرأت
عيش الدنيا ان كان يحلى وان كان مرة الزين ما بدوم والزول بموت فد مره

hasan Sitta
Registered User
Posts: 6
(4/8/03 10:26 pm)
Reply Re: البصيرة ام حمد
--------------------------------------------------------------------------------
اين اختفي هذا القلم الرشيق؟

alzahraa
Moderator
Posts: 95
(4/8/03 11:40 pm)
Reply Re: البصيرة ام حمد
--------------------------------------------------------------------------------
والله فعلا افتقدنا الاسامى دى وسالت عن اخبار البصيرة ام احمد
welcome back hasan sitta

boco120
Registered User
Posts: 123
(4/9/03 11:41 am)
Reply Re: البصيرة ام حمد
--------------------------------------------------------------------------------
الاخت العزيزة صافى
والله بالجد وحشنا قلمك وكلنا امل ان يتواصل هذا الإبداع وبالمناسبة يا الزهراء ويا حسن الاخت صافى عادت لنا مرة اخرى ووعدت بالعودة بقوة فى النافذة ويا صافى اامل أن تفى بوعودك هذه المرة وكلى على ثقة بأنك ستوفى بوعدك كما عهدتك دائما ومذيدا من الإبداع
بوكو

hamsatt shoog
Moderator
Posts: 106
(4/11/03 6:58 am)
Reply Re: البصيرة ام حمد
--------------------------------------------------------------------------------
صفصف والله انت حبوبة صحى صحى
غاتسة كدا وين أوعا تكونى كفتى الوكيلة بتاعتك دى وودوك البتاع داك
تبرى يايمة..ولا الرطوبة قايمة عليك ياحبوبة
لكن انا هسى جاية اقدم ليك دعوا نيابة عن الزهراء للجبنة بتاعتا
طبعا عرفتك فى البالتوك باسم حبوبة عجوز ولقيتيك بتنفعى فى راكبوبتنا
بنديك شغل باليومية غايتو>>-----إغراءات وكدا قال ليك
يالله تعالى سرييييييييع
وخلينا نشوف باقى ابداعاتك الفنية وماتغيبو تانى ياجماعة
النافذة عطشت عدييييل كدا لموضوعاتكم الشيّقة

Safi43
Moderator
Posts: 143
(4/13/03 3:25 pm)
Reply شكراً أحبتي
--------------------------------------------------------------------------------
تسلموا كتييييير على كلمتاتكم اللطيفة دي .. و أديتوني أكتر من حقي..
و حاتكم ما ترجعوا خايبين .. مع انو قلمي أخد ليو زي ( وعكة صحية) كدا <--- جينا للقرضمة
و انكسر .. و خضع لعلاجات و عمليات و هو حسة في فترة نقاهة عشان كدا ما ختقل عليو شديد... وللأسف -زي مابقولوا- الانكسر ما بتصلح و هو زي حصل ليو ارتجاج في المخ ولا حاجة في الذاكرة ما عارفة .. المهم بدا ينسى الحروف .. فغايتو .. دعواتكم ليو بالشفاء..
استاذ جيلاني و استاذ حسن.. ما تعرفوا كلماتكم دي بتعني لي قدر كيف أشكركم..
الزهراء و همسة شوق.. إطلالتكم حلوة على النافذة و كتاباتكم بتدل على حرصكم و غيرتكم على النافذة .. كتر خيركم و ما قصرتو .. .. انا عارفاكم ما مطلوبين عليها ياها حقتكم ..
بوكو .. سلامات ..ما دايرة اقول ليك البهيتة ليك شنو لووول .... شكراً على كلماتك و حرصك ..

Safi43
Moderator
Posts: 157
(7/10/03 10:55 am)
Reply وداعاً بصيرتنا
--------------------------------------------------------------------------------
هههههههههه ... قعدت أقلب و أقرا و أضحك لما فات و مضى (البت ما صدقت .. قال مضى قال.. البسمعني يقول استلمت وثائقي و أوراقي منهم) ..
بس ازكرت لي موقف في الجامعة حصل لي قبل كم شهر.. قلت احجيكم بيهو..
عندنا بعض الكورسات بناخدها في كلية التربية.. و دي في مجمع منفصل تماماً عن مجمعنا .. انا لما مشيت هناك.. حمدت الله و شكرته على النعمة الاحنا فيها .. لقيت قفلتهم و تشددهم أشد و أمر من حالنا ..
المهم .. في مرة من ذات المراريت.. و أنا داخلة من بوابتهم .. في تلك الزحمة الصباحية .. أجد احدى المشرفات تقف بالبوابة (تبحث عن غلطة كما هو المعتاد) : بطاقتك ..
- بطاقتي ضايعة .. (قبل ما اكمل كلامي و اطلع ليها اثبات تاني .. قاطعتني)
- وين اشعار التسجيل؟ .. فتحت شنطتي و طلعتو ليها مطبق (مسكته و ما فكرت تفتحه)
- وريني الزي..فريت ليها العباية و وريتها (اسكيرت أسود و بلوزة بيضاء.. نظامي تمام) ..
- لفي.. وريني التنورة من ورا .. يمكن فيها فتحة ... فريت ليها العباية زيادة و لفيت.. خالية من الفتحات .
- وريني طول الكم... هنا اطريت أقلع العباية مرة واحدة .. عشان أوري جنابها انو كمي أطول من الحد المحظور..
رجعت لي ورقت التسجيل (التي لم تفتحها .. و لا فكرت تقرا اسمي فيها.. أنا كان عارفا كان مديت ليها ورقة فاضية )
جيت أخش... وقفتني.. في شنو تاني؟!!
- انت بطاقتك ضايعة صح؟ .. وين ايصال بدل فاقد..
طلعت محفظتي من الشنطة .. عايزة أطلعو ليها ..
- يعني عندك؟ خلاص مو لازم .. روحي.. (الهي تروحي و ما يلقوكي .. و نسمعك في النشرة.. خرجت من منزل ذويها.. )
حسيت انها بتفتش على غلطة و بس... و بتسأل بلا هدف... حتى لما تسأل من شي .. لما اديها ليو.. ما بتكلف روحا و تديهو نظرة..
حسه لو كان في شي ما جبتو معاي.. كان سوت لي سين و جيم.. و تعهد .. و هلمّ ..

هيهيهي .. زكرتني قصة كانو بحكوها عن شافع زمان .. مدلللللع و مخمج..
قالو مرة .. في بيت من البيوت الكبيرة.. بالليل و المطرة صابة و الكهربا قاطعة.. و الشفع يكوركو.. النسوان يسكتو فيهم.. قام واحد من الشفع .. قال داير لبن .. امه نهرتو ( لبن مافي.. يا ود نوم نومك.. اللبن دا أشربو الصباح).. الشافع ياحبيبي .. مسكا في نفيستو و نام..
شافعنا الخمجان سمع.. قعد يبكي .. داير لبننننننننننننننننننن داااااااايررر لببنننننننن .. واحدة في النسوان كوركت لواحدة في البنات.. يا فلانة .. أمشي جيبي لخوكي لبن.. الشافع: هو في؟! .. مااا دايرررر .. أنا قايلو مافي..

دمتم


ranoya
Moderator
Posts: 652
(7/10/03 8:00 pm)
Reply
Re: وداعاً بصيرتنا
--------------------------------------------------------------------------------
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL@dayir laban
Ya bit welcome back lakin da7akteeni keep up da good work.

Safi43
Moderator
Posts: 158
(7/11/03 2:31 pm)
Reply يوميات صافي في الأرياف (عفواً) في الجامعة
--------------------------------------------------------------------------------
هههههه .. شكراً رنو على المشاركة.. تعرفي بفكر أكتب مذكراتي في الجامعة.. ليه .. هم البكتبو مزكراتم أحسن مني و لا يعني كانوا أحسن مني... أصلو الواحد مما يحس انو فقد مكانته و لا أيامه بقت معدودة .. بمسك قلمو و يقول يكتب مذكراتو .. و هاك يا فضايح في خلق الله .. و هو يبقى الشهيد المضحي.. فأنا بعد ماتخارجت من الجماعة ديل (و الحمد لله) .. بعد دا ممكن أقطع فيهم براحتي (( التقول كنت مقصرة قبل كدا)) .. و هم أصلا ما حيتزكرو الأمة لله .. صافي..
المهم.. قبيل اتزكرت حجوة من حجواتم.. ما متزكرة المناسبة كانت شنو..
من دلالاتم على تحمل المسؤولية .. و سياستهم الرشيدة .. و حفاظاً على أمن الطالبات و سلامة حاجياتهن.. توفر الجامعة مجموعة من الصناديق أو الخزائن لمن ترغب بوضع أغراضها بها.. و هذه الصناديق تتسع لعباية و معاها كتاب أو كتابين من الحجم الما كبير .. مقابل خمسين ريال كإيجار لمدة فصل دراسي كامل.. و خمسين ريال كتأمين .. و كاتبين في الاعلان ( توقعي تفتيش و فتح الخزينة في أية لحظة .. و لسنا مسئولين عن ضياع أي شيء)..

لنا لقاء

Abu Bashar
Registered User
Posts: 45
(7/12/03 9:35 am)
Reply Re: يوميات صافي في الأرياف (عفواً) في الجامعة
--------------------------------------------------------------------------------
ههههههههههه صافي

تبقى ذكرياتك و يوميات الجامعة مادة دسمة و مثيرة للضحك كما للشفقة
أحييك على هذه الروح المرحة جدا و اسلوب الكتابة الساخر
هلا واصلتى
تحياتى