الزهراء ** 1 ** جبنة حجة زهرة

جبنة حجة زهرة

===============
alzahraa
Registered User
Posts: 34
(3/27/03 9:38 pm)
Reply _جبنة حجة زهرة_
--------------------------------------------------------------------------------
سلانات عوافى
عاد يا وليداتى فكرت كدّى فى لمة وقلت أعزمكم على جّبنة (قهوة) يوم الجمعة دى , وقت(قلت) أنتفاكر فى امور الحياة العندو مسعلة (مسألة) كدى غالباه ولاشيتن ( شيتا)ً كدى بقولوه اللى يتحكر كّدى جنبى والعندو بنيه كاسرة قليبو ولا عندها وليد كاسر خاطرها ولا شكيتن(شكيهٌ) كّدىولا كدّى والماعندهم كمان بنجض ليهم مساعيلهم (مسائلهم) تب والبدور ليهو مساعدة ولا حاجة أصصصصوأصو(اصلو) مايشيل هم الخيان راقدين كان بدور ليهو صندوق ولا سلفيه عاد ما فى عوجة هئ هئ هئ
وعاد الما بجى عزومتى أصصصصى (اصلى) تانى ما بلفح توبى وأمشى أعمل ليهو
(repley post)
واللى بمر ما بدخل دى قطيعة عديييييييل كدّى
هيه يا وليدات ما تقولو لمّة جبّنة ساى بدووووووور البهرجة والألوان عاد!!!! وخييكم سنارك ما قصّر تفصّلو من محل الكودات داك وتجو؟!!! هئ هئ هئ
خسمتكم بالنبى التعليقات أُمات سطير واحد (موضوعك وما موضوعك) أختونى منها!! أها جرو بنابركم وأقعدو والنبى فوقكم كان تفوتو جمعة على حبوبتكم زهَرة هئ هئ هئ

Edited by: alzahraa at: 4/8/03 10:08:40 pm

alzahraa
Registered User
Posts: 35
(3/27/03 9:46 pm)
Reply اها
--------------------------------------------------------------------------------





اها نبدأ بالصندوق
الختة 20$ بس
هئ هئ هئ











alzahraa
Registered User
Posts: 40
(3/27/03 11:41 pm)
Reply كلام مجانين
--------------------------------------------------------------------------------
شايفة الزوار كترو ومافى زول دق الباب

ما علينا بدور اقول أدم حب حواء اول ولا حواء هى اللى حبت أدم اول؟؟
اها حكو لينا زمان قالو مرتن كدى حواء ما لقت ادم ولفت تفتش عليهو وتدور بين الشدرلامن كريعيها وجعوها وفترت تب بعدين شاقت ليها ضليل شدرة صغير كدى قامت عليهو اتأكت مغبرة ومكتحة ودموعها فى عينها بس أكان جاء آدم مارق من بين السدرات زاتن قال ليها:حواء وينك انت من قبيل بفتش ليك ؟؟
قالت لو: من مكانى دا ما اتحركت من الصباح00

كتب ادم شعر فى حواء وقال:
لولاك يا حواء ,مالفظت أبناء ادم جنة الخلد
حببتنا فى النار, فانطلقت أرواحنا مشبوبة الوقد
وجهنم أحلى وانت معى 000
من جنة احيا بها وحدى 000


alzahraa
Registered User
Posts: 41
(3/28/03 12:05 am)
Reply ????
--------------------------------------------------------------------------------
طبعا فى حاجات ناقشتوها وماحليناها منها فكرة تخصيص النافذة فى البال توك ومنها انتقاد امنية لبعض الحاجات, ويعنى زى البوستات البدون رد ولا رد مجاملة ما بكشف عن رغبة حقيقية فى المشاركة ولا بناء صداقة فى حد معين بتقيف فيهو الردود فى معظم البوستات وفى بوستات ما بتحتاج رد وتانية بدون رد,الحقيقة انا عندى حاجات كتيرة دايرة اشاركم راى فيها, حاجات عجبتنى ودايرة اشركم معاى فى روعتها وقلت بدل ما انزل بوست كل مرة برد ولا اتنين اخير انزل المقطوعات العاجبانى هنا فى
-جبنة حجة زهرة-
ولو فى موضوع جديد بحتاج رد انزلو برة بعنوان براه
فى ديوانية او ملحمة او ممكن تكون قصيدة طويلة قريتها وانا فى الثانوى وعاجبانى جدا وتاكدة انها حتعجب اى زول يقراها حا انزلها على اجزاء داخل البوست دا
وبعدين ما لكم ومالى يا الشايلين حالى
ان شاء الله انزل بوست وارد عليهو براى
مش بوستى ؟


alzahraa
Registered User
Posts: 42
(3/28/03 12:15 am)
Reply بوح 1
--------------------------------------------------------------------------------







تتسلط الكلمات فى جوف الليالى وتمتطى صهوة جياد الوحى والطبع النبيل000ويهوش شوق النحل للترياق من زهر الربيع ,عند الصباح
ويطل صوتك صافيا 00مسترسلا00ومداعبا شمس الحروف00ململماً نغم اللغات
تتجمع الكلمات فى اعراسها , وتمور بالشوق الحروف وتزدحم الموسيقى فى عبارة!!00


فى الليل , والصوت النسيم يحمل طريق الوعد قوساً لانتصار العقل فى وهج السنين 00
يا انت00
يا ظل الغيوم يطوف فى درب الهجير 00
يا انكساراً رفّ فى جنح الظلام 00 يا00
هل استطيع البوح؟؟؟؟
هل لى ان اقول!؟؟؟





woroorrook
Moderator
Posts: 297
(3/28/03 2:11 am)
Reply my "banber" plz
--------------------------------------------------------------------------------




.




















boco120
Registered User
Posts: 117
(3/28/03 3:28 am)
Reply Re: my "banber" plz
--------------------------------------------------------------------------------
سلام
هى لكين يا الزهراء يا اختى انتى اديتينا فرصة نرد عليك تشيلى وتكتبى كدى قولى بسم الله كدى وختى بنبرك دا وارجينا لامن نشيل نفسنا ونسلم عليك حتين بعد داك نبداء نحكى ليك الشواكيش والظروف وكدى
اها بعد اشيل نفسى بجيكى راجع باقى عندى مسعلتن كدى شاغلانى يمكن تقدرى تحيليها لينا حتى كان تشوفى لينا فكى انشاءالله هىهىهى
بوكو

sanaric
Moderator
Posts: 533
(3/28/03 3:38 am)
Reply
ezSupporter
جبنة فاهمة
--------------------------------------------------------------------------------








حاجة زهراء لكن ما شاء الله الجبنة عندك









hamsatt shoog
Registered User
Posts: 58
(3/28/03 12:24 pm)
Reply جفّالة جاااااات
--------------------------------------------------------------------------------
وووووب علىِ ووووووب على سجمى يازهيرة, لكن مانجضينى وكسّرتي ركابينى لآمن وصلت جبنتك
أحححى، اٍستغفرررتك يا مالك روحي, كدي أولا بالتبادى اٍزيك ياوخيتى كيفنك ليسلمك ليبارك فيك ليعافيك ليخليك ليسلمك ليبارك فيك
"طبعا سلام الحبوبات لمّا يدور مابنتهى"

أنا خيتك جفّالة لكن وليدات وليداتي بناد ونى همسة قالو اسمي ماحضارى عليك الله شوفي شُفع الزمن دا!!! اِهىء اِهىء اِهيييييييييييييكو بنات بكو واولاد اشتكوا
وعاد زيييييينة ساكت الرويكوبة حلالالاتا وضلآ باااااارد والعناقريب والبنابر مجلدات كِوييييس سمحة المقدرة يايمّى..
أهة كوبّي لى جبنتك دي بس ما تكون التِينة, باقي مابتكييفنى عِلاّ البكر, مع الشمارات الكتيرة عن بنوت الزمن دا, وااااقهارتن وبشتنتن وكبكبتن ورا الوليدات..
أهة اقلبي فنجانك أنشوف ليك بختك زيييييييييينة ساكت.. وعاد يابت أمي يا زهيرة بديك شمارا كدي حاااااااار!!
لكن تصُميهو وماتحدّسى بيهو زول, وأكن بيدّورى تحدّسى رنوية ولا شموس ولا سمحة ولا سنارك ولا وررووك ولا حالي ظاهر ولا حاج جيلانى ولا........سجمى الناس كتااااركملى معاى ياوخيتى
بس ديل ممكن لكن أوووووعِك تكلمي زولا تانى دا شمار مبههههر!!! أحي نفسى انقطع والكلام غلبني بجيك تانى ياوخيتى بس بدور أتكى شوية بعد جبنتك السمحة دي. ودعناك الله والرسول...


hamsatt shoog
Registered User
Posts: 59
(3/28/03 12:49 pm)
Reply Re: كلام مجانين
--------------------------------------------------------------------------------
طبعا يا زهرة أقترح واحة الجبنة جدا ظريف وسيضيف طعم آخر للنافذة مع رائحة البُن التي ستجذب
كل من يمر أمام دارك المضياف والحافل بالأشعار والكلمات المرهفة
لك كل الشكر والتقدير والإعجاب بماتكتبى, وسنراك علما من أعلام الكتاب يوما ما...فقط واصلي المسيرة ولا تعكفي عن الكتابة
أهة يا زهيرة بعد ما كبرنا ليك راسك نرجع لمواضيع الجبنة تانى
شايفاك حكيتى قصة كدي عن حوا وآدم وفتشوا فى بعض وحوا بعد الكتاحة والتراب
عملت روحا حنكوشة رااقية ومااتحركت من مكانا
أنا ما قتا ليييييييك دي قهاااارة البنوت!!! روحِن ونفسِن فى الوليدات لكن يعملن تقيلات
ودي غريزة فيهن سبحان الله غايتوا
يالله ياوخيتى أقلِى حبيبت بون كدي لآمن أمشى الأستبالية ازور جارتنا أم نفر واجيك
ودعناك الله والرسول

alzahraa
Registered User
Posts: 44
(3/28/03 3:08 pm)
Reply شنو بكرة ما جاء؟؟
--------------------------------------------------------------------------------
يا جماعة بكرة جاء وانتو ما جيتو؟؟ الكلام دا ما واضح ولا كلكم مشغولين؟؟ دقيقتين كل يوم جمعة
ورروك يا اخوى البنابر جاهزة
حبابك عشرة بوكو يهدى الوداعية وصلت ما عندك عوجة تب 00 جفلة يا اخيتى بدورك تقرى لينا البخت وانا بشوف ليك مسعلتك دى فى الفنجان
سنارك ادخل ليجاى حبابك اتفضل اسه القعدة بتلم ونجيب الجبنة والعندو ضغط ولا سكرى العصير كمان جاهز
looooooooooooooooooooooooolz@ hamsat shoog
يا اخوانا جفلة فى زمنها كانت تاجوج الخالق الناطق وسموها كدى عشان الزول بجفل اكان شافها
وسموها همسه فيشان صوتها الناعس دا
اها يا اخيتى ارمى لينا الودع انشوف النافذة دى حكايتها شنو ؟؟ ما ورونا انصار ادم منو وجماعة حواء منو؟؟ منو الوقع اول؟؟

Sam7a
Moderator
Posts: 530
(3/28/03 3:14 pm)
Reply
ezSupporter

Re: شنو بكرة ما جاء؟؟
--------------------------------------------------------------------------------
sajamkan Alsamha jaatkan! aha yakhwati kadi alnasangir fi baton alwata di!!!! ajish!! intan hina?? azaik ya alzahra kefinik wa keeef weledatik wa begeratik??? la ysalamik la ybarik feeek (REMIX) hhehehe aha wooooooob shooooooooook izayaik ya nafoora moshtageen ya bit omi! aha ana jebta alwadi3 wajeetkan!! kadi afroshe lena ramla hina narmee feha alwadi3 da yakhti!
sajmiiii alsa3a arb3a!! kad aleela bitalegoni aln'3rif al'3da le alrajil wa jeekom agra leekom alwadi3 aha be 3afeyatkan
wad3nakom Allah warasolo kadi yaumma.. la ilaha ila Allah I'm outty!! MC Samoha

Edited by: Sam7a at: 3/28/03 3:17:22 pm

alzahraa
Registered User
Posts: 47
(3/28/03 4:43 pm)
Reply يا بنات لمو باقى البنابر دى ؟؟
--------------------------------------------------------------------------------
عاد قصرتو تب يا جماعة النافذة تمرو فينا ساى ريحة البن والتيمان دى ماجابتكم اظنكم يا اخوانا من بدورو الكابتشينو والنسكافيه والميلو والحاجات ديك
سموحة اخيتى الناس ديل ديل ما بدورو الودع اظنهم بقرو الابراج فى الجرايد لكن ارمى لى كدى شوفى لى عمك الجيلانى مشى وين طّووول كدا وكمان جفلة دى بتعمل فى شنو قاعدة بعييد ؟ ويا اختى انتى كان سعلتك فى رايك كدى ادم ولا حواْ اول؟؟
؟؟؟

ranoya
Moderator
Posts: 443
(3/28/03 5:05 pm)
Reply
Re: يا بنات لمو باقى البنابر دى ؟؟
--------------------------------------------------------------------------------
awal 7aga ya 7aga zahra merciiiiiiii ya 7abooba ya mukarfasa inti yaaaaaay.
loooooooooooooooooooooooooooooooooooooooooooooooooooooooooooooooooool2hamsat shoog ya mubde3a ana '7alas shilta 7isik.

3ad yawladi da kalam? shin gab al zahar gamb al shook? sajami sajami sajami.
lakin alaza 7aga salam al 7aboobat. lai salimik lai barek feek lai salimik lai yi3afeek lai barek feek. wallai yal sura kan shufti. istilhabat gayma 3alai wal doros gayem 3alai wal rukab dail chk chk chk chk. kadi yal sura tori lai '3adi.


ranoya sit al nafar.




ranoya
Moderator
Posts: 444
(3/28/03 5:18 pm)
Reply
Re: يا بنات لمو باقى البنابر دى ؟؟
--------------------------------------------------------------------------------




AHA YA'7WATI GEETKAN BEA TOOBI AL GADEED. AL DAGEEGA AGEEB LAIKUM 7AGA KADI NAGAZGIZ BAIHA.











ranoya
Moderator
Posts: 445
(3/28/03 5:22 pm)
Reply
Re: يا بنات لمو باقى البنابر دى ؟؟
--------------------------------------------------------------------------------



YA WALADI YA SANARIC TA3AL BEA GAI BADOOR AS3ALAK SO3AL. YA WALADI AL MUSAGEL ABA LAI O 7ALAF QASAM YA WALADI MA YISHTA'3IL. NAN MUSH BIKTOBOOHO KADI WLA MA KADI? TA3AL YA WALADI NAFE'9O YIMKIN BKOON MA'3ABAR. A7AAAAAAAI ANA MN AL SHAF3A AL GALEE9A AL ISIMA SAM7A DI. GOLTA LAIHA YA BINAYTI AW3IK TAHABSHI DA 3INDU ISTILHABAT ZAYI O BISHTA'3IL BEA MAZAGO.

Edited by: Sam7a at: 3/28/03 7:09:09 pm

alzahraa
Registered User
Posts: 48
(3/28/03 5:25 pm)
Reply سلامات عوافى
--------------------------------------------------------------------------------
للقاعدين وما داخلين وللداخلين وما قاعدين وللغايبين وزوار النافذة الطيبين سلامات عوافى للرايعين00000 طبعا زى ما ما اتفقنا وانا براى قررت انو حا انزل واناقش الحاجات اللى بفتكرها مناسبه وان شاء الله ارد براى انتو ما لكم ومالى مش ما داخلين

قريت فى كتاب للكاتب المصرى احمد رجب اكيد معظمكم مّر عليهو كتاب هو وهى بناقش العلاقة بين ادم وحواء بطريقة دراميه
المهم فى موضوع غريب كدا و استفزانى وقلت اطرحو عليكم - او على نفسى - نظام زعلانة - نرجع للكاتب قال : انو بعتبر قيس ما شجاع وما منطقى وما واقعى كمان فبدل ما يهيم فى الصحارى لمن يموت كان يعمل خطوة ايجابيه وانو ما شهيد الحب والغرام وانو واحد مستسلم ومتخاذل بدل ما يرضخ للقوانين كان يدافع عن حبو هو وليلى بدل ما تموت كمد
بمعنى يناضل ويكسر قوانين العشيرة ؟؟ انتو رايكم شنو ؟؟ ما فى احمد رجب طبعا ! فى التخاذل بتاع الشباب عموما؟؟
انا بفتكر اى واحد يكون عندو مبدأ وهدف عايش عشانهم وعايش بيهم وبحددو شخصيتو؟ولا شنو؟؟
مثلا نقرب الفهم اكتر
فى نوع من العلاقات بتنتهى كدا, انو اهلى واهلك وانو ظروفى واول الطريق وما ضامن مستقبلى وما عارف ؟؟
طيب ليه حبيت ؟؟ وليه اتنازلت؟؟ القصة ما كانت مبدأ بالنسبة ليك؟؟
اهلى والله ضغطونى ؟؟ ليه يضغطوك ؟ وانت ما كنت عارفه كدا؟؟ وليه سمحت بالارتباط؟؟ ما كان مبدأ؟؟




Edited by: alzahraa at: 4/8/03 10:39:36 pm

alzahraa
Registered User
Posts: 50
(3/28/03 5:40 pm)
Reply loooooooooooooooolz@ranoya
--------------------------------------------------------------------------------
حجة السرة اوووه رانويه قطعتى مصارينى بالضحك
A7AAAAAAAI ANA MN AL SHAF3A AL GALEE9A AL ISIMA SAM7A DI. GOLTA LAIHA YA BINAYTI AW3IK TAHABSHI DA 3INDU ISTILHABAT ZAYI O BISHTA'3IL BEA MAZAGO.
اما عندك عوجة خيتى بقوم اسه اعمل ليك شاى حلبة بالزنجبيل والنعناع والجردقة قالو طوالى بشيل الاستلهابات ووجع الكرعين دا بس تجيبى الجبص وتخلطيهو بالاسمن وحبة مويه نار كدا وتختيهو اللبخة دى وصفتها لى بتول بت سعدية وعاد هى مرة مقدرة ماشاء الله
looooooooooooooooooolz@zahraa

alzahraa
Registered User
Posts: 52
(3/28/03 5:52 pm)
Reply loooooooooooooooooooooool@zahraa
--------------------------------------------------------------------------------




جبتا عدة لكل الاعمار هئ هئ هئ هئ








ranoya
Moderator
Posts: 446
(3/28/03 6:02 pm)
Reply
Re: loooooooooooooooooooooool@zahraa
--------------------------------------------------------------------------------
looooooooooooooooooooool@al zahra

ya'7ti kadi nawleeni al banber al nagazgiz bil tasali da. 3ad ya'7ti kan shufti wa9fatek wallai wa9fat al tabani wal yabani. da shnu da 3ad? ma '7alaiti laiki gashaya 7ayma nan galo laik ana me3zaya?

hey dageega badoor ageeb al musagel al nagarebo tani.

alzahraa
Registered User
Posts: 54
(3/28/03 6:27 pm)
Reply جد جد
--------------------------------------------------------------------------------
اها قاعدة جنب الجهاز لازقة اليل كلو متحكرة قال حجة زهراء وبنبر وراكوبه
ومستنية اللمة والناس يجو ويكترو وبقيت اى واحد يدخل ارد وراه لمن قايلاه مسنجر
واقص وارص لا ذاكرت لا نمت اها انشاء الله تكونو مبسوطين عاقبونى على سهرتى ولازم اصحى من الصباح امل الغداء وامى قدر ما قلت ليها رطوبة وجع كرعين واستلهابات ابدا بس الا اتعاقب واقيل بكرة فى المطبخ اها تعالو اللمة بكرة فى المطبخ ؟؟؟
الاسامى البشوفها فى البوستات ديك وما بردو عاد بكرة بداعيهم مع البصل والتوم ؟؟

================================

222222222222222222

alzahraa
Registered User
Posts: 57
(3/28/03 6:47 pm)
Reply بوح 2
--------------------------------------------------------------------------------







من لى بنور العقل كنز حين اغلق غرفة المجد المؤلف بالخزائن والكنوز 00 وأغلق المفتاح عند الشجرة الخضراء تحت عناية الدمية التى أخذت مكانى ذات يوم 000
يا انت يا 000000
هل أستطيع القول ؟؟
هل لى ان أبوح ؟؟؟
من قبل ان يأتى الرحيل؟؟




alzahraa
Registered User
Posts: 58
(3/28/03 7:03 pm)
Reply بوح 3
--------------------------------------------------------------------------------







وأعود حيرى 000 أنبش الكتب القديمة 000 ألتحف وحشة فراش الليل , اصطفى التلفاز خلاً 0000أحضن المذياع حتى تنطلق شمس الصباح
يا أنت يا0000
يا من أطل على سمائى ساعةً فتظللت كل الكواكب دونه, وتعطلت كل الثوانى فى محطات الرحيل ؟؟؟
هل أستطيع القرب؟؟
هل أستطيع البعد؟؟؟
فليأت الرحيل00 وعسى الوداع يريح عقلا واعيا لا استطيع خداعه 00
والقلب من دون الوداع قد يستفيق؟؟
ويلتحف تلك الملاءات الثقيلة والدثار الابيض 00
يا من جعلت العمر وهجًا ثم نوراً ووميضاً ثم ناراً00
ما تبقى من نثار العمر لا يرقى الى شك تسربل باليقين للحظة 000
ثم انكسر
وتفرق الضؤ الذى خبأته فوق الوهاد 000
تذروه أنسام الربيع 000
عطرا وبخوراً وخواطر
يا انت يا 0000




sanaric
Moderator
Posts: 541
(3/28/03 11:46 pm)
Reply
ezSupporter

Re: كبي الجبنة يا بنية
--------------------------------------------------------------------------------




جبتا ليكم بن حبشي اصلي عايز اشم ريحة القلوة














كبي الجبنة يا بنية في ضل الضحوية










alzahraa
Registered User
Posts: 61
(3/29/03 6:27 am)
Reply كويس
--------------------------------------------------------------------------------
الله يا سنارك البن دا نلمو للجمعة الجاية

براك شايف فى كم موضوع ناقتهم مع مع مع 00000؟؟؟
مع نفسى اعتقد
شعر وقصة ادم وحواء وقصة قيس وليلى والبن والودع ودا كلو كوم والعقاب كوم تانى
لكن يا ناس النافذة الفيكم اتعرفت
هى ما كلكم؟؟؟


hamsatt shoog
Registered User
Posts: 70
(3/29/03 7:44 am)
Reply Re: جد جد
--------------------------------------------------------------------------------
سلام عليكم ياناس الجبنة, كيف اصبحتن يُخياتى ,انشالله سالمات وتامات ..
أهة الوداعية خبارا غابت متل دا, وانتى يازهيرة بشوف الشر باقِِّى من عويناتك خبااااااااااِرك
يوخيتى, بس مايكون الوليدات الصغار شلّعوا ليك رويكيبتك السيمحة ماشينة..
و بشوف زوارك كتروا عِلاّ الختّة بشوفا يابسة..ماشايفة شغلك تّب
ارح ادينى فنجانى بدورأكييف واديك الشمار...
أهة صلوا على النبى ياناس الله هوووِى
زهيرة كان بدت لينا حديساً عن دفاع وتمسك المُحِب لمحبوبته أو العكس ,أنا شايفة اليأس بِقى اكتر فى زمنّا دا , وانا بختلف شوية مع الكاتب أحمد رجب لأنه اتهم قيس باٍنوا مقصّر تجاه ليلى, عليك الرسول والذُمة يا زهيرة فى ولداً بِجِن فى شان البت البحبا الزمن دا , كلا والف كلا , يقول ليك: فى ستين والله معا حنان ابوا زاتو مالى حارق روحى عشانا والخلقا ما خلق غيرا........ وكم هائل من الشتائم
لكن أنا كنتا بتمني أعيش عهد الفرسان وقصص الحب المميزة, شتّان مابين الماضى والحاضر...
أححححى يوخيتى ياحليل زمان وسنين زمان ياحاجة لو تتذكرى...
أهة جبنتك زيييييييينة ساكت ودعناكم الله والرسول............ولقِدام انشالله

Edited by: hamsatt shoog at: 3/29/03 7:47:09 am

alzahraa
Registered User
Posts: 63
(3/30/03 3:43 pm)
Reply والله العظيم
--------------------------------------------------------------------------------
والله يا اخيتى يا الزهراء كلامك صاح لكن بس انا قايلة العزيمة قلت والحب فقد معناه الزمن دا ومافى حقيقة وفى مقولة بتقول انو الكذب بقى الحقيقة الوحيدة فى قواميس العالم ؟؟
لكن انا شايفة احمد رجب معاهو حق كان بدل ما قيس يموت فى الصحراء يصر ويكافح والمهم النقاش
انا بقول النقاش بوضح الجوانب المخفية فااا ادينى بس ايملك عشان انا خليت النقاش فى النافذة ؟؟


وعليكم الله يا ناس المراوح -الموديريتورز- احذفو لى البوست دا
ثبطو عزيمتى

مع السلامة انا ما خدة اجازة للجمعة الجاية

alzahraa
Registered User
Posts: 68
(3/30/03 8:08 pm)
Reply ???
--------------------------------------------------------------------------------


الزهراء تمضى فى اجازة عمل (زعل)لمدة اسبوع قابل للتمديد



Gilany
ezOP
Posts: 275
(4/2/03 12:10 am)
Reply
ezSupporter

سلام يالزهرة
--------------------------------------------------------------------------------

والله كنت مشغول ايام ظهرت حدماتك الجليله علي النافذة لكن حسع جاييك في غرض .!!! اكان عندك ودع. !!!؟ بعد الجبنه بخت البياض وخليه في سرك .
المهم غرضي داير لي بت حلال بال توكيه لا طويله ولا قصيره عزبه عاقر وتقبل السكنه معاعي في ديم القراي جنب شندي. لا موبايل ولا كممبيوتر.ممشطه ومشلخه.
عيش الدنيا ان كان يحلى وان كان مرة الزين ما بدوم والزول بموت فد مره

hamsatt shoog
Registered User
Posts: 85
(4/4/03 1:53 pm)
Reply Re: _جبنة حجة زهرة_
--------------------------------------------------------------------------------
سلالالالالالالالالالالالالام عليكم ياناس الجبنة سجمى اليلة مش الجمعة ولاّ انا خرفتا بسسسسم الله!!!! الراكوبة دى فاضية كدا مالا
أهة الناس وين اكييد مع الكندشات والحركات والقُعاد قدّام الدِش
مُبالغة لكن غايتو انا ادينى جبنتى ياوخيتى وبدور أكمل حديسى
الصّداقة ياجماعة كيف تبدأ
يعنى متى تقول فلان أصبح صديقى المقّرب
هل هناك خطوط عريضة أم المسألة احساس فقط
يالله نسمع منك يا زهيرة
وأكان ناسك جو بكمل باقى حديسى عِلاّ
انتِ عاملالك اضراب والناس مافى
ماااااااااااالى بحدس فى روحى سجمى
أبرا واستبرا
أهة ودعناكم الله والرسول
وراكوبتك زيييييييييييييييييينة ساكت

alzahraa
Registered User
Posts: 74
(4/4/03 11:28 pm)
Reply wallhi '3lbni??
--------------------------------------------------------------------------------
عمو جيلانى مرحب بيك والله عارفة الناس مشغولة وكدا
الحبيبة همسه انا جد جد اسفة انا كنت موجودة وما عندى نفس ارد واخيرا قررت انى ما انسحب بدون مبررات
على العموم انا ناقشت كم موضوع وقلت الناس اتلمو وعملت هيصة وقلت الناس ميتانة اصحيهم انا متابعة كويسة وفى عيد المنتدى سنارك قال المشتركين مائتين وانت براك شايفة الاسامى اللى موجودة فى البوستات الردود محدودة كلها سنارك وسمحة ورانويا وعمو جيلانى ما كتير و ورروك برضو وانت طبعا همسة وبوكو من الناس القدام المستمرين غير المدراء والباقين معتمدين على البالتوك لاحظت لكل البوستات القديمة الردود بسيطة جدا واصدقاء الغرفة فى البال توك هم اللى بردو عليك بسابق معرفة بغض النظر عن الموضوع المطروح هل هو شيق ولا جاد ولا اى حاجة
ومن دخلت لاحظت كدا مع انوما كل المواضيع المطروحة سخيفة وما بتستاهل تعبير
بعدين النافذة مشتتة وقلت الم يوم الجمعة القاعدين من المائتين ديل فى نقاشات بدل ما الواحد ينزل الف بوست برد واحد
اسفة جدا يا اخوانا كان زعلت زول من غير ما اقصد والله عتبى من احساسى با لانتماء للنافذة وما دايرة البال توك يمسح الحوار واعتقد فى فرق بين الحوار فى النافذة وفى البال توك ولا رايكم شنو ؟؟ طبعا دا لو فى زول اتكرم بعد اسبوع وورانى رايو شنو
على العموم انا عندى موضوع تانى حا اناقشو بعدين ولكم منى خالص التحايا
همسة حقيقة اسفة وجدا على ردى لكن يا وخيتى الما لامك ما دارك على قول الحبوبات

Edited by: alzahraa at: 4/8/03 10:24:05 pm

ranoya
Moderator
Posts: 461
(4/5/03 8:15 am)
Reply
Re: wallhi '3lbni??
--------------------------------------------------------------------------------
7abooba zahra shin bitsawi o shin bitgooli. kalam saleem tab. lakin ya 7agga alnas insha'3alat o feehum almusafer wo feehum al mumta7in o feehum al zi3il wal 6arshag zai 7alatik.
lakin da ma bemna3ik inik tawa9li o taktibi laina mawadee3. li2ano ana 7ata low ma radait bagra al mawadee3 di o di aftakir 7aga kifaya inti 3amalti al 3alaiki o bitkooni morta7a li2anik lissa bitwa9li fi kitabtik. o marat al topic bikoon really good lea daragat al wa7ed bi'3libo al ta3beer o inu yirod. btw ana ma ligeet nas fahmeen o karimeen zai al nas fil manbar da. anyhow ya 7agga inshalah akoon wa'9a7ta ba3d al nuga6 o lakin wallai ma binagdar 3la foragik.

sanaric
Moderator
Posts: 563
(4/5/03 10:06 am)
Reply
ezSupporter

Re: wallhi '3lbni??
--------------------------------------------------------------------------------


الاخت العزيزة المبدعة الزهراء

اولا مرحبا بعودتك من رحلة الزعل الطويلة الأجل التي كمنت فيها وحقيقة لم اتبين فعلا انها رحلة زعل الا عندما قرأت بوستك اليوم بعد العودة وكنت احسبها فعلا رحلة عمل لكن زعلانة بسبب هذه الرحلة العملية
ولكن تبين انها رحلة زعل مما يجري في النافذة مما يمكن تسميته قلة الردود او عدمها في بعض الاحيان
وكما اوضحت الاخت رانويا فان من اسباب ذلك انشغال الناس بأمورهم الخاصة من عمل ودراسة وغير ذلك ثم جاءت هذه الحرب اللعينة لتأخذ من الوقت جزءا ليس يسيرا .
اما بخصوص عدد اعضاء المنتدى والنشطين منهم فهذا يرجع لذات الاسباب المذكورة آنفا فعلى سبيل المثال فان الأخت عسولة كانت نشطة لكنها الآن في حالة سفر وتنقل بين عدة بلدان والاخت امنية مشغولة في عملها خاصة ايام الحرب هذه اما بقية الاخوان والاخوان فربما كان لكل منهم اسبابه المانعة
ومؤكد نحن نفتقد مساهمات الكثيرين ممن عودونا على العطاء مثل سوما وبشار وملامح ودبيب ووردة وسوميتا وغيرهم وفي ظني ان لا بد من انبحث عن طريقة لاستعادتهم لساحة المنتدى

لكن ما اود قوله ان اسهامات الزهراء اسهامات مميزة ومقدرة لدى قراء المنتدى ولا اكتمك القول انني معجب جدا بكتاباتها وربما اكون مقصرا في الردود لكن مجيء الزهراء المبدعة للمنتدى يعتبر كسبا كبيرا جدا له
فقد استطاعت خلال فترة وجيزة ان تقدم مقالات وقصصا مميزة كما اظهرت حرصها على المنتدى وتقدمه ولا شك ان هذه " الزعلة" دليل واضح على ذلك .
واؤكد لك ان جبنة حاجة زهرة ستكون مجلس حوار ونقاش لكثير مما طرح وسيطرح فيها
اذن دعينا نواصل معا ونتواصل
ودمت لنا دوما




sanaric
Moderator
Posts: 564
(4/5/03 2:24 pm)
Reply
ezSupporter

Re: عروس النيل سوما
--------------------------------------------------------------------------------


حاجة زهرة ورواد جبنة حاجة زهرة
من روائع الشاعرة سوما هذه القصيدمة المكتوبة على شميم قلوة بن في ضحى يوم من ايام جميلة قلت اهديها لكم وانتم تستمعون بشرب البكري والتاني
مع تقديري


====

عروس النيل

زمــــــــــــــــــــــان


فى مره نادتنى حبوبة ....
منتكيه فوق ضل الضحى..ومتوسده توبا..
فارشالا برشاً من سعف ..
فوق عنقريب تاكلاه بى طوبه...
تقلالا بناً فوق جميراتاُ تشطشط ...
طاشه لما تهب نسيمه او هبوبا....
وريحة القلوة تعكل...
والفنيجينات تهلل..
جاهزه للبكريه لما تجيها مصبوبه ...
وجبنة الطين محكره فوق وقاية السكسك..
البلخرزه معصوبه ..
قات لى..
تعالى يا بنيتى جمبى حداى ..
بدور احكيلك الليله ..حكاية السمحه زينوبا..
بنيةُ من بنات الحله جاهله صغيره يا دوبا ..
فريعة بانا منقسمة ...
غزال نافر جبال التاكا والنوبه ..
يغنيلا الفريق كله..وحياتا ديمه حلفوبا ..
جنيات البلد يتلمو..ساعة الورده..
فوق البير يحلموبا ..
كتير من دق باب بيتا .
.وكتير من صدً جارى الخيبه والتوبه ....
شى يقولولو لسه صغيره يا دوبا ..
وشى يقولولو مخطوبه ..
رباية عز..جدودا رجال .
.ركيزه الحله وكت الحاره والحوبه ...
الا القسمه لما تحين تجيك عديل .
.موبى سكة مزروبه ...
***********
فى يوم عصريه جاتنى التومه بت احمد ..
تجر توبا..
تقول كرعيها مكروبه ...
وبى آخر نفس قات لى ...
سمعتى الليله بت العازه زينوبا ....
جاها عريس قدر جدى ..
وابوها اداها بت امى..
بنيه رضيه مغلوبه ...
فى شان شيخ من قبيله مأصله...
ياختى القصه ياها عديله محسوبه ..
عليك الله . . !!!!
.واشرى بت العازه..
يالدفنوك حليل الكان بغنوبا ..
وجات السيره شايله الشيل ..
دفوف وطبول ترز قدامهم النوبه ..
شى زغاريد... وشى نواحات ...
عليك يالزينه بت الحله محبوبه ..
عيون شاردات.... وناس واجمات ...
وكل الحله مقلوبه ....
وفجأة تدوى صرخة تشق سواد الليل ..
تصحى الكان فى غيبوبه ....
الحقو على يا جنيات ..الحقو على جنايات..
الحقو على انا الموجوعه احىى ووبا ..
فى ديك الساعه كان النيل..
ختف نوارة الحله عروسنا السمحه زينوبا ..

اسماء صديق الطيب ..الجنيد
سلطنة عمان مسقط
تحياتى وحبى لكم جميعا




alzahraa
Registered User
Posts: 82
(4/5/03 4:33 pm)
Reply سنااااااااااااااارك
--------------------------------------------------------------------------------
اسناااااااااااارك والله رديت صادة بعد ما خلاااااااااص قلت ارحل من الحلة جيران مافى وبعدت من الحبان وقلت اودعكم وارحل
الله يخليك جبرت بخاطرى الله يجبر بخاطرك يا غالى لكن انت ورنوية على حق الناس مشغولة وانا كمان اليومين ديل مسافرة السودان ادونى عنوان الجماعة الهناك لوووول
وباقى لى بنزل امتحانات طوالى لكن والله الساعة ولا النص ساعة ديل بخش من الجامعة بسلم عليكم
اليومين ديل ديل كمان بطل عليكم ومشكور يا غالى على الشعر الرائع دا وبرضو بدور اعرف وحا اكررتانى
ادم ولا حواْ
ورايكم شنو فى احمد رجب؟؟
والبوح ؟؟ وشعر سنارك
ان شاء الله الجماعة الفاضين يشرفونا
وسلامتكم

alzahraa
Moderator
Posts: 88
(4/7/03 6:40 pm)
Reply عشاان كدا
--------------------------------------------------------------------------------
اها يا جماعة الله ما لكم صادين وبعاد كدا بعد جنس اللوم دا تفوتونى والله ما بخليكم ؟؟
والله اكان تردو على موضوعى الحكاية ما جبنة وتكية وودع -بنجيب ليكم ابراج- لا لا فى حاجات حدثتكم بيها وما قلتو يا الحبان الحاصل شنو ؟؟
والله حبوبتكم حضارية ومواكبة هئ هئ هئ وعشان كدا بحدثكم بيهو ؟؟ بس ابقو قاعدين بجيكم ؟؟

alzahraa
Moderator
Posts: 108
(4/10/03 4:42 pm)
Reply اها مالكم؟؟
--------------------------------------------------------------------------------

اها يا جماعة شوتو لى الجبنة وراااااء قاصدين شنو؟؟ دحين بكرة ما الجمعة ؟؟
طلعت البابر من هسه دى وجهزنا الحاجات لكن مسعولين من الخير انتو السمحة دى مشت وين وما قالت بترمى لينا الودع ؟؟
ورانويا اظن خلطة الاعشاب ما نفعت معاك نعل مافى عوجة؟؟

جفالة يا ختى اظنك قريبة عاد الفناجين راجياتنك بكرة ؟؟
اها جبت ليكم التسالى دا تقزقزو بيهو لمن نحضر الكابيتشينو؟؟هئ هئ هئ
عااااااد اتلومتو ما فى زول قال عينك فى راسك يا حجة ؟؟


sanaric
Moderator
Posts: 594
(4/11/03 12:38 am)
Reply
ezSupporter

Re: عشاان كدا
--------------------------------------------------------------------------------


حاجة زهرة

سلام عليك
وصباحك خير وفل وورد

دا تسالي ؟
ولا مكسرات؟
وبعدين طلعتي حاجة عصرية جدا
قلتي كابتشينو
يعني هسه نحن نشرب جبنة ولا كابتشينو
انا من النوع اللي كباية الشاي ما بتفارقوا عشان كدي خلي واحدة من البنات ديل تعمل لي ثيرمس شاي
وبشرب معاكم الجبنة مع انها قالو بتزيد الضغط لكن بلقى عندك في قفتك دي كركدي اخففوا

الليلة جونا اتنين من ناسنا القدام الكانو غائبين عايزنك تديهم كدا جبنة خاصة
حسن ستة ودبيب
باقي الاتنين ديل كييفين جبنة
وراسهم بقع لو ما شربوها
وانا منتظر البطحانية سوما
طلبت منها تشوف لي عروس
لكن طنشتني
كدي شوفي لي ودعك يا حاجة زهرة قبل ما الناس يكتروا عليك







hamsatt shoog
Moderator
Posts: 105
(4/11/03 4:46 am)
Reply كيف اصبحتوا
--------------------------------------------------------------------------------
أحححححححى يا الدنيا الزايلة, سلام عليكم يالبنّوت والولّود
تعالو على جاى!!!واتوههههطن فى البنابر يابناتى
وانتو يا عيال الزمو الدايمة دي واتوسدوا يدينكم
ولملمو لى الفناجين كلها خلوني أشوف ليكم الدايرينّوا
بس النبي والرسول ارموا بياضكم فى الّلووّل , بدور أسوى صيانة لراكوبتى
فى شان بغيرتا من راكوبة خيتى زهيرة, زييييييييييييييييييينة ساكت
ما شالله يا حاجة عينى بااااردة عليها اهى اهى اهى اههههههههههيكوا
بنات بكوا وأولاد اشتكوا
أهة يا جماعة زهيرة شابكانة ادم ولا حواء, حواء ولا ادم
النصيحة ادم مبشتن حواء, وحواء مجهجهة ادم
والصراع بينم لى يوم القيامة بالعصر
كل واحد محتاج لصبر ودهاء وحكمة عشان يعرف يتعامل مع التانى
لأنو مافى قاعدة سابتة, فلإنسان مليء بالمتناقضات ومن الصعب يبقى على حال
اهة لى قدام ماشة الملم عيال الحِلة عشان اتفق معاهم على الراكوبة

alzahraa
Moderator
Posts: 110
(4/11/03 3:40 pm)
Reply ادم
--------------------------------------------------------------------------------
اها يا سنارك التايهه لقيتا ليك بس لمن الجماعة يمرقو دايراك فى مساررا كدى وبجيب ليك قصتها حواء دى
همسة يا ست البنات ازيك اخيتى ان شاء الله عافية
لكن ادم بااااالغ مع حواء المرة دى قال ليها كلام كتيير وعشمها وعمل فيها قدر كلمتو وهاك يا وعود وانا وانا وانا وكلامى ما بقع واطا وبكرة تشوفى ولمن طلع لارض الواقع واكتشف انو لازم يغير قالب علاقتو بحواء لانو الشارع ما بقبل ولانو العامة ما بتقبل ولانو الراى ما بقبل ولازم يغير قالب العلاقة من حب لارتباط والكلام لازم يبقى فعل ادم رجع فكر كويس تانى وتالت ورابع وقال لحواء انتظرينى وحواء بانية قصور فى الرمل ومعاكسات الحياة استمرت مع ادم واتلتش واتبهدل واتقفلت فى وشو ورجع تانى فكر وقال لحواء انا مصيرى ما معروف وراجينى كتير اكسبي زمنك؟؟
ياتو زمن هو الزمن كان عندو علاقة بالحب؟؟
ياتو زمن هو الزمن بصرف من دم قلبى؟؟
ياتو زمن هو الزمن كان بحسب دقات قلبى؟؟
لكن المشكلة وين؟؟

hasan Sitta
Registered User
Posts: 17
(4/11/03 5:02 pm)
Reply Re: كيف اصبحتوا
--------------------------------------------------------------------------------
حينما دخلت الي هنا كنت امني نفسي بفنجان قهوه وخاصة اليوم الجمعه فالبوح والقهوه صنوان لا يفترقان فهما رفاقي وانتظر قراءة فنجاني التعيس
اذكر ان احد اصدقائي دعاني لتناول فنجان قهوه وامعانا في الترحيب بي ذهب بي الي احد الفنادق السكندريه من ذوات الخمسه نجمات لا ادري لماذا ملكن شعرت بنوع من الحنق فالقهوه لا طعم لها وغالية الثمن وبعد ان تجرعتها قيل ان تلك المراه القابعه وراء الزجاج ستقرا الفنجان لي وحقيقة شكلها مخيف فهي عريضة المنكفين ممتلئه شحما وتلبس اسود في اسود ولكن السمنه كانت مميزه فاذا رايتها حسبتها احدي السودانيات المقيمات في البلدان الخليجيه ما علينا امسكت بالفنجان ولم تعثر لي عي خط واحد للحظ فكل الطرق مسدوده يا ولدي

ما علينا وان كنت لم احظ بالقهوه ولكني تمتعت بالبوح الشفيف بهذا النبع المتدفق من المشاعر الرقيقه والدافئه الي هذه الساحه النضره والرفقه الطيبه واللمه التي نشتاقها
يا الزهره
لا بد من البوح وان طال الهيام
وان عدتم عدن

=======================

almasafaa
Registered User
Posts: 115
(4/12/03 8:08 am)
Reply هيي اقيفن النعمة فيكن
--------------------------------------------------------------------------------
الزهرا لكل التحايا وانت ترسمين لوحة جديدة تدخل الي هذا المتحف الجميل الذي تزينه لوحات الجميع وعلي راسهم العم جيلاني وحسن سته ودبيب وامنية ووروورك وكل العقد الفريد
سوف اكتب في المرة القادمة
وهسي بهديك احباطي في مركبة عامة بسوط واطي
بهديك طله
واسواق ارخص ما فيها حليفة الله
بهديك ولا شي
واطع وديان السهو مشي

يا واقفة بين لحظة وجودك والغياب

hamsatt shoog
Moderator
Posts: 120
(4/12/03 2:22 pm)
Reply جفالة جات
--------------------------------------------------------------------------------
هييييييييييييييى ياناس انا بدور لى فنيجين هسى ما بستنى الجمعة ولا شى
يالله يازهيرة فجفجى كانونك ياخُيتى
أهة بدور أسأل رايكم شنو فى الآبراج
هل بتعتقدوا بيها
مع العلم انى اقصد الأبراج كصفات وعلم فلك
وليس حظك بكرة وعندك سفرا والكلامات دى
والله رايكم حيفيدنى شديد
وبرجع اقول ليكم ليه
يالله ليقِدام

alzahraa
Moderator
Posts: 128
(4/13/03 8:59 pm)
Reply ياهلا
--------------------------------------------------------------------------------
المسافة وحسن ستة والجمييع نورتونا والله
همسة اخيتى حبابك عشرة لا يسلمك اتفضلى فنجانك جاااااهز
لكن انا من محبى الابراج جدا كنوع من الفضول لعلم الفلك وبحب اميز ابراج الناس واقارنها بالطبيعة النارية ولا المائية ولا الهوائىة المدرجة ضمن صفات صاحب البرج
شفتو حبوبتكم راقية كيف الا لو عافة ليك شيتن كدى عن برج الحمار كدى ورينى ليهو اشوف اخوى سيد الكارو دا مالو بأكل حمارتو ايسكريم؟؟ ولا دا تبع حاجة تانية؟؟

hasan Sitta
Registered User
Posts: 32
(4/13/03 9:10 pm)
Reply Re: جفالة جات
--------------------------------------------------------------------------------
يا زهره انت تتحدثين من وراء حجاب؟
فجاه القي الموضوع نازل وانت مافي
عموما انا استمتع جدا بقراءة الابراج الا برجي لانه دائما يعدني بالمال والحب لا المال جاء ولا الحب ومرات اجري الوداعيات فكلهن متآمرات مع عمنا عبدالحليم وعمنا نذار بصرت ونجمت كثيرا لكني لم اقرا ابدا فنجانا يشبه فنجانك
بصرت ونجمت كثيرا لكني لم اعرف ابدا احزانا تشبه احزانك
ومن يومها وانا ماشي بغير رجوع
وحيلتي بحار دمع
وبين النار والودار
وطريقي المسدود المسدود المسدود
عمموا لاتنجيم علم من العلوم اصبحت له قواعد ومنظرين
في مره قلت لاحد اساتذتي كذب المنجمون ولو صدقوا فاستشاط غضبا وقال عمرهم ما يصدقوا انما ممكن يصدفوا
صدفه من غير ميعاد القيا اجمل في الحقيقه

alzahraa
Moderator
Posts: 130
(4/13/03 9:31 pm)
Reply اهلا
--------------------------------------------------------------------------------
اها جيينا عدييل بتسجييل
looooooooooooooooooooool@fag2a
انا بدخل اشوف الردود -بينى وبينك شاردة من القراية_ المهم تقوم يدى تاكلنى واجى ارد اها سجلت عدييل
والله القصة دى دايرها ليها فنجان قهوة كااارب كدا الابراج كعلم ممتع لكن بكرة يحصل وكدا ما لذيذة وما بتتصدق مع انها من باب المرح ما اكتر بس لو عرفت برجك اقول ليك انت عصبى ولا لا وانت شخصيتك كيت وكيت
بالنسبة للفنجان دى قصصصصصة وحنحكيها اها زى ما قلت ليك يا حسن بختك مع واحدة من جنس افكارك عن بنات حواء هئ هئ هئ
والشاااكوش هداااك جااايييك اقعد نظر لى فى قيس وليلى وادم وحواء نهايتك مع القطامة الخايف منها دى
هئ هئ هئ هئ
راجعة تانى

hasan Sitta
Registered User
Posts: 34
(4/13/03 9:35 pm)
Reply Re: جفالة جات
--------------------------------------------------------------------------------
هاهاهاهاهااه
لا انا ماخايف من الشاكوش لانه عمرو ما حا يجي
وما نحن للغيب بعالمين لكن ما حا يجي
انا برجي العذراء ضد العصبيه
اقري ليتا الفنجان

alzahraa
Moderator
Posts: 131
(4/13/03 9:53 pm)
Reply loooooooooooooooooooool@hasan sitta
--------------------------------------------------------------------------------
بصرت ونجمت كتيرا لكنى لم اعرف احزانا تشبه احزانك
مقدورك ان تمضى ابدا فى بحر الحب بغير قلوع
وتكون حياتك طول العمر كتاب ودموع
ومقدورك ان تبقى مسجونا بين الماء وبين النار
وبرغم جميع حدائقه وبرغم جميع سوابقه وبرغم الحزن الساكن
فيه ليل نهار
وبرغم الريح وبرغم الجو الماطر والاعصار
فالحب سيبقى ياولدى احلى الاقدار
شفت يا حسن احلى الاقدار دى كييف لازم تعرف احلى قدر قبل ما تحكم
وتانى بجييك
اليلة نوصلها خمسين ستين كدا
يا جماعة النافذة عوووووووووووووووووووووك

hamsatt shoog
Moderator
Posts: 156
(4/24/03 3:55 pm)
Reply سلام يالحِبان
--------------------------------------------------------------------------------

جاياك جاياك يازهراء جاياك جايا افتوا معاك
والله يايختى انا راسى خلالالالالالاص قام يوجعنى بدور جبنتك الزيييييييينة ساكت
وبشم ريحت بونّك السممممح , وتعالن يالبنوت بدور احدسكن عن عيال الزمن دا
وعن المفاهيم اللخبطت راسنا فوق تحت وعن صعوبة الحياة وعن ضيق الوقت
عِلا الراكوبة يااااااااابسة تشحد فيكن...
وكمان بديت لى كلامن كدا عن الأبراج ودرجة اعتقاد الناس بيها كم قى المية كدا ياربى
والله ياحاجة زهيرة انا بدوراجى أتكى فى ضُلّ راكوبتك الباااااااارد دا
بعد التعب من الردود على البوستات والمناكفات والشكلات والكراسى الطايرات
سجمى بقيت اقول شعر...أهى أهى أهههههههههههههههههى يكو بنات بكو واولاد اشتكوا
اها يازهيرة ماتطولى الغيبة يابت أمى ..قال جامعة وامتحانات قال
بس ماتكونى بتتعالجى من الأستلهابات والرطوبة وضعف النظر,وقلتى اعمل روحى
صغييييرة وجاهلة ولسة بقرا
لكن والله بالتوفيق وفى انتظار الجبنة والشمارات
يالله ودعناكم الله يالحِبان

babikir01
Registered User
Posts: 4
(4/26/03 8:44 am)
Reply Re: _جبنة حجة زهرة_
--------------------------------------------------------------------------------
سلام يا حجه و انشاء الله كل شئ تمام الله يلعن المواصلات الخلتنا نصل تاني يوم و ما نلحق ولا الحترابه .جايكم من بلداً بعيد بالحيل و موتوسم فيكم الخير و عندى مسعله ما ممكن يحلها زول الا انتى لانو بتعرفى المزاجات بتاعت الناس الكبار . انا بحب و عاوز ارتبط بمن احب الا امى و واقفه الف احمر اصلو البت دى ما ركبت ليها فى راسها . جربت الحنيس و ما نفع . جربت الوصاطات و ما نفع . انا خلاص جاى البلد قريب و ما عارف اعمل شنو اول ؟ غايتو فى قهوتك دى شوفو لينا حل يا بقيت عزابى طول عمرى لانى ما حا اخليها حتى لو ما عرست كلو كلو

alzahraa
Moderator
Posts: 153
(5/4/03 6:09 am)
Reply مبالغة
--------------------------------------------------------------------------------
يييييييييخسى عليكم كدا فتشت للجبنة وما لقيتها لمن فكرت انها فى الارشيييييف
ايىييييييييييييييييييييييييى(بكاء) بس يعنى يا همسة انا قاصدة واااااا بسش اخلص بكاء واجى وااا
با بكر انا هنا بعمل ليك فى بخرة عاد بتنجض ليك موضوعك مع الحجة دا تب بس جبنتى فى الصيانة وناس النافذة دايرين يقلبوها كااافى سنتر
loooooooooooooooooooool@ caffee


sanaric
Moderator
Posts: 721
(5/24/03 2:20 pm)
Reply
ezSupporter
&&&&&&&&&&&&
--------------------------------------------------------------------------------
الزهراء

مشتاقين
طولتي الغيبة
و منتظرين قلوة البن
والجبنة المصلحة
البتعدل المزاج
يلا ما تطولي اكتر من كدا


alzahraa
Moderator
Posts: 154
(5/26/03 4:58 am)
Reply heeeeeeey
--------------------------------------------------------------------------------
انحنا جينا وكية للمابينا
انحنا جينا وكية للمابينا
loooooooooooooooool@ala'3ani alsodanya
كيييف الاخبار والحال والاحوال و و و
بالنسبة للجفاء وعدم الوفاء وبالنسبة للبكاء وبالنسبة ليكم اشتقت ليكم
والله كانت رحلة طويلة طوييييلة ومملة لكن الحمد لله
اها عاد جيناكم للكشن بلا بصل
كويس لقيت الجبنة قدااام كنت قايلاكم نسيتونى؟؟؟؟؟؟؟

الكن الكلام الفاتنى دا كتييير الا اطبعو وانوم بيهو بس اليومين دى مكجنة الحروف والكتابة والاقلام
loooooooooooool@ 7aja zahra fi alroda
بجيكم اسه

alzahraa
Moderator
Posts: 178
(7/5/03 6:34 am)
Reply heeeeeeey ya naas
--------------------------------------------------------------------------------
سلامات عوافى
ناس النافذة والبالتوك والمارين والزوار
طبعا بس الواحد ما تحصل ليهو ظروف ويغيب يلقاكم شتو ليهو بوستاتو وراء ونسيتوهو عدييل كدا ؟؟
اسه لو كنتو بتجو اللمة بس يوم الجمعة اى زول يكتب ازيكم فى القهوة ويطلع كان اتشجعت وكل يوم جمعة جينا قلينا البن يا سنارك وعرفنا المعانا والما معانا ؟؟


Edited by: alzahraa at: 7/5/03 6:41 am

sanaric
Moderator
Posts: 789
(7/6/03 11:44 pm)
Reply
ezSupporter

Re: heeeeeeey
--------------------------------------------------------------------------------
حاجة زهرة
مشتاقين
واله براك تخرب
البنات ديل واحدة فيهن ساي قالت النتذكر حاجة زهرة دي وادخل في بيتا دا واسوي الجبنة للاولاد مافي
بنات نسن العشرة الجميلة
انا غايتو مرة مرة بدخل ما بلقى القهوة بطلع

اها متظرك ما تتأخري

Safi43
Moderator
Posts: 164
(7/18/03 2:58 pm)
Reply ya nas aljabana 3ooook
--------------------------------------------------------------------------------
سلامات حجة زهرا .. ازيك .. ماك طيبة .. خبارا راكوبتك دي؟ زمان حلااااتة .. الهبوب تجيب لي ريحة البن .. ماشالله .. قعدتكم كانت تبغّر .. بس ما كنت بقدر اجي مع الامتحانات و الزنقة .. قدر ما اقبل جاي و جاي عِِِلاّ ريحة البن بتصلني.. و اقول يا ربي متين افضى و اجي اقعد مع الجماعة الطيبين ديل ... و مما انتهيت .. أنا كل جمعة بجي بتاوق بي جاي .. ما بلاقي غير العناقريب و البنابر فاااااضية .. أقوم أرجع أهلي..
إلا الليلة خرمانة لي لجبنة .. قت انشالله كان اعملا براي .. النقلا لي شوية بن .. و ريحة القلوة بتجيب الناس .. و البدور بسوي لو معاي ..
ها يااا حاجة .. شوفتي آدم و حوا الزمن دا البقى عليهم شنو ؟ .. اليوما داك .. قلت النمش أطل على الحبان و الجيران أشوف أخبار الناس و الحاصل عليها .. باقي انا متلووومة مع الناس و طولتا منهم .. الله يقطع المدعوة الجامعة .. المهم .. ما أطول عليك .. مشيت للسرّة .. أخدت لي معاها خشم خشمين ..سعلتها عن بت العازة .. العرسوها قبل فترة .. ما جابت ليها جنى .. طولللللت انا من العازة و اخبارها .. قلت لي ماسمعتي ؟ .. انت ما قاعدة مع الناس؟ ...
ليه؟ .. الحاصل شنو؟
بت العازة ما طلقوها ..
سجمي !!! دا كلام شنو؟ حلااااتة البنية و حلاة ادبها .. ليه؟ في شنو؟
بري ما عارفة .. هي بتاً كويسة .. و راجلها قالو عديل .. بس مابتعرفي الحاصل شنو .. موضة الطلاقات الايامات دي .. و حاتك بقينا نسمع بالطلاق أكتر مما بنسمع بالعرس ..
ووب علي.. الله يحفظنا و يحفظ وليدلتنا .. طلاق الشباب مالو كتر اليومين ديل ... و يجو يقولو ليك .. طلعنا ما متناسبين .. و لا .. ما اخدنا فرصة كافية للتعارف قبل الزواج .. دا كلام شنو دا؟ انحن زمنا ما كان في شي كدي .. و لا تعارف و لا غيرو .. و الناس عايشة و في امانة الله ..
إلا انا افتكر انو زمان الناس حياتها بسيطة .. البيوت كلها متشابهة .. الناس تربيتها واحدة .. يعني الواحد بمجرد ما يسأل و يلقى انو البت بت ناس.. و الود ود ناس.. يبفى خلاص و حيتأقلمو مع بعض.. لانو المجتمع ياهو المجتمع .. و حياتها كانت زي حياة أخواتو .. و حيعيشو زي ما ابهاتم كانو عايشين .. لكن الزمن دا الناس اختلطوا بمجتمعات تانية و كتيرة .. فبتلقى كل أسرة طبيعتها مختلفة .. و ما ساهل الزول فجأة يغير طبيعتو و يعيش بطريقة ما متعود عليها .. كان البت كان الولد ..
غايتو الله كريم علينا و عليهم ..
أصبري يالسرّة .. انت عواطف دي ويين .. مختفية و ما ظاهرة .. ليها زمن ما سمعت منها ..
اسكتي يا بت امي.. اخير طلاق الشفّع من البقو يعملو الرجال العجايز .. عواطف مما راجلا عرّس بقت لابتطلع على زول .. لابتقابل زول ..
شنو!!! اجي اجي اجييييييي !! راجلا عرّس؟!!! .. شكيتم لي الله رجال الزمن دا الما بخجلو .. الراجل دا خرّف و لا شنو ؟.. بعد العمر دا كلو ..الرجال بقى ما ليهم عشرة .. اللعرّس لوليداتو .. بدل مايكوس لرقبتو للعرس...
و قالو العرسا دي بنيتاً سغييييرة .. قدر و ليداتو ..
(بسسسسسسسسسسسسسست ) قُدَر .. قااااااااادر الله .. بنات الزمن دا بقن مقدرااات .. و ما هينات .. و الله الواحد بقا يخاف منهن ..

و لا انتو رايكم شنو .. في طلاق الشباب الكِتِر .. و عرس الرجال الكيار فوق نسوانم؟؟؟؟

ana wa
Registered User
Posts: 10
(7/20/03 12:13 am)
Reply جبنة حجة زهراء
--------------------------------------------------------------------------------
حبوبة انا بحلك من الجبنة وقعدته الظاهر عليك ما عندك موضوع تاني يشغلك غير الجبنة عشان كدي لو ما معرسه بتكون دي المشكلة وما تقولي عمري عمر حبوبات اكان ما لقينا ليق واحد عمر خميه وخمسين بنجيب ليك اتنين عمر سبعه وعشرين ونص لانو جبنتك دي شمارة تقيل اههههههههههه قصدي بنها تقيل

والي اللقاء ومعي ابو خمسه وخمسين ولا اتنين ابو سبعه وعشرين ونص

وخلينا من حواء وادم نتكلم عن زهراء والاتنين ابين سبعة وعشرين لانو مافي زول ضيعنا غير حواء زمان واسي هي هي هي هي

جدكم انا وا....