No Jex Bs **1** اسماء سجلت حضور جميل..واختفاء غير مبرر...اين انتم ؟؟

اسماء سجلت حضور جميل..واختفاء غير مبرر...اين انتم ؟؟
===================




No Jex Bs
Registered User
Posts: 4
(4/26/03 1:27 pm)
Reply اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
....

اسماء ظهرت وعطرت سماواتنا بالالفة لم نسمع منها الا كل جميل علقت بالذاكرة وبالقلب ولكن اختفت في ظروف غامضة ..لهم منا الف تحيه..ومن حقهم علينا ان نذكرهم بكل خير وهذا ابسط واجب في حقهم
Flywings
Ana_ zitona
Nassar14
Sezu
SweatHart
Abujux
Kisra mura
3azab 12
zola123

لكم مني تحيه ولنا منكم عودة

No_Jex_3rs_Bs



flyingwings
Registered User
Posts: 7
(4/27/03 3:58 am)
Reply أنا هُنا
--------------------------------------------------------------------------------
العزيز الغالى (جداً) نو جكس ... أشكر أبو أهلك على هذه الكلمات الطيبات..أنا تقريباً أطل يومياً على هذا الموقع ولكننى لا أُسجل اسمى فى دفتر الحضور فأنا أتسلل عبر النافذة ..أما إذا كنت تقصد الغياب عن البالتوك أعتقد أننى أخبرتك عن الأسباب ..و سوف أعود إلى البالتوك للمشاركه فى مباراة إعتزالى ..الرجاء أن تحضر إلى الملعب معك الكور الملونة و فريق البراعم
ملحوظة:ستة من التسعة الذين تسأل عن أسباب غيابهم جكس و برضو تقول لى نو جكس يا نو جكس


woroorrook
Moderator
Posts: 314
(4/27/03 9:53 am)
Reply m3gola bas ?
--------------------------------------------------------------------------------


الصديق
No-Jex-3rs_Bas
مرحب بيك مرات عديدة
شايفاك تقصر فى إسمك ساكت
مع الوضع فى ال إعتبار ملاحظة صاحب الجناحات الطائرة
اعتقد انك جاي بخطة و ناوي توصل ال إسم دا لي (عرس بس) ٠
اخبار ال منتشين شنو يا زعيم ؟
لووول


العزيز وينقــــــــس
ليك وحشة والله
طيب وكت ما بطل كل يوم بي جاي فكر كدا إنشاء الله
فك ليك باص مقصر و غلط و في نص ال ميدان والله برضو مقبول منك
ولا إنت بقيت مع الخيانة ؟
افيتو ولا مافي داعي
جاني الخبر شايلو النسيم إقول يا ليل

تحياتي
ورورورك


No Jex Bs
Registered User
Posts: 6
(4/27/03 11:53 am)
Reply Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
flyingwings

الغالي

انت هنا وانا بي هناك..والله حرام
والله شوق كميات ياحبيب...تجي التمرين وتقيف مع المتفرجين ياكوتش..لو طار مننا الكاس المهم اللعبة الحلوه برضو..ولا شنو .. لووول
جاهزين لي مباراة التكريم..و اتفقت مع فريق من البراعم لعمل الاستعراض بين الشوطين..بس ما تغيير رايك وتقول بطلت اعتزال بعد تشوفهم...لوووول
بالمناسبة اخوك عزازة حالف يلعب المباراة دي ومن بدري جاب الكدارة جلد التيس ام كدايس متوحشة.. وقال يافيها يا يشيل كورتو..غايتو انا قلت ليهو كان نقلبها ام الحفر ما بنلعبك معانا...
والله ليك وحشة...

لا تعليق علي الستة فراشات..ودي خليها بالجنبة ..عشان ورورك ما يمسك الللمبة

. تعال فرح ليالينا



wororooook

الصديق

اوع تفتو..وينج دا اخونا برضو
لوووول
قال منتشي قال..حليل النشوة يا اخوي
لكن عارفك كلو عندك ..ودا الوحيد الما حتفتو..وانا كمان ما بسالك
تعاين لي واعاين ليك ساي لمن اسمي دا يحسي زي لبن فورموست
بالمناسبة مالك خليت الكدوس؟؟

كلو بمضي ..ومهما تقسي مصيري انسي

جيب نفس


ranoya
Moderator
Posts: 497
(4/27/03 12:00 pm)
Reply
Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
fi lisa nas kotar niseetom ya no jex lakin shayfak murakiz fil jex da shadeed.
anyhow i like how ppl ask about each other here. and its really nice minak wallai ya no jex. lakin ana shufta 3amla lai zai fekra kida. a'3eeb shahar kida 3shan tishtago lai keif ma3akom o low sama7ta laman a'3eeb akteb ismi barahu fi post li2ano ana ma ba7eb akoon ma3 post mates.

No Jex Bs
Registered User
Posts: 7
(4/27/03 12:52 pm)
Reply Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
ranoya

والله فعلا القائمة طويلة..اسعفيني بما تجود به قائمتك..ومنو برضو شمار نعرفو
انتو ليه مركزين علي النصف المليان من الكوب..دعونا ننظر مرة للنصف الغائب

رنوية قالت حتغيب عن البالتلك..خبر لكن والله
دا مش داير ليهو بوست ..دا داير ليهو موقع كامل...لوول ..لقيتيني كيف بالله ؟

حضورك يسعدنا..

فكي المايك دا






ranoya
Moderator
Posts: 500
(4/27/03 1:18 pm)
Reply
Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
loooooooooooooool@fiki al mic da
enta knta mutabe3 shaklak
wallai taslam 3la alkalaimat al gameela di ya no jex
ma 3irifnak 7ineek kida
kadi a3mal add

flyingwings
Registered User
Posts: 8
(4/27/03 6:02 pm)
Reply أها كدا كويس
--------------------------------------------------------------------------------
الغالى وروروووووووك.........أحبك و بعد....شوقنا ليك هدف ذهبى....الشمار الوصلك ما صاح ....الحكاية و مافيها إنو أنا إعتزلت الكوره و بقيت من أقطاب النادى ...بس أوعا تسألنى ياتو نادى ده
العزيز نو جكس....شوقنا ليك باراشوت....أها عاجبك كدا جبتا لينا الكلام.....شكراً لتكفلك بإحضار فريق البراعم..الرجاء إخبار عزازا بإن لا يحضر إلى الملعب لأنو ما ح يخلى البراعم يقدمو فقرتهم..وإنت عارف و أنا عارف ليه...بس ما تنسى تعزمو لحفلة الشاى البعد الماتش ...الراجل برضو أخونا و كدا
ملحوظة:حضرت اليوم مخصوص للبالتوك و لم أجدك..قمت شلتا لى فحمة وشخبطت ليك off-line message



almasafaa
Registered User
Posts: 121
(4/28/03 4:17 am)
Reply نادي البراعم
--------------------------------------------------------------------------------
في البداية ممكن يا نو جكس اسلم للكوتش والعلامة الكبير ومدرب فريق البراعم المبدع الفنان الجناح الخطير (وينقس) .... وطبعاً يا جماعة وينقس دا قدر ما سكيتووو غلبني لكن ؟؟؟؟ حلوة سكيتوو دي
يا وورووروك كيفنك وكيف وليداتك ... بالمناسبة عاوز تفت شنووو .. اقصد عاوز تفت منووو لو قصدك فلاينق فاحسن ليك اقيف بعيد واشخت شخيت .. وتعال برايفت انا البفتوو ليك (جيب سفة)
رنوية
بالله يا رنوية امشي بعيد العبي ليك كورة او باسكت ولا اي حاجة لانووو فلاينق ونو جكس ديل متخصصين (ام حفر .. ونط الحبل ... وكل الالعاب الجكسية ) اقصد الاولمبية قال اعتزل قال
نوجكس
بلا نو جكس بلا بطيخ معاك .. قوم لف

No Jex Bs
Registered User
Posts: 8
(4/28/03 2:49 pm)
Reply Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
ranoya
مالك دايرة تجيبي لي الكلام ..ادد شنو كمان ؟؟ انتي ما عارف اسمي منو؟
الكلام دا اكتبيهو لي في البرايفت

سلمي لي علي البطة وخلي الباقي


flyingwings

اشكر حضورك الجميل..لكن دايرنك تجي وقت المباراة..عشان تقيم لينا التيم...
لازالت حملات الاقناع لعزازة مستمرة رغم الاغراءات المقدمة منه..قال حيجيب فنايل وقال حيحضر الشربات وقال وقال لكن مافي ليهو انا كلمت الحرس بتاعين الملعب يدخلوهو بعد المباراة وكان كتر بنجيب ليهو ناس الالزامية




almasafaa

ما قالو ليك نحنا دخلنا الحجلة لي الاولمبياد ؟
وتعال هنا كيف رنويا تلعب سلة..يعني بنات ويليزم بتاعات التنس ديل ما عاجبنك..حا يجو مباراة التكريم..




ana ZaitOona
Registered User
Posts: 16
(5/1/03 6:06 am)
Reply Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------
وترجع الكوره ضربة مرمى لصالح منتخبنا الوطني

السلام عليكم ...الأخ نو جكس اسأل منك الخيرا نشا الله وشكرا شديد على السؤال نحنا متوفرين لكن انا ما بقدر اجى الملعب عشان المدرب بتاعى (فلاينغ وينغز) أعتزل،،، الخطه الهجوميه بتاعته جات فى صالح الفريق التانى فالضربه المره دى ما استحمله بعيد عنك جاته فى الأنكل فقال حريققققققه وانا قلته ليهو يا كوتش فى التتتلج . وانا بحيهوا وبسلم عليهوكتيير ويا فلاينغ طريتك فى البوست بتاع أمير وبشار يعلنان الاستتسلام لانك الوحيد الناقص بى هناك من البفشونى كويس. وينغززز ليك كل الود. نو جكس شكرا تانى وسلم على ناس عبدالله وفهد وخليهم اجهزوا الميدان قوليهم اللعبه الجايه هناك .



No Jex Bs
Registered User
Posts: 9
(5/2/03 1:54 pm)
Reply Re: اسماء سجلت حضور جميل..واختفاء غير مبرر...اين انتم ؟؟
--------------------------------------------------------------------------------

يا هلا بي زيتونة البالتلك.. بعدك الفريق اصبح خلا..

اهلن بيك وبي عوتك ولو من خلال النافذة
شنو انتو انهزمتو هزيمة الصحاف من العلوج ولا شنو الفريق كلو انسحب..وخليتو العلوج مسيطرين علي الملعب
كدي تعالو ولو في شكل مقاومة وعمليات انتحارية
والبال مليان شمار ...سنارك براهو ما بكفي وسارة عاملة معتزلة الشمار...

اخر شمار بالله ؟؟



flyingwings
Registered User
Posts: 9
(5/3/03 4:41 pm)
Reply زيتونتنا الوارفة الظلال
--------------------------------------------------------------------------------
زيتونتنا الوارفة الظلآل.....الأشواق تلال مخضرة ندية و مُزهرة
حقيقةً لقد تزيَن ريش أجنحتى بألوان قوس قزح إحتفاءاً بطلتك البهية عبر هذا البوست ...لك منى الود كله ولن أدخر منه شيئاً...عفواً: أنا مغرور بصداقتك و لن أتواضع
العزيز نوجكس...ذكرنى هذا البوست بمشهد من مباراة ريال مدريد و مانشستر يونايتد عندما لعب الحريف زين الدين زيدان تمريرة قُطرية زاحفة من الزاوية الجنوبية الغربية من الملعب إلى الزاوية الشمالية الشرقية لتجد الرهيف (قوتى) الذى عالجها بلمسة واحدة و جعلها تتهادى فى إتجاه النفاثة (رونالدو) الذى أسكانها بدوره الشباك...وهذه بمثابة دعوة منى إلى كل المذكورين أعلاه و كل المحترفين للعودة إلى جو المباراة

No Jex Bs
Registered User
Posts: 10
(5/4/03 12:12 pm)
Reply Re: زيتونتنا الوارفة الظلال
--------------------------------------------------------------------------------

حبيبنا وينج...ارجو ان تجد دعوتك اذان ...فهو ما تصبو اليه الانفس...والعودة للزمن الجميل
ارجو تحديد الخانات من اسة...لانو في ناس يلعبون اكثر من خانة..ولك ان تمارس كل دكتاتورية حتي نتخطي عهد انحطاط اللعب ..ونعود للزمن الذهبي ..زمن ناس النقر ..مع ملاحظة الاعتماد علي اللعب الجماعي..اما عني فاختيار خانتي يعتمد علي خطة الخصم....فلو لعب دفاع انا بلعب هجوم والعكس صحيح وكان لعب لي حارس مرمي بلعب ليهو باك ورا القون لووووول

طلتك تسعدني حقا ...