بوكو - قصائد حلمنتيشية أتمنى أن تعجبكم

قصائد حلمنتيشية أتمنى أن تعجبكم

boco120

=================
Registered User
Posts: 47
(10/25/02 10:22 am)
Reply قصائد حلمنتيشية أتمنى أن تعجبكم
--------------------------------------------------------------------------------
الاخوة الأعزاء أعجبتنى هذه القصائد الحلمنتيشية الموجودة فى موقع اخر واحببت
أن اشارككم بها أرجو أن تعجبكم
القصائد دى منقولة يا ناس
القصيدة الاولى :

أحياناً ترتبط الأسماء بشيء معيّن في البال ، أي أن الإسم يدل على سيدو! وإسم ندى ارتبط بيهو الجمال، دائماً تكون ندى سمحة .. شاعر هذه القصيدة حكى مناسبتها وقال أنهم عندما كانوا في جامعة الخرطوم ألّفوا قصيدة في "ندى" ، وأثناء ما كان صديق الشاعر بيلقي في القصيدة فوجئ شاعرنا إنو في "بت ولاّ ولد ما عارف" -على حد تعبيره - وقفت جنبوه ودار بينهم حوار إنو البت طلبت منّو إنو ما يقولوا القصيدة دي تاني عشان الناس جننوها وقالوا ليها "كتبوا فيك" طبعاً الشاعر وبطريقته الساخره سألها "وإنتي الدخّلك شنو!؟" قالت ليهو إنو إسمها ندى .. واكتشفوا إنو في ندى شينة .. وفي تلك الندى ألفوا هذه القصيدة ..

تأليف : مصدوم في ندى


نـــــــدى


قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!

القصيدة الثانية :
كتبت هذه القصيدة في طالب في جامعة الخرطوم اسمه "عبدو" وكان بحب واحدة لدرجة الجنون وكان خجولاً فلمّا حكى لزميله في الداخلية عن قصة هذه البنت نصحه زميله بأن يفاتحها في الأمر ، فرد عبدو :- "حفضل أكهربها ليك لو جا ملاك يخطبها ح ترفض وأحسن أكون تقيل أنا زول جميل وقيافة " ... وفضل صاحبنا "عبدو" يكهرب لحدي ما بطاريتو نزلت وفي النهاية جا مغترب وخطب البت .. وصار عبدو يكيل وهنالك مصطلح في جامعة الخرطوم متعارف عليه "إذا أحب طالب زميلته وتزوّجت من غيرو" شاكوش بمعنى آخر .. بقولوا "أدتو شريط".. على أي حال نرجع لي عبدو الذي وقّعه الله مع صاحب بشّع بيهو وألّف فيهو القصيدة دي .. يمكن نضحك إحنا على الكلام ده ، لكن الكهربجي بتعانا داك يكون حاسي بي شنو!!

تأليف : صاحب عبدو!


عبدو


في الليلة ديك القصة ذاتها بقت عليك

يا عبدو وأدوك الشريط

يوم قولنا ليك أنضم معاها وكلّما

أبيت تسمع كلامنا وبقيت لميض

وقلته أحسن أكون تقيل أنا ما جميل

وبقيت تقيل لامن سقوك موية الغسيل

وجيت تنطط زي زمان وتباري بقعور الشجر

كايس كراسي الخيزران ..

وقعدته يا زينة الرجال.. كهربجي قال

رفعوا الستار والبت تجي ومرات تقيف

ومعاها يا زول زلداً حريف

والوقفة كانت وقفة ولف

صاحبنا بالاحساس عرف

سألته والناس كلّموك

ووقعته في شارع الزلط

تبكي وتجعّر والعيون اتورّمت

ويد القميص ضهر القميص كم القميص

حتى الفنيلة اتشرّطت

يا عبدو عيب

قوم يلا صلي على الحبيب

الواطه صبحت داير ننوم

يا أخوانّا لأ أنا عايز أموت أقع البحر

يا عبدو عيب

الدنيا حر .. والموية بتسخّن عليك

ثلاثة ساعات زولنا يسب ويكيل

ودموعو سايلات بالكفوف

وشرايطو تلمع في الكتوف

بقى فيلسوف

في علاقة بين يوم السبت وعين الحسود؟!

ومقارنات بين الجمال!!

و الجهل وسوء الإختيار

قال شينة قال ...!

قال شينة قولنا كلام صحيح

وخطيبها زاتو ولد قبيح

بس ياخي قوم الواطة صبحت داير ننوم

قام تاني جاب سيرة البحر

قام تاني جاب سيرة البحر

القصيدة الثالثة :
ادخال الكلمات الإنجليزية ليست ظاهرة نادرة في شعر الحلمنتيش ، بل هي سمة ظاهرة فيه، ولدينا في هذه الزاوية أكثر من قصيدة تدعّم هذا القول ..أكتر حاجة بتميّز النوع ده من شعر الحلمنتيش إنو يستخدم انجليزي سوداني ، هذا الشيء يجعل القصيدة قريبة إلى ذهن المستمع .


عنجليييييييزي


كل ما أقبّل وأعاين

ألقى عينيك جات في mine

حاجة very good

حاجة fine

يا suger مصنع كنانة

يا flour مالية البطانة

إنتِ fantastic banana

إنتِ my eyes رتينة

إنتِ where is مابتجينا

إنتِ عينيك فيها light

إنتِ شعرك dark night

إنتِ طبعك كولو right

إنتِ my heart إنتِ نورو

إنتِ my love البدورو

عايز أشوفك more tomorow

عايز أشوفك more tomorrخص
قصيدة الرابعة
ل ما اقول للناس كلام
الناس تقول .. لا ما كده
كل ما اقص لى بنطلون
يطلع قصير ذى الرداء
وكل ما اقول جبتا النجاح
تطلع شهاده مقدده
اه يا مغص .. اها آلم..اها ياندى
ما ده الزمان كاسر قلوبنا وهاردا
ادينا ياخ جرعة حنان
حقنة آمل
كبسوله بسمه وغروده
وانا ما حكايتى معقده
بتعشى ديمه مع الصباح
باكل الفطور بعد الغدأ
فى يوم مشيت جنب البنات
من نوع شهيره وشهرذاد
حاجات...كده
وظهرت ندى
ملكة جمال متفرده
قالت لى وين يا حدب
كيفك كدا
كيفى كدا
الحقنى عوك يا مرتضى
اخوك اعصابه بايظه وهامده
ذى شنان وكت كندوره مزق ليك
شباكه وقدده
مريخ عديل حاكه المورده
قلتا ليها شوفى يا بت الحلال
دفترى حابى دفاترك ورايدا
وحلف يتقرى عمل الحكايه معانده
وشبشبى حلف ما يمشى خطوه ولاقدم
إلا يشوف كعب عاليك ده
وقميصى حابى بلوزتك الحلاتا مورده
وشوفيه من كتر البكاء
كيفن اكمامه بايظه مهرده
وجريونا حابى جريوتكم شدييييد
فى الحله من دون الجريوات رايده
قلتا ليهو شينه ومقرده
حلف يقتنع عمل الحكايه مكايده
وانا ذاااتى يا ريحانه يا متفرده
احوالى كعبه منكده
يا ام تحبينى واموت
والروح وراك مستشهده
يا ام تشوكشينى واموت
ووصيتى واحده محدده
قبل الدفن والفاتحه
ديك ما يقروا تشهدا
يكتبوا فى قبرى
بى خط عرييييض
فى لافته فوووووق

واى يا ندى

لقصيدة الخامسة:
شربت الشطّة يا إنتَ


حبيبتي I love you

ومن حبك I shall die

من شِدّة ما إنتِ beatiful

شعري الفي راسي fly

I see في عيونك sea

I can't swim براي

when I see you في الـ road

going to the shop بي جاي

cutting the زلط

on foot with shoes small and high

I don't know what I can do

I can't believe my eye

سماحتك عقّدتني عديل

أعاين ليك دموعي تسيل

أكُر في الحمدو عشرين مرّة

وأقرى معاها سورة الفيل

ولمن تمسكي المنديل وتمسحي بيو كحل عينيك

لمّي الدمعة فوقوا تسيل

أعاين في عيونك ديل

وأقول أريتني كان منديل

ما بنفع كلام يا ريت

نوعي ده ما شَبَه منديل

ملامحي قريبة للصارقيل!

كيفن بس أكون منديل

ولمّا تقومي منعدلة

وتقدلي ليك كم قدلة

أفنجط بي وراك ســــــــــــاي

التقول سخلة

أعاين وأقول هَمَلة

وحلاة القدلة في أهلها

حليوه وتمشي بي جَهلها

وتتقصّد مشي الأصلة

وأنا الفجغوني بي عَدلة

أنا اليادوب في دنيا الريد

مناي يا رب سلام في الإيد

عيونك زي عيون الصيد

كُبار زي خروف العيد

تكهربي بيها خلق الله

ونوعي ده عاد جنونو يزيد

وأقول يا رب تسلّم لي أو ساكت

تأشّر لي، وكان غمزت ده يوم العيد

وعينيك طالعا بينها طوّاف

لا الكبكابة لا الرجّاف

تقول رشّوني بي البفباف

يجيني رعاف

وأقعد ألف، عيوني ترِف

وأقول أكيد ده أثر فطور الفول

لمنّ تضحكي في نُكته

التقول لبعوني بي شنطة

وأكب فوق العصير شطّة

وأقرطع ما أسيب نُقطة

وأقول "يا سلام عصير لُقطة"

وإنتِ تقولي"بالغت وشربت الشطّة يا إنتَ"

مالها الشطّة، ما شربات عصير كُفته

عصير جركان من الدُكّان

يترشّه في صحن فتّة

ما مهم شرابي الشطة

والمهم الكلمة "بالغت "

و "شربت الشطّة يا إنتَ"

كفاكم كدا

أخوكم بوكو



Safi43
Registered User
Posts: 32
(10/25/02 11:29 am)
Reply looool..tslam boco
--------------------------------------------------------------------------------
طبعاااا لزيزززززززة جدا ..
يا سبحان الله .. انا قبل كم يوم ازكرت قصيدة ندى..و كنت بفتش على الشريط القالوها فيهو .. وحقت عبدو دي سمعتها قبل فترة و اتمنيت لو معاي ورقة و قلم ....وفي واحدات اول مرة اسمعهم ..لكن لزاز شديييييييد ..
تسلم بوكو
" بالله وانت بتفتش ما وقعت في عينك (هندوية البرلومة القدر الفولة ) خسمتك بالنبي كان لاقتك اكتبها "

Edited by: Safi43 at: 10/25/02 10:01:57 am

ranoya
Registered User
Posts: 156
(10/25/02 1:31 pm)
Reply
loooooooooooooooooooooooooooooooooooooooool@boco
--------------------------------------------------------------------------------
loooooooooooooool and a big loooooooooooooooooooooooooooooooooooooooooooool ya boco. wallai 3ageza 3an al ta3leeq lakin bil zat al '7amsa di shara6at lai ma9areeni. wallai 7aga lazeeza gedan and we need more.

6aba3an ma yifootak albait kolo itfaga3 mn al di7ik o bea sababak nado laina al police. titgaza enta.

Karkor
Registered User
Posts: 97
(10/25/02 3:05 pm)
Reply
Re: loooooooooooooooooooooooooooooooooooooooool@boco
--------------------------------------------------------------------------------
Boco Bocoo
lakin al ga9ayeed lazeezaa shadeeeeeeeeeeeeeeeed






woroorrook
Moderator
Posts: 186
(10/26/02 6:51 am)
Reply
nice one boco
--------------------------------------------------------------------------------



العزيز بوكو

لك التحية علي مشاراكاتك الجميلة و المتنوعة فى هذا المنتدي

و لك مني هذه القصيدة البوحية العربية الإنجليزية





woroorrook


Safi43
Registered User
Posts: 34
(10/26/02 9:37 am)
Reply Re:
--------------------------------------------------------------------------------
يا ورورووك انا ما عارفة مشكلة "البوستات" بتاعتك شنو ..ما بقدر اسمعها ولا اشوفها طوالي..وقدر ما اعمل "ريفرش" ما بتجي..فبضطر اكابس وافتش لحدي ما القى ال"صورس" .. حسه بعد جهد جهيد..حتى سمعت البتاع ده ..لوووول..مع انو في حاجات ما فهمتها "عايزة ليها اعادة مرة ولا اتنين" ..لكن لزيييزة..
و هاكم دي برضو قصيدة انجليزي عربي (سوداني)..

ممممممم



لقيت روحي ما حافظاها :P ..


لمل القاها حاكتبا

boco120
Registered User
Posts: 48
(10/26/02 1:25 pm)
Reply Rep
--------------------------------------------------------------------------------
الأخوات صافى ورنويا والأخوان كركولر واورورووك القدير

لكم التحايا والتجلة ،وأشكر لكم تحاياكم .
الأخت صافى: والله القصيدة دى ما غريبة على وكان لقيته أكيد حا أكتبها هنا ولك الشكر أجزله
الأخت رنو: والله ضحكتينى بقصة البوليس دى والله انا مبسوط كدا لمن الاقى ناس ذيك كدا بقدروا الشعر الحلمنتيشى
الأخ كركور
لك التحايا العطرة والف شكر
المبدع وروروووك
أولا لك كل الحب والتقدير ونشكر لك إبداعاتك لكن والله يا وروروووك ذى ما قالت صافى دى أنا ياخى عندى مشكلة الاستماع للتسجيلات مع انى عندى خبرة غى مجال البى سى وكدا وعملت ريفرش كدا الف لكن يا زول ما مشكلة بعرفه ليك انشاء الله
لكم الشكر جميعا
أخوكم بوكو

woroorrook
Moderator
Posts: 189
(10/26/02 4:41 pm)
Reply
Re: Rep
--------------------------------------------------------------------------------
سلام يا حلوين

العزيزة صافي

اولآ إسمحي لي ان ارحب بعودتك الكريمة لنا

ويا عزيزة إذا وصلتي لي درجة البحث عن

source

فهذا يدل علي مقدراتك العالية و سعيد بكونك وجدتي ضالتك بصورة او بأخري

***

الصديق العسل بوكو

فى هذا ال بوست بلذات تعمدت ان يكون مسألة الإستماع خيارية حتي يتمكن الزوار الكرام بقرأة القصايد اولآ

الرجاء الضغط علي

play


للإستماع

و شكرآ جميعآ


woroorrook

nono790
Registered User
Posts: 40
(10/26/02 10:11 pm)
Reply
Re: قصائد حلمنتيشية أتمنى أن تعجبكم
--------------------------------------------------------------------------------
well done ya boco walahi gasaidak 3asal benagi6 bas o nada da7aktni shadeed walahi almawahib den wen min zaman.
p ya safi lakin enti mobala'3a 7ayartene ma3ak ..tab3an lazeza be shakl ma 3adi ana bad7ak sa3a 3ala kalamik alshwiiiiiiiiiia algoltiho da loooooool....
atmana lek ya boco almazed min alebda3 o diren nashof 7ajat alazeza de kater 3alek ala...
with my respect to u..

boco120
Registered User
Posts: 50
(10/30/02 11:30 am)
Reply Rep
--------------------------------------------------------------------------------



دنيا غريبة
ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات



القصيدة السابعة

TOO LATE

آه..على قلبي الرهيف
على املا حملتوا دهور
قطعت بحور
سواد الليل على ليلين
صبرت كتير وراجي النور
ياقطعة البلور
وياست بنات الحور
عليك اسم الله يا حلما على مابجور
شفتك يوم عجبتيني
وقلت اقول انا البرلوم
بدور اخطب لامعقول
وبديت
احدث زول وادس من زول
لكن
صحيح الدنيا مابتصفا وتدوم للزول
وآه.. يالينه ياشتلة فريع البان
وياحلما بنيتو عليك
وعشت زمان أفكر فيك
لمن بان
بقيت فى الحيره والآهات
يادرة بنات شمبات
وياطفلى الرضيع المات
واتحسرت واتبهدلت ماخليت
ودمع العين نزل وقت
قال لى
TOO LATE
ضيعني الدكتور عشا البايتات
وعاد خطبوك لى زولا طويل وعريض
لابس ليهو نظارات
حافظ الكيمياء في راسوا
حاكي اشنابوا نصوا رباط
وعاد شغال وحالتوا كويسه باني البيت
ورضيتي بيهو طوالي ماقلتي
TOO LATE
بعد الحصل قالت لى مولانا
ادعو لينا معاااااك
اجيب ابريقي واتوضاء
وافرش الفروه واتمسك
وادعوا ليك بالدعوات
زمااان ماكنت بدعو ليك
وبفكر فيك
لكن الليلة بدعو عليك
بركة البغدادي ود جابر
وكيتن فيك يافلانه ابوك لايرضي لايخاطر
كل ماتجيبي سيرة الخطبة فى خشمك
اعاين ليك
احمر فيك يجرك
من طرف توبك
وطرفوا طويل واصل العرقوب
وامك برا تصرخ حي ووووب
سجمنا الليلة يابو فلان
لا لا ماك براك زعلان
ويقول ليها كان عرضتي على طلقانه
ويجرك على الديوان
وتصرخي جاااك بلا خجله تقول شيطان
ولمن يسمعوا الجيران
يدقوا الباب ويطنش تقول طرشان
ينطوا الحوش يكسروا الباب
يدخلواعليك
وابوك يقول حلفت يمين
البصلني قريب هدي السكين
يزحوا بعيد يختوا الخمسة في الاتنين
وتسمع جيت وتسمع جااك
وتسمع جاي يابا كفاك
عليك الله
وتسمع وحي وتسمع وي
وتسمع رو وتسمع كو
وامك برا تنبح هو
دميعاتك يصبن جو
وقتين ينقطع صوتك وتفتري تب
يمسكك كب ويخنقك خنقة بت الكلب


القصيدة الثامنة
برمودا


هو زى طالع

وما طالع

وزى واسع

وما واسع

وزي واقع

وما .. لا اظن واقع

إكون دا بنطلون شافع !!؟؟

إكون دا شنو؟؟

إكون لابساه بالمقلوب؟

إكون نص توب؟

هه يا المتخرجين يا دوب..!

إكون دا الروب؟

إكون دا شنو ..؟

كيف يا شاب

إكون شراب..؟

الشراب تحت ما فوق

إكون دا بنطلون مشنوق؟

حاجة عجيبة مالية السوق

إكون طاقية ممطوطة؟

إكون فوطة ...؟

غايتو عمل جنس جوطة!

إكون دا شنو...؟

إكون ماكسي ..؟

إكون عراقي بالعكسي؟

غايتو يا ناس جنس لبسه

تخلى الزول اموت هسي

إكون دا شنو..؟؟

ناس قالوا إكون فركه!

وناس قالوا

إكون باقيهو

واقع منو في السكه!!!

وواحد قال:

إكون سروال بدون تكه!!!

دي ما شبكه

إكون دا شنو؟؟؟

إكون دا بنطلون نص كم

إكون دا ردا وعندو جضم

إكون بى كم ؟؟

إكون دى بلوزة مجروره؟

إكون دي ملايه مفروره؟

ولا اكون لبس كوره!؟

دخلو موضه كندوره

دا برمودا .. دا برمودا

امانه وقعتك سودا

لبستي الليله برموادا؟؟

بكره تجينا بالشراب

وبرضو تقولي لي موضه...

برمودا...

مثلث فقري جنب امريكا

قالوا برمي هيلوكوبتر

تخشي الجامعه بي برمودا

جاكسون ابقي زي عنتر

تخشي الكوره بي برمودا

خايف آناس

اخش القون من السنتر

برمودا..امانه وقعتك سودا

حليل التوب

حليلنا نفخنا في الفاضي

وكانت قربة مقدوده






Safi43
Registered User
Posts: 71
(11/12/02 3:36 pm)
Reply
di a'7ir marra....kan mat3amal al post 7a7rad o a'7aleeho
--------------------------------------------------------------------------------
HTML Comments are not allowed

Edited by: Safi43 at: 11/13/02 8:01:58 am

Safi43
Registered User
Posts: 72
(11/13/02 10:15 am)
Reply
waaaaaaaaaay ana
--------------------------------------------------------------------------------
ها ديها القصيدة القوتها ليكم فوق يا بوكو..
أخيييراُ اتزكرتها <<== كضابة.. شفّتها
last night I was sitting جنب riverال
watching the moon لكراعي holding خالفا
smoking a cigarette و الدماغ متكيفة
و فجأة I noticed a man شاباً صغير but he was متقندفا
driving a car carوال corolla مكيفة
he wants اغسل it بسرعة and then quickly انشفا
so he got it جنب riverال
when he put it جنب riverال
تمساح كبير بسرعة ,كف,راح خاتفا
shouted the man بصوت clear
what did u do تمساح كبير ?
why did u take my car the dear ?
why did u leave my ريحة طير
و هنا التمساح appear
قال أنا التمساح o some likes to call me crocodile
و تحت الكوبري always صايل always جايل
do u think I'm fear u قايل ?!
لا خلاص
so, listen u man
لو عدت back for this مزاحٍ
I will أصيبك بالجراحٍ
و احسن كمان خليك صاحي
واحسن كمان خليك صاحي


:ملحوظة
تقرأمن الشمال لليمين
( يعني كدا دا <ـــــــــــ)
و تطبخ على نار هادية
و بالهناء و الشفاء





sanaric
Moderator
Posts: 287
(11/13/02 10:46 am)
Reply waaaaaaaaaay ana
--------------------------------------------------------------------------------
loooooooooooooool@safi

والله يا صافي ابداع
بس
smoking a cigarette و الدماغ متكيفة
دي في رمضان كيف ؟
بس والله شغل جميل



Safi43
Moderator
Posts: 97
(12/1/02 3:31 am)
Reply
Re: waaaaaaaaaay ana
--------------------------------------------------------------------------------
ههههههههه... يا سنارك انا ختيت البتاع دا بعد الفطور...
لكن بمناسبة السجار و التدخين...
الى الاخوة المدخنين................( غايتو يا سنارك برااااك فتحت طاقة عليهم :d )
اتمنى قبل ان يرحل رمضان ..تكون رحلت بعض العادات السيئة العندنا..و منها التدخين...
و زي ما بتصبرو النهار...اصبرو الليل كمان ..و ربنا بسهلها انشالله...
اني لأعجب ..لما الواحد يعمل حاجة و هو متأكد انها غلط..و انها بتضرو هو أولاً..و لو ما حريص على نفسه.. -و شايف روحو حر- .. فما في داعي يضر الحوالينو..
بعدين انا ما عارفة العاجبكم فيها شنو...ريحتها كعبة .. و بتمسك في اي شي و تبهدلو..و منظرها زاااتو شين.. والواحد حاشرا في خشمو.. ال يمص ليو حلاوة حربا أخير...
الآية بتقول: " ولا تلقوا بأيديكم إلى التهلكة".. و لما الواحد يعرّض روحو لأسباب المرض و الهلاك..يبقى بلقي بيديه إلى التهلكة...
و النبي صلى الله عليه و سلم" نهى عن كل مسكر و مفتر"... و التدخين هنا هو المفتر..انت مش بتخرم ليها؟...يبقى خلاص..
... في جملة كان بقولها جدي لطلبته ..بكرهم بيها التدخين... لكن انا هنا ما بقدر اقولها ..


Cherymax
Registered User
Posts: 7
(12/4/02 5:03 am)
Reply كيفن اسيبا احاربا ؟؟
--------------------------------------------------------------------------------
كيفن اسيب ديك السيجارة احاربا ؟
لو شفتى كيف بعد الفطور حالتنا ليك بتشقلبا
كان قولتى و الله العظيم لازم اجيبا اجربا
بعد السحور تلقى الشباب احساس فراقة معزبة
وقت الفطور قبل الفطور اعشابا لازم يداعبا
عطشان جعان ما مشكلة الخرمة هى المتصعبا
مرات كمان عند اللزوم همومنا بيها نكهربا
قال الحبيب يوما للحبيبة مداعبا...
شعرك غزير دخان سيجارة ملهلبا...
غصنك جميل بس مارلبورو مدهبة
عينيك وساع كاس البرنجي يزيد شوية و يقلبا
حبك شعور راحة مدخن فى جيبو علبة جديدة معلبا
بعدك عزاب صايم وقت الفطور علبة سيجايرو مضهبة
قربك فرح رئتين فجر الصباح جاهم نفس حلم شقلبا
.........
و تقولى لى سيب السيجارة و حاربا ؟؟؟؟؟


Safi43
Moderator
Posts: 107
(12/4/02 11:17 am)
Reply gir gir gir
--------------------------------------------------------------------------------
looooooooooooool@Cherymax
'9a7aktani min jowa galbi....bala'3ta lakin...3adeeel kida?....kolli da wala3 belsigara walwalla3a..
'3ayto ana 7ad3o laik..allah yshfeek..o kan magdirta tseeba...inshalla tseebak hi o tadeek alshakoosh ali howa..:d



boco120
Registered User
Posts: 68
(12/5/02 1:20 pm)
Reply Rep
--------------------------------------------------------------------------------
الأخوة الأعزاء كلو سنة وانتم طيبين

والله يا شيرىماكس
ابداع عديل كدا ومذيدا من الإبداع بالله وربنا يديك العافية
بوكو

woroorrook
Moderator
Posts: 318
(5/1/03 6:41 am)
Reply .
--------------------------------------------------------------------------------
looooooooooooool@cherymax

shimooos
Registered User
Posts: 86
(5/1/03 9:50 am)
Reply LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOLZ
--------------------------------------------------------------------------------
bOCCCOOOOOOOOOOOOOOOOOOOOOOOOO

TASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaamTASlaaaaaaaaaaaaaaaaaaaaam

walaaaaaaaaaaaaaaahi gat3ta masareeeeeeeeeeeeni min al di7iiiiiiiiiiiiiiiiiiik,,inshala kida rabana yad7kak daiman ,,,,woooooooob 3ali ,,,lakin deel naktahom min weeen wajaaaaaaaaa3 bas,,,walai ba7eeeeeeek...wa wasil ya 3asal..

safiiiiiiiii ya bita3 al ba7ar ,,loooolz gasitaaaaaaaaaak ibdaaaaaaaaaaa3333 wa loooooooooooooooooolz@ cherymax
walahi ya jam3a al post da yamkin yakon a7la post gareto lOoOOool
3la al 3imooom take care yall