سيد الكارو ** 1 ** شخصيات النافذة ( بدون زعل)..ا

شخصيات النافذة ( بدون زعل)..ا


===============
seed alcarro
Registered User
Posts: 89
(5/19/03 7:34 am)
Reply شخصيات النافذة ( بدون زعل)..ا
--------------------------------------------------------------------------------
قبل ماابدا الموضوع دا اود اني اوجه تحياتي لي جميع أعضاء النافذة والباب والقراش واقول ليهم –لاتفهمونا غلط- انا حبيت اهزر معاكم بس واليوم حناخذ بعض الشخصيات
بسم الله نبدأ :

يوم من الأيام وانا قاعد فوق الكارو بتاعي وبونس في حمارتي فجأة كدا ومن المارة لقطت كلمة – العولمة - .. حكيت راسي , حكيت راس حمارتي قلبتها يمين قلبتها شمال أصو أبت تقع لي قتا مافي حل غير أخواني في النافذة شديت رحالي ومشيت وأول شخصية لاقيتا كان أخونا سنارك سلمت عليهو..
ياسنارك تحياتي اسمعني والله جاييك في سؤال وداير .... لسة ما تميت كلامي قاطعني
سنارك : مافي طريقة الموضوع حيتحذف يعني حيتحذف شفت الليلة كن البقرة حجت مافي طريقة
سيد الكارو : لا انت فهمتني غلط انا بس داير اسأ..... قاطعني تاااني
سنارك : مافي نقاش الموضوع انا عرضتو على الأعضاء في غرفة الإدارة وحيتحذف يلا خارجنا لسة وراك طابور
لملمت كرامتي وقلت اشوف لي زول تاني يوريني

سقت الكارو ومن بعيد وتحت الشجرة لمحت سواح قاعد بتأمل في الغروب قتا بس ياهو الزول الرايق دا .. قربت منو فأول ماشافني قام عاين لي كدا وقال:
أنا من نظر الأعمى الى أدبي وأسمعت كلماتي من به صمم
سيد الكارو : كلام جميل والله بس حقيقة كنت جاييك ودايرك تجاوبني على السؤا ..... لقيتو ليك ولا جايب خبرى لأنو كان قاعد يبحلق في حمارتي وفجأة قال قولتو المشهورة :
كنت حشيل وردة من الورود الحولين صورتك واقول ليكي سامحني غلطان بعتذر
الحاجة الوحيدة القدرت أقولا ليهو انو الوردة دي اهم شي تكون خالية من الكولسترول عشان حمارتي الأيام دي قايم عليها السكري

اها سقت الكارو بتاعي وفتشك فتشك ايوا ياها البت ديك .. يازول نومت ليك شعري وشكيت العرّاقي ونزلت
"شموس" انت حقو كان سموكي أقمار والله
شموس : لوووووووووووووووووووووووووووووووووووووووووووووووووووووووووووووووووووووووووووووووووووووووووووووول
لول تكعيب ضرب لول اس مالانهاية = مالانهاية لول
انا طبعا اندهشت !! قتا ليها مالك بتضحكي
قالت لي :مبالغة مباااالغة شكلك انت والحمار
ابو الإحرااااج انا والحمارة في مستوى واحد والله راسي بقى عامل زي حلاوة المصاصة
لا لا أنا أخير الم كرامتي المبعثرة واتخارج سريع

اها سقت الكارو ومن بعيد شفت ليك رنويا ماسكة ليها ركن وقاعدة تبكي
"رنويا" انشاءالله خير مالك
رنويا : نورا اهيء اهيء نورا ماتت اهيييييي هييييي
لا حول ولا قوة ال بالله انا لله وانا اليه راجعون الدوام لله وحده ... اها بعد ما واسيتا كدا قمت قتا ليها ياخي انا داير اسالك قالت لي كدي بل سؤال بلا كلام فارغ ارح نلعب لينا لعبة نتخيل لينا قصة مثلا ..قتا ليها جميل بس انت اول جاوبيني على سؤالي وصراح خفت تقاطعني فقمت رميت ليها السؤال طوالي
ما معنى العولمة؟
رنويا : العولمة قامت مشت لي خطيبا الأولاني راجل بت أخو ام ابوها وفجأة ... يلا كمل
سيد الكارو : وفجأة كدا معاك ملح
رنويا : ياخي اتلهي الله يعمل ليك جلحات لي نص راسك العامل زي سرج العجلة دا
"أخ" طبعا ما كنت متخيل منظري بالجلحات والله حمارتي الضحك كان شرطا بقيت افتش في باقي الكرامة الداقة الدلجة .. لميتا وقتا اكيد في زول حيجاوبني

سقت الكارو ومع اللفة كدا لاقيت ليك بوكو وجها لوجه ولسة ماتكلمت قام قال لي:
"احمد الله أني خلقت حرا لا عبدا ورجلا لاامرأة "
سيد الكارو : الله .. مالك داير تجهجهنا وتختنا في فجات ضيقة
انا طبعا لاوزت .. قام قال ان المرأة" حثالة" قوتا ليهو "اي حثالة نصري بعرفا " طبعا بحاول الطف الموقف وهو مصر يوقعنا في مطب في النهاية قوتا ليهو "أسمع الزهراء جات " بس زي ابليس لمن تقول ليهو اعوذ بالله من الشيطان الرجيم الزول محل ما طفش انا ماعرفتا

دورت الكارو بتاعي وفتشك فتشك لاقيت ليك سمحة خاتا ليها -وكمان- وبتسمع فيهو قتا بس... البسمعو ديل ياهم البجاوبو
"السلام يالسمحين " وتعال شوف السمعتو
Yow yow yow wazzup playa “"
قتا ليها " كدي دقيقة يا اخت" وقبل ما اتم لقيت ليك في مداخلة من - تشيري ماكس-
“Heeeey wuzzup baby”
سيد الكارو: بي بي؟ اتاري البت طلعت شافعة وانا الكتا داير اسالا عن العولمة واللاي دي كان قالت لي حليمة ولدت

لقيت ليك كركور جاي ناحيتي ولابس ليهو كدا بدلة ضابط قتا كدي اهزر معا وباعدين اسألو عشان ما يقطعا معاي ماسخة
"ولد يا ضابط اتا لكين عجيب واللاي" عاين لي وعاين لي هدومو وقف شوية يفكر بعدين قام قال لي :
"عليك الله الساكن معاي دا ما حيوان" قتا ليهو " لي بس كدا" قال لي:
"قتا ليهو يصحيني قام صحى الضابط " طبعا انا طوالي عملتا خلف در وقتا انا ما محتاج لي مساطيل اسة

اها شفت ليك هشام واقف تاكي ليهو على عمود وهاك الجنصصة دي الطاقية والنضارة ثم السجارة مشيت ليهو
"ويين ياراجل ياحبيبنا ياخي عندي ليك سؤال كدا بس ممكن توريني ليهو" قال لي:
"ام اوت" قتا ليهو "مافهمتا" قال لي :
"ام اوت وماتكتر كلام عشان ما افجخ ليك راسك " حرقني ليك الكلام قتا ليهو "اسسسمع اتا قايل روحك منو" وكانت دي دقستي ..
لقيتو ليك ماسكني من يديني وكرعيني زي الخروف الدايرين يضبحو و .. فننننننننننننن لقيت روحي بغني " ياطير يا طاير "

يازول قمت نفضتا هدومي وبقيت افتش لي في باقي كرامة مالقيت قتا يازول بعد دا كفا انا أمشي لي حمارتي دي اسألا يمكن القى لي جواب او انشالله ظرف
ركبت الكارو بتاعي وقتا لي حمارتي انت العولمة يعني شنو ؟
وبعد يومين في المستشفى صحيت وفي ضهري طبعة تزكارية لي حوافر حمارية
سقت الكارو بتاعي وبقيت مرقد للحمار ..


اها يا جماعة في النهاية العفو والعافية ومافي زعل انشالله والكلام دا كلو بي طيب نية واتمنى ليكم جميعا التوفيق واذا في كاسوري كلموني عشان الواحد يختفي ليهو اسبوعين كدا

أخوكم سيد الكارو



Hushaam
Registered User
Posts: 249
(5/19/03 9:24 am)
Reply Aleela sheel shailtak ya Seed Alcarro
--------------------------------------------------------------------------------
LOOOOL walhi ya man balagta....inta zatak al bi'7leek taji tas2alni sheno ma shieefni mutakil 3ala 3amood o mura6ib sheno al bi'7leek ta'7rib lai mazaji o tas2alni 3a 3awlama o kalam fadii?? o bilmunsaba karamtak al waga3at minnak lama kasartak da aha di fi yadi kan rajil ta3al sheela...o tani mara lama agool laik im out ma3nha im out o bilmunasaba di Im out.....taslm ya 7abeeb

peace and Afro Grease

ranoya
Moderator
Posts: 587
(5/19/03 10:02 am)
Reply
Re: Aleela sheel shailtak ya Seed Alcarro
--------------------------------------------------------------------------------
looooooooooool@seed alcarro
wallai '3ayto da7aktana lakin kan tamshi lai o'7otna wilee di. bit fahma kan 7atlaflifak al sudan kolo 3shan tagaweb 3ala so2alak. b3dein shakela kida mn baladiyatkom. y3ni bea 7umarata o kida.

hamsatt shoog
Moderator
Posts: 223
(5/19/03 8:27 pm)
Reply Re: شخصيات النافذة ( بدون زعل)..ا
--------------------------------------------------------------------------------
والله ياسيد الكارو عندك ملكة بتاعت تأليف كدا مبالغة
ياخى لازم تكون بتكتب سيناريوهات لناس المسلسلات
دى موهبة والله جد جد
الله يديك العافية ويديك رقشة بدل الكارو دى
قول آمييييييييييييييييييييييييييييييين

Sam7a
Moderator
Posts: 671
(5/19/03 9:53 pm)
Reply
ezSupporter
loooooooooooooolZ
--------------------------------------------------------------------------------
bdw husham i just got that wurd! looool i'm outZ looooooooooooooooooooool lakin ya seeeeed alkarooo ibda3333333 alfeeeeeeeeeeeeeeeeeeeeeeeeeeeeeeeeeeeeeeeen kida le bokra... keef keef tani?? heheheeee loooooooooooooooooooooooooooooooooool wallahi u r mobdi3 keef kida! lakin akter hita ana dahaktni hagat sanarik wa husha wa shery ma'3s mam
looooooooooooooool
b3deeen loool yo yo yo wuzup nigga
bdw al3awolama heya eeh?

Cherymax
Registered User
Posts: 118
(5/20/03 12:44 am)
Reply RE: looooooooooool
--------------------------------------------------------------------------------
looolz maaaaaaan wallahy bala3ta enta wo 7omarak ebdaa3 ya man .. lakin dayer as2lak sw2al ... 7omarak da et3allam altngleezi da ween ?? lanno shayfo lamma sam7a galat wazzup he replied heeey sajamooza how ya doing baby missin ya alot .. shaklahom kida fe 3elaga 7meema binatom .. lolz


OuUt

almasafaa
Registered User
Posts: 139
(5/20/03 3:45 am)
Reply looooooooooooool tany
--------------------------------------------------------------------------------
wlaheee y man ebdaa3 b alkraa3 gnb alzeer alfehoo naga3..... naga3 dee asaloo mnhaa ranoya
y man inta n hna wla mn z7l ... lakeen y seedalkaro deee adahaa leek mnoo ... gwyaaa wlahee
tanf3 btaa3 karoo


y wagfaa been l7zet wjoodk w al'3yab

Karkor
Registered User
Posts: 177
(5/20/03 6:13 am)
Reply
Re: waaaaaaaaaaaaaaaaai
--------------------------------------------------------------------------------
walahi ya man mubalaa'3a wa 3ala goolna ne7n al masa6eeil mubala3aaaaaaaaaaaaaaa

btw alzool da fe3lan ma 9a7ani ana 9a7a al'9abee'9 za3alni shadeeeeeeeeeeed

Kaaaaaaaaa3kooooooooooooooooor mr 9atlaa



shimooos
Registered User
Posts: 111
(5/20/03 9:27 am)
Reply WAAAAAAAAAA3
--------------------------------------------------------------------------------
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL TARBEEEE3 ya seeed al caro...............

Agol lek shino 3ad ma khalet shi....llllllllllllllllllllllllllooooooollllllllllllllllllllll

seed alcarro
Registered User
Posts: 90
(5/20/03 10:28 am)
Reply أدوني الأمان ياخوانا
--------------------------------------------------------------------------------
هشام:
حساباتنا دي مافي داعي نصفيها قدام الناس ... ما من مصلحتك .. انا كن قمت اتجوعلتا واللللللاااي ......................... حمارتي دي بترفسك
أديني كرامتي وكن ما داير ما مشكلة انا متأكد انو في حل سلمي

شكرا على الرد والأماان

رنويا:
انشاالله بس نفسياتك تكون اتصلحت اسا وبعدين تعالي ويلي شنو المن بلدياتي معقولة تكون بتتشلت وتتخبت زيي نحن شغلتنا دي صعبة غايتو كن الواحد كاس ليهو لي سياحة في السودان بسألا من العولمة
تسلمي يا رنويا

همسة شوق :
الله يديكي العافية ويسكنك الصافية العمارة الناصية ويبعد منك اولاد الحرام ويخت ليكي ود الحلال اليهنيكي ويستتك عفش في شنطتو ويلف بيكي الدنيا العوجة دي غايتو الله يسمع منك ويديني الرقشة مع اني ماظن انو الحمارة ترضى بالمعاش واحتمال كبير تعمل لي عمل
الشكر الجزيل يا همسة شوق

سمحة:
يا بت نصيحتي ليكي سؤال عن العولمة ما تسألي ولو بالهزار الناس هنا مابترحم والشلاليت مابتجلي اسأليني .... اسمعي الوكمان أخير ليكي
تشكري يا سمحة

تشيري مغس قصدي ماكس ياخي سمحة دي لخبتتني
قتا لي حمارتي قالت الكلام دا بلتنجليزي وانا اقووول الأيام دي كبكبة شدييدة وتلاقي الحمار من بدري يمشي ينوم ونظام مابسمع الا أم كلثوم
لكين المداخلة بتاعت بي بي دي انا كتا قايلة منك اتا ما من الحمار
الله يديك العافية

المسافة:
كلامك حكم واللاي لكين لي تقول لي انتا من هنا ولا من زحل اتا ما عارف انو انا من الواطة بني آدم زيي زيك وبعدين اسة في زول بقدر يعيش في زحل ؟ - معليش سيد الكارو معقد شوية وحساس-
يلا يالمسافة متخلي مسافة بينا وبينك
بالمناسبة يا رنويا انتي نقع القالا مسافة دي شنو ؟!

كركور:
اها اتصلحتا ولا لسة يعني اقدر اقدر اخد ودي معاك ولا المرة دي حتقول لي انا ما من هنا
شكرا ليك يا سطلة

شموس:
واللاي انا اسة قاعد اشحم في رقبتي من كترت ما لفيتة وخايف اسألك بتضحكي لي عشان المرة يمكن تقولي لي السايقك منو
شكرا ليك يا أقمار


Edited by: seed alcarro at: 5/20/03 8:38:10 am

Hushaam
Registered User
Posts: 251
(5/20/03 10:48 am)
Reply Re: شخصيات النافذة ( بدون زعل)..ا
--------------------------------------------------------------------------------
Aha hak karamtak di ya seed al carro '7awaftani
Im out

seed alcarro
Registered User
Posts: 93
(5/20/03 7:57 pm)
Reply ma momkin
--------------------------------------------------------------------------------
husham there is no need to be scared inta alka3ab wo seed alka3ab

Sawaah
Registered User
Posts: 112
(5/21/03 7:13 am)
Reply تسلم يا رائئع
--------------------------------------------------------------------------------
تسلم سيدنا سيد الكارو على الكلام الرائع ده وأنا من ليك مشتل ورود تربطو بين الكفرات الخلفية لاكارو - وتكب تحتو
في كل روض وردة وفراشة يذكي غرامها الجوى
كم يعصف الشوق الدفين بمهجتي بعد النوى والصد والآلامي

واوعك من كتابة شينة وعاجباني

والله إنت فنان بحق وحقيقة تنساب المعاني الرائعية بين احرفك نبعاً صافياً يزكي النفوس ويغسل ما علق بها من غبار الغربة

واصصصصصل ولك الأمان

Sam7a
Moderator
Posts: 672
(5/21/03 1:11 pm)
Reply
ezSupporter

Re: تسلم يا رائئع
--------------------------------------------------------------------------------
looooooooooooooooooooooooool...shery m'3s mam lakinaak taftehaaaaaaaaaaaaaaaaaaaaaaa looooooooooooooooooooooooool
3ilga hameema gota kadi? loooooooool
seed alraksha ops i mean alkaroo gota kida ahsan leya al walkman da? samih bs 3aleek Allah inta min ween?? looool la2nak tohfaaaaaaa alf kida
husham ya man heheh karama le Allah di wala shino
wad3nakom Allah warasolo kadi yaumma.. *Te amo*

seed alcarro
Registered User
Posts: 96
(5/21/03 8:03 pm)
Reply ..
--------------------------------------------------------------------------------
الأستاذ الكبير سواح :
اشكرك بحرارة على بوكيه الورد رغم انو الحمارة عيد ميلادا الشهر الجاي حقيقة انا فعلا كتا عاوز اعبر ليك عن روعة الكلام النتا كتبتو لكين سمحة قاعدا لينا هنا زي العمل الرضي فما حتريحنا لكين عشانك الورد دا حعلقو بي كولسترولو
الله يديك العافية

سمحة:
سمحة واللاي انتي شكلك دايرا تجيبي لينا الهوا .. ياخي في مواضيع حساسة ومافيها لعب .. اسة حمارتي دي كن شمت خبر ساي انشالله كن اشاعة اني بقيت سيد الرقشة ياهو اللقيتيني أنا الجاري الكارو دا .. فما ممكن تكوني عدوانية كدا
بالمناسبة انا من بلادا الله رادا
شكرا