اندسي جاي
--------------------------------------------------------------------------------
اندسي ما بين المسام
او حتى بينات الضلوع
اتلاشي في وسط العروق
اوعاكي تشتاقي الرجوع
اشتاقي لي جواك انا
تلقيني بيك تامي الخشوع
وسادي بيك عصب الوله
متوسدك قبل الركوع
اتباها بيك جواي فرح
يا ستي واتناسى الدموع
اندسي جاي
اندسي ما بيني وانا
واتلاشي جواي الهفيف
وانشري يا كل المنى
زي موجه تتلقى الرصيف
بي لهفة تحضن ضفتو
جواها يصيح كلو قيف
يا قيفي من قبل النزوح
وريني اتلقاكي كيف؟
كيقن احسك في المسام
او حتى في نفسك اقيف؟
وتكوني يا غيم الولف
اشواقي والفرح النضيف
واندسي جاي
اندسي في كل الخلايا
وفرهدي.. وابقي الندى
واتماشي بينات الحواس
امكن الاقيكي الصدى
او ضحكة عشقت ضحكتك
وبسيمة تتحدى المدى
تلقيني بيك طايل السماء
قبال سماك يطوي النداء
لي زول بفتش روحو فيك
بمحنة غالبو يهدهده
بي شوقو فتّر ضي عيون
سطوة غيابك سهده
اندسي جاي
عبدالله وداعه الامين
لندن 2005-06-25
------------
http://www.al-nafitha.com/vb/showthread.php?t=353
Subscribe to:
Post Comments (Atom)
No comments:
Post a Comment