بتحدى ..
--------------------------------------------------------------------------------
لو بتفكر يوم أنساك وأنسى حنانك ..
عيش أوهـامـك
أنا فى ريدك
شعب أتحدى الظلم ورافض
سوط جلادك
جاية أتحدى الخوف المنـك
ورافـضة عذابك
علّى أسوارك
زيد حراسك
واصلة .. وواصلة
داخلة وسندى الروح الفاتت
لابسة الذكرى وآجمل ماضى
شايلة حنانك
ولو بتفكر يوم تنسانى
عيش اوهامك
أنا فى ريدك مما قمتا
شايلة غرامك
ماهزتنى عواصف فرقة
أتحديت أقفال بيبانك
كنت معاى فى النبضة الفاتت
وفوتا وشلت معاك القدرة
وماهمــاك
أضوق نيرانك
ولو بتفكر يوم ما آحلم بجـياتك
عيــش أوهـامـك
أنا داخلاك فى الشهقة الجاية
ومابوقفنى .. جليد احساسك
أوعاك تقفل باب أنفاسك
انا جاياك مع أول فكرة
بدخل وامرق مع همساتك
ولـــو بـتــفكر
كمل الصبر الباقى معايا
عيش أوهامــك
أنا بتنفس صبرى دوايا
بقيف جواك النخلة الشامخة
وأفوت الجبل العاتى مهابة
وأبقى الشمس الشاقة الظلمة
وأبقى حنانك
جاية أتحدى الآلم المنك ومن طغيانك
ولو بتفكر يوم تنسانى
عيـش أوهامك ..
هند محمد
02-17-2008,
---------------
http://www.al-nafitha.com/vb/showthread.php?t=6406
Subscribe to:
Post Comments (Atom)
No comments:
Post a Comment