الشاعرة وطنية -8- ماأصلو السكة مرهونة صبر

ماأصلو السكة مرهونة صبر !

--------------------------------------------------------------------------------
يوم جيت أسالمك صادفنى ضي إنتباهتك

للمواعيد المعلقة لسَّه فى كلمة وفا

للكلام الكم تأكَّد ..وإنتفى

للبعيد القال بيرجع وإتوارى فى بطن الجفا

للغناوي وكيف بنحضن فى المعانى

نديها لحن الشوق مدوزَّن بى نغيمات الدفا

وزي..صادفنى خوفك

فى إرتعاشات الأصابع

إتدسَّا فى كفَّك ..إتلبَّس الخط الخفا

إلا بتطابق خطوطى

لحظة تسالمك ..بتطمِّنك..

أشواقى ..ريدك بعرِفا

مابتقسى يوم ..تداري المعرفة

بس قبل ماتبعد إيدينا

الكم تلاقت

وإشتكت

وصاغت حكاوي

من الغزل

ودايماً حنينك بِجرِفا

وقبل ماتبعد عينيك

الخدِّرت أطرافى مرَّة

ولسَّه منتظرة الشِفا

عينيك ..الماقِدِر وجع الزمن يوم إكسرا

رغم إنو لسَّه بصادِفا

إيدي بتعاهدك تبدِّل فكرة (الصدق إختفى )

وأمهلنى بس أرقِي هواكا لهفة

إذاماأعلنَ الشوق الفتر

أتعبوا المشوار خلاص لبس الحفا

قوليهو..

ماأصلو السكة مرهونة صبر

وشريانى القبيل لولا إرتطام شهقاتو بيك

ماعِرِف معنى الصفا

---------
2006
===============
http://www.al-nafitha.com/vb/showthread.php?t=4541