جايه منك
-------------------------
جايه منك وساكنه فيك
تايهه جواك لى سنين
نايم السكون جوه العيون
رويانه من شريان حنين
كل الخطاوى الماشه ليك
إتمدد دريبا فى كل حين
كل ماتمد إيديها تقول خلاص
تحضن سراب تصرخ أنين
تغمض عيون تسرح تقول
طيفك يزور يعبر دحين
تذداد عناد تذداد جنون
يالحتى بى طيفك ضنين
والزكرى جواى تعصف تثور
تكسر أسوار يهرب سجين
بس وين الهروب من العيون
السنن سهامن ووجهن
وكيف الهروب من الهوى
الضيع عقولنا وودرن
نبعد بعيد يازول محال
ملامحك فى قلوبنا إتوهطن
وكيف الهروب من القدر
أيامى بيك إتسطرن
بترجى أطيافك تحن
لو بس رهاب فى عين يمر
أو حتى سحابه عابره
تخلق ضليل فى هجير يسر
أو نغم من وترو تايه
كلماتى ليو بسراع تفر
أعمل مابدالك من ذنوب
مغفوره ليك قبال تتم
وكتر دلالك ذيد وذيد
ماهو الدلال فيك إترسم
حتى القليب مقفول عليك
أصلو العشق بيك إتختم
2005
----------
http://www.al-nafitha.com/vb/showthread.php?t=575
Subscribe to:
Post Comments (Atom)
No comments:
Post a Comment