الزبير باشا - 18- ماذا تتمني لو جاتك ليلة القدر

ماذا تتمني لو جاتك ليلة القدر

--------------------------------------------------------------------------------
كما هو معلوم فإن: .
( ليلة القدر خير من ألف شهر تنزل الملائكة والروح فيها بإذن ربهم من كل أمر سلام هي حتى مطلع الفجر)..
كما جاء فى محكم تنزيل المولي عز وجل ..


لعل كل منكم يحفظ " عن ظهر قلب " !!
تلك "الطـُرفة " التى ظلت تلامس أسماعنا
منذ أن كنا " شـُفعاً / يـُفعاً " ..
وهي:

(( أنو في واحد جاتو ليلة القدر .. ومن هو " الخـُلعة " والإستعجال .. عايز يقول: يا رب بقر بلا حبال ..
قام قال: يا رب حبال بلا بقر ... ولامن صحي الصباح .. لقى الحوش بتاع بيتو مليء بالأوتاد مربوط عليها كمية مهولة من الحبال ))..



ونحن نستشرف النصف الأخير من رمضان..

وعلى " فرضية تلك الطرف" أو " الأحاجي ..

لو جاتك " ليلة القدر "!!
بتقول ليها
(عايز شنو)؟!!


ماذا تتمني / وبماذا تدعو ؟!!




أنا "شخسياً " كدي النكتب حاجاتى/ ومتطلباتي
في ورقة وأجيكم !!



يلا: نسمع منكم
" بكل أريحية وشفافية " ..


=================


يا جماعة !!

تتذكروا لمن: " أشعب قال لي ولدوا في اللفة الجاية في ناس عندهم عزومة .. ولمن ولدوا عمل شتات بإتجاه العزومة قام أشعب لحقو وقال إحتمال كلاموا يطلع صحي؟ !!!




يلا تعالوا وخلوا " الزُهــد " ده ..
وأكتبو باقي الأماني " السندسية " بتاعتكم ..

ما معروف ..

" يمكن البوست دا يصادف لحظة إستجابة " ..
بجيكم صادي
بكل أريحية ..
وشفافية ..

" إنتو عايزين الواحد يجيكم وقت الفطور "

===========================

اقتباس
المشاركة الأصلية كتبت بواسطة sanaric




ههههههههههههههههههههههههه


طلباتي

1- فيلا في الاماكن التالية
أ- سوكمفيت
ب- ساموي
ج- بوكيت

2- عروس ولا اقول ليك 4 ( واحدة سودانية - واحدة تايلاندية - واحدة حبشية - واحدة سيشيلية )
3- مبلغ 100 مليون دولار
4- حجة وزوغة

العاجبني في دعواتك دي !!


" تعدد الزوجات " !!


" وجنسياتهن " !!!

وأزيد ليك " دعوة من عندي " وأقول:


إن شاء الله كلهن يطلعن من " فصيلة " :

" الـــودود .. الولود " !!


=========================

س
المشاركة الأصلية كتبت بواسطة dawoud2005





أتمنى في ليلة القدر الصحة والعافية والمغفرة من الذنوب . ما حأطلب دولارات لأنو الدولار نازل .. وبس ..

ما مشكلة !!!

بما أنو " الدونار " نازل ..
تقوم تغيــّر الدعوة لـ " سلة عملات " :


يورو ..
يــــن ..
يــوان ..
فرنـــك..
قـِلـــــدر ..
وأسترليني ..

And NO Sudanese Pound

============================

اقتباس
المشاركة الأصلية كتبت بواسطة gilany




ازور ام قلل مع الزبير باشا وبي صحبتي...م... وبي صحبته .......

جيلاني عقد النية على " أم قـُلـّة " ..
ولسان حاله يقول:

كان الكريم سهــّــل ..
قوم يا "الزبير " نرحل ..


نركب فوق " بكـُسي " ..
جديد ولو " مهلهل " ..

تصميم مكنتو ..
" كطرازِن الأول" ..
(ما عايزين مكنة معارضة) ..


تنكيهو مزبـّط ..
وملان من شركة " شل " !!


Good Year
لساتكو ..
في الرملة ما بتوحل ..

سواقو قديراً ..
ومهندساً أكمل ..

خابر سلوكو ..
شغل الربط والحل ..


نطوف ..
ونحــج ..

وفي المشعر الحرام ندعو:
اللهم إنا نعوذ بك من عيون الحسس ..
ونستعيذ بك بأن لا يصيب عقولنا منهن " مسس " ..




ربنا يوعدنا يا شيخ العرب



========================================

اس
المشاركة الأصلية كتبت بواسطة مهيره



سلامات ... وشوق ... جيلاني .

وربنا احقق الاماني ... لكن انا نفسي ازور ام در اول .






يعني لكن " البارونة مهيرة " ..
بالغت جنس " بوليغة " ..

نقول ليها: إحتمال ليلة القدر تجي مارة بي هنا ..
شوفوها قالت نفسها في شنو ..

بس ياها زاتا حكاية الزول:


المات في مكة ..
ولقوهو موصي:


" يدفنوهو في أم بدة " !!



( بعد عمر طويل إن شاء الله ) ...



=========================================

لمشاركة الأصلية كتبت بواسطة um Bashar






العزيزة ريم مروي اتمنت زوج زي مهند بقول ليها ما تنسي تطلبي الترجمة الفورية ويا ريمون نحنا فاتت علينا لكن يا رب نحظى في الآخرة بالحور العين ) متمثلاً في شريك الدنيا يعني يالزبير ، بشار بي نيو لوك جديد وبالذات الصلعة وعلى فكرة بشار بيكون ما عنده خيار (سيك ...........فيك ) قول لي صاحبك لو عنده اعتراض يتقدم بي طلب قبل ما تجي (ليلة القدر )








إنتا " بالذت " خليني:

أعاين فيك وإضحك !!
وأمشي وأجيك راجع



=====================

المشاركة الأصلية كتبت بواسطة وطنية




سلامات، صباحكم خير،

مغفرة ورحمة لوالديّ ولكل أحبابي ولي،
يجمعني وكل احبابي في جنان الخلد،

ده غايتو كان ركزت ساعتا






وبس ؟!!

هسـّة رقبتك العاملة زي رقبة " نفر تيتـي " دي !!
مش عايزة ليها شوية " حــُلى " ؟!!

" دهب عيار 21 " !!
(ما تكونى بس عايزة ليك " ميـج 21 " ) !!

و " كرسي جابر " !!
وحلاة القعدة فوقو!!




الفيلا !!
كم طابق كدا ما عارف !!
" أم حوض سباحة في السطوح " !!

والعربية الفارهة لـ " إبن النفيس " !!
والفارهة " مع السواق " البتودي ناس " حامد/مريا" للمدرسة ..

أها ؟!!
أنعشتا ذاكرتك تتمي الباقي براك ؟!!


مع معروف " الزولة دي " يمكن تجي مارة بي هنا ..
الـ " ليلي " !


=================


--------------------------------------------------------------------------------
اقتباس
المشاركة الأصلية كتبت بواسطة reem Marawi




نسيت اقول امنية تانية عاوزة عريس زى مهند شكلا ومضمونا ياااااااااى بعقد








ريم بت مروي ..

تقول ليك " ليلة القدر " :


إن بــُحتي ..
وإندحتى " وحسن إندياحك " !!

زوجناك الزبير باشا " إن قبل " !!
وهو من " خيرة نافذابنا " ..




و " بشبه مهنــّـد " !!

=================================


المشاركة الأصلية كتبت بواسطة um Bashar




امنيتي يا الزبير ...العافية والسلامة والقبول في الدنيا والآخرة
تمام صحتي وعافيتي ، وصحة والدتي واهلي واحبائي وصلاح ابنائي وتوفيقهم و(ابوهم كمان )

العزيزة ريم مروي اتمنت زوج زي مهند بقول ليها ما تنسي تطلبي الترجمة الفورية ويا ريمون نحنا فاتت علينا لكن يا رب نحظى في الآخرة بالحور العين ) متمثلاً في شريك الدنيا يعني يالزبير ، بشار بي نيو لوك جديد وبالذات الصلعة وعلى فكرة بشار بيكون ما عنده خيار (سيك ...........فيك ) قول لي صاحبك لو عنده اعتراض يتقدم بي طلب قبل ما تجي (ليلة القدر )

امنية أخرى ..ابو بشار يشوفني احلى من مذيعة قناة الجزيرة ديك (......) ويشوفها



امنية أخرى بيوت زي بيوت (سنارك ) وخمسين مليون دولار نصها اخليه احتياطي والنص التاني ادخل بيه السوق نظام استثمار يعني ممكن انزل اسطول بصات سياحية حديثة اساعد بيها اهلي الاوضاعهم ما مستقرة ...او ابني ليهم بيوت جميلة ...ولهم الخيار ....امنية سنارك الفي النص ديك ما بتلزمنا .


امنية اخيرة أن ينصلح حال بلدنا وتعد من مصاف الدول الراقية المستقرة .






أم بشار
أمنيتك على ما أعتقد " متكاملة " ..

بس ناقصة شوية حاجات " على ما أظن " ..

زي الكردان ..
وأنصاص ..
و ختم و " لازُردي " !!

والثعابين " لليدين " ..
( وبما انو الحكاية من ليلة القدر
ممكن تطلبيهم بحجم " الأصلـة " )..



ودي شوية حاجات من أخوك " عشان تنعش ذاكرتك " ..
وتلحقي تكملي الدعوة قبل ما " ليلى " تجي ..

ولغاية ما نشوف " صاحب الميزاب " ..
يجي يقول شنو ؟!!



ـــــــ

" قلتي المذيعة إسمها منو؟!!؟

تخريمة:
قال ليك يا أم بشار ( والعهدة على الراوي) :
العقيد/ رئيس جارة بلادي الشمالية الغربية ..
" وهذا دون أدني مسئولية منى تجاه النافذة أو النافذة تجاهي"
(يقوم الزول "الجنريتر" دا يجي " ينـدرع " فيني كمان)


قالوا هو مكسّر في
" خديجة بن قنة " ..
مرة في إحدي اللقاءات قال ليهم:

الجزيرة !!
شو فيهم ناس الجزيرة !!

كل نشرات الأخبار ..
خديحة بن قنة ..

متعبنها ..

متعبنها ..
شو ؟؟ مافي مذيعة تاني؟!!!

====================

http://www.al-nafitha.com/vb/showthread.php?t=6990