تسمح ؟؟
--------------------------------------------------------------------------------
ياما كتير حاولتا أدسَّك
إفضحني الشوق ياسيدي أمامك
أداري البيَّ من ريدك ..
تجي متلحِّف ..إنتا ...حنانك
تتوه أعذاري البينا
وأجيك ملهوف وأنا مشتاقك
تعرف إنك قادر ..
تخلِّي الروح تلمس إحساسك
وإنك جوَّة بتكبر
تدِّي الكلمة ..طهر ..مقاسك
تسمح ..إنتا نريدك ..
بقدر الفينا بحسك
تسمح ..إحنا نعيشك ..
ونفضل برضو نحبك
لأنك باقي الخير
الإتشرَّا حنينو فــ طبعك
وإنتا الفكرة ألأنقى..
المافي ظنون بتهزك..
تسمح ..تاني نريدك ..
تسمح إحنا ..نحبك ؟؟
2007
===========
http://www.al-nafitha.com/vb/showthread.php?t=4751
Sunday, March 29, 2009
Subscribe to:
Post Comments (Atom)
No comments:
Post a Comment