الزبير باشا - 1- أقوال الصحف والمجلات

تمتاز كتابات الزبير باشا بروح المرح والفكاهة وهي تتناول شتى الموضوعات الاجتماعية والاقتصادية في قالب ، يخلط فيه بين الماضي والحاضر والجد والهزل ، ويعتمد المفارقة ، والتضاد ، وربط الأحداث ببعضها بخيط لا يتبينه الا من أوتي قدرة كبيرة على فهم الأحداث ،
والزبير باشا يكتب ارتجالا فلا يكتب مسودة ثم يعود فينقحها ولكنه يكتب عفو الخاطر وما يعن له في لحظة الكتابة فيرسل ما يكتب طازجا وطريفا.
ننشر هنا بعض ما كتب في منتدى النافذة

----------


أقوال الصحف والمجلات

--------------------------------------------------------------------------------

نظرت في صحيفة ومجلة لبضع دقائق .. فلفت إنتباهي العناوين التالية .. والتى أضفت لها عناوين من عندي .. تعالوا نشوف الحاصل فيها شنو؟

قهوة الزهرا
تناول أكثر من فجان قهوة واحد يوميا مؤذي ..
وما ذا عن كأس من الـ
John_walker
أو الموسيقار المبدع
Bag_Piper


بُـــح .. تودد
سيلو سميث وايفا أخصائي يعلم الرجال كيفية التودد الي النساء
بختك يا الكلاكلة_صنقعت .. سف تودد .. في الفؤاد تعضد
(باح .. ساح .. داخ .. وطااااااااااخ .. إنضرب بالشبشب)


Human Nuclear
الممثلة/ ياسمين عبد العزيز .. أحب الإداوار التى (تفجر) طاقاتي
ما عندك لينا مشهد قرب مفاعل ديمونة

متوحشة .. ألمانية .. عائلية .. من بنات الجيل الخامس
(طبعا دا تقديم لسيارة بي أم دبليو... أنا برضو لمن قريت العنوان إفتكرتا إنها من النازيات الجدد)

مجلة لبنانية
العنوان: العلاج بالفول السوداني من داء السل
نص الخبر: أثبتت التجارب الحديثة فعالية مادة كيميائية طبيعية موجودة في الفول السوداني
(حاجة تثلج الصدر .. ومفرحة .. هكذا يقول حال (لسان) المزمار)
طيب .. الفاقع مرارتك شنو؟ .. أوكي أسمع تكلمة الجملة ..
أو ما يسمي بـ (فستق العبيد) .. ـ أي الفول السوداني ـ
الخلاصة: فستقنا .. ولا بُـندق الشوام

شنو الذكاء النازل علي أُم _ ريكا
وشم ذكي لمساعدة مرضي السكري ..
طور علماء أمريكيون (وشماً ذكيا) يبين لمرضي السكري مستوي الفلكلور في الدم
(أسلحة ذكية .. وشم ذكي ..)
طبعا هنا حتكون الواشمة قُـنقليسة_رايس .. والمستوشم
هو الــــــ
Donkey_shot
ماعارف ليه كل ما أشوف كوندليزا_رايس .. إتذكر ستات الفول في شارع الجمهورية.

مزاجهن .. ومزيجنا
النساء يملكن (مزيجا جينياا) أعقد من مزيج الرجال
لا .. لا .. أكيد هناك أخطاء مطبيعة
إذن الصحيح .. النساء يملكن (مزاجا جنيا) أكثر من مزاج الرجال.
أعمل حسابك .. يا بوكو.

السمنة قد تقلص متوسط العمر في أمريكا
إلهي يا الأمــر_كان .. أضعف واحد فيكم يكون قدر .. نيكيتا_كولوف
أخوي الرباطابي_أون_لاين
أبعد من الكنتاكي .. والنقانق .. والبتيزا .. والبطاطس المقلي
(براك وحيد .. ومشيحيد)
أخوك الزبير رسل ليك الويكة .. والكسرة الناشقة .. تعطنا في الموية
ولا تغلّط عليك .. ولا توسخ إيديك

أب عيون خُــدر
سفير بريطاني .. في السعودية .. يشرب حليب الإبل .. ويحب مناداته بأبو هنري
عُــقبال العُـقال .. وشرب (لبن الطير المعلّب)
يا طويل العمر .. أب عيوناً خُـــدر

صحة العاذبات أفضل من المتزوجات
أن شخصياً ما عايز أعلّق علي الحتة دي .. لأنو حألقي نفسى في موقف أتعس من موقف سلمان رشدي .. والعطشان ود العوكلي.

وزير سوداني: ثلاثة ملايين فرصة عمل للمصريين بالسودان
أحّا يا أولاد .. يبئــى آآبلوني
في المشمش .. آل وظيفة آل

" بيل جيتس"
أخترع العلماء الأمريكيون حبة تدعم الدماغ كيميائياً ..
للسن أحكام .. يا أبناء سام
والله حتي لو جبتو " بيل جيتس " وغيّر الـ
Ram
وعمل للزول
Upgrade
لغاية ما يبقي " بانتيوم فور " .. برضو مافي فايدة

عالمة
الراقصة الإستعراضية دينا ألقت محاضرات هامة جدا حول فنون هز الوسط والصدر والأرداف.
(عالمة مصرية) .. تدخل الرقص (العولمة) .. حفيدة تحتمس ومنقرع .. في علم القـفا_يولوجي ..

حنجرتك تؤلمك .. إذن اليود ناقص في جسدك
بسيطة .. بوريك طبك أحسن في من عاداك .. ومن يحبك .. أذكر إلهك يـود

يقتل صديقه
قتل فني تحاليل بمحافظة سوهاج صديقه طعناً بالكسين بسبب خلاف في زجاجة كوكا كولا
عفارم عليك يا هريدي .. كتلتو بدك (تتبوأ) ي الزجاجة وتفحص .. ولا إيه ياخويا؟

يجبر زوجته علي تعاطي المخدرات
أجبر مدمن مخدرات بخميس مشيط زوجته علي تعاطي المخدرات
قدر أخف من قدر .. أحمدي الله الجات علي كدة .. وجري علي بيت أبوك
ديل لمن يتعاطوا بيطلبوا منكم حاجات عجيبة .. (أسألوا سواح لمزيد من التفاصيل بشأن هذه الطلبات .. دون أدني مسئولية علي الزبير باشا).

سينما سينما
دنقلا العجوز .. فيلم وثائقي من انتاج النور الكارس
عقبال ما نشو فيلم عن (محلية شمبوب) شرقي كسلا

شيريهان
تبرعت الممثلة شيريهان بنصف مليون جنيه لمرضي السرطان
إستني ياختي ..
دي قيمة كريم (ديانا) لجضمك المصاب

في انتظار تبرعك بقيمة الكريم للجضم التاني .. وكامل قيمة (بهارات) الوجه الأخري .. وما عايزين نتكلم عن الفوزاير
قلنا ليكم جربو الكريما في الركبة قبل الوش .. دايرين تتطلعونا من النافذة

تب_في_عنان
كوفي عنان سعي الي وضع قادة العالم أمام مسئولياتهم
ونسيت فضحية ( النُــقط .. مقابل الإيذاء)

يا (حواء_الطقطاقة) ... بتاعة الـ يو إن
شووباش .. مليارات ... وأبشر أي بوش_بش

ولا العجائز حتي
الأمريكيون الشباب لا يقرأون الكتب
ولا بيقروا أي حاجة .. ولا حتي يافطة البار
هم فاضين من تعاطي المرقو_وأنا

ترجمة
ماذا سيترجم العراقيون من أدبهم الي الإنجليزية؟
وماذا سيترجمون من قلة_أدب الإنجليز والأمريكان.. الي العربية

الناس في شنو يا درويش؟
محمود درويش .. من حق الفلسطيني الكتابة عن الحب
أين؟ .. علي (الحزام) .. أم علي (القسّـام).


أسرار فن الإتصال .. لاري كنج
كيف تتحدث الي أي شخص .. في أي وقت .. وأي مكان؟
كويسة .. تنفع دعاية لسوداتل
بدل الزول الراكب (الجمل) .. في دعايتكم ديك


---------
05-26-2005

http://www.al-nafitha.com/vb/showthread.php?t=308