الزبير باشا - 22- أنا والنعامة

أنا والنعامة !!

--------------------------------------------------------------------------------
" الفن لحظة إنسانية خالده "!!
هو موضوع للأستاذ/ داؤود في هذه النافذة !!

أنعش في ذاكرتي هذه القصة !!

فهى مهداة إليه!!
و" عبره " إليكم !!!
فإليكموها!!!


===============


أخوكم التمليذ " الفقير لله " والمعرفة !!
كان الوقت داك في سنة " تالتــه " !!
(يعني: منذ نعومة أظافر " يدي الشمال ")!!



وسمعت كثيراً عن " طيبة الذكر " !!
" النعامة " !!
ولكن ما سنحت لى الفرصة بمقابلتها " شخصياً " !!

وأتاريكم يا جيرانا!!
عندكم شنو؟!!
نعامة!!!

على ما أذكر مشيت ليهم مرسـّل !!
(نظام أدونا فـُندكـّم ندق ونديكم وما شابه ذلك)!!

أول ما دخلت عليهم!!!
إستقبلتني " بإبتسامة " عريضة .. أو هكذا قد خـُيـّل لي !!
(النعامة وليست " بت الجيران ) !!



كده شنو طبعاً؟
المـُرسال مشي !!
وما جا !!


==============================


قضـيت العصرية كلها وأنا أراقب في تلك النعامة ..
زي وقت الأصيل كدا رجعت البيت ..
دخلت " الديوان " بتاعنا ..
أو ما يسمي بـ " الصالون" بعد الكوارث الطبيعة التى ظهرت مؤخراً!!
ومن بينها ظاهرة/حمادة بت التى زادت من درجة حرارة البلاد والعباد)!!


في لحظة " لاتفكير "
فجأة وبلا مقدمات !!
عجبتني جنبة الحيطة الخمسة متر وكم كده ما عارف !!!
شلت قلم رصاص !!!!
ونزلت ليك في " مشروع رسم النعامة " !!
" دون سابق معرفة بالرسم " !!

عندى ألوان شمع !!
" أقــــُــرم" منها !!
وألوك و " أبلع " !!
(الغريبة تقول كنا " مصفّحين")!!
( لا جاني حيرقان ولا سوء هضم ولا أي من الأمراض المزمنة) !!

وكل شوية !!
أقـوم ألون الجزء الخلص !!


وعلى ما أذكر !!
بديت بالـ " فخذين " !!


==============

خلصتا من الـ " نعامة بروجكت " !!
على ما أظن قريب الفجر !!

" وذلك على ذمة صياح بضع " عتاريف " لجيراننا من الناحية الأخري !!
( مالم يكون واحد من الديوك ديل نعسان ولا ساعتو البيولوجية مـُخستكة)!!

وأنا في الحمام " الإجباري" بتاع الصباح داك !!
قبل المدرسة..

سامع هرج ومرج!!!! ..
ووقع أقدام متجهة نحو الصالون !!


الفتنــة نائمـة !!
لعن الله من أيقظها !!

واحدة قريبتنا!!
(هي زاتا قريبتنا من بعيد)!!
(ومـُــنحـِـلة معانا لمن كرهتنى أفريقيا والأقيانوس وأمريكا اللاتينة) !!



كانت زولة جنّها " مراسيـل " !!
ولو طلع ما عندها مرسال؟ !!

كان سعمت " كشكة" صفق النيم المحتوت..
الشايلو الهوا ..

تقول ليك:
كدى أمشي شوف " الجا منو "؟!!

ويا ما " جأرت " لأمى بالشكوى منها !!

فكان ردها دائماً:

" معليش .. ما هي ضيفة " !!

======================


نا ماشي نحو الصالون " إتلصص !!" !!!
عايز أشوف الحاصل شنو؟!!

سامع صوتها الأجش !!
تؤجج في الموضوع!!
وتؤلب في الحاضرين !!

لمن وصلتا الشباك !!
فجأة لقيت نفسى في وسط الصالون !!

أتاري " المرا القاهر " دي !!
إتناولتني بالشباك !!
(أخوكم كان بوزن " الريشة " الله ستر ما كنتا " وزن الذبابة)!!!

وكل من كان حاضراً !!
وضع يده !!
(أو كلتا يديه) !!

على خدي!!!
(التقول: الحجر الأسود)!!

يعني بالعربي الفصيح:
كل من حضر !!
أداني كف!!


========================

من الوقت داك !!
أينما سمعتا أحدهم يتلو:
" تبت يدا أبي لهب وتب
ما أغني عنه ماله وما كسب
سيصلى ناراً ذات لهب
وإمرأته حمالة الحطب
في جيدها حبل من مسد " !!

بخطر في ذهنى بأن المرأة المقصودة هي:

" قريبتنا " !!!
ال من بعيد دي !!

ما عارف ليه ؟!!



ـــــــــــ
يا أخوانا تفتكروا مافي " لجنة حقوق إنسان " !!
أرفع ليها قضية ضد المرا دي " بأثر رجعي "!!
بتهمة أنها " عدوة النعام والإبداع والإنسانية؟!!


=========================


طبعاً نسيت أقول ليكم !!
إنو في الإتجاه الجارية عليهو النعامة !!
رستمتا برضو " غابة من نخيل " !!
( الأعناب ما أسعفني الوقت/ والكفوف من بعدها أنى أرسما)


في يوم " من الأيام " جيت راجع من المدرسة !!
لقيت لمة بتاعة ضيوف في " الديوان " ..
اللحظة الجيت خاشي !!

أشوف ليك زول واقف وسأل:
" مين الرسم النعامة دي " ؟؟!!

فأشار أخي بأصبعه ناحيتي!!

الزول السأل قال لي: تعـــــــــال !!

تعال؟!!
" يا حلاة لـِق لـِق !!" !!

جدعتا شنطتى بتاعة المدرسة !!
" والى الخلف دُر " !!
ونعامتى الرسمتها دي !!
كان جات جارية بـ " قفاي " !!
ما أظن كان تحصلني !!



طبعاً لمن " الزول داك " قال لي تعال !!
إفتكرت إنو كل " هاتيك " الشلة!!
أي واحد فيهم حيديني " كف " برضو !!


وطبعاً لو كان دا حصل !!

أغلب الظن إنى كنتا حأكون ماشي !!
" من غير جضوم " !!!


بقية حياتى !!!

(كدى إتخيلو "الكروكي" بتاعى )!!
مع " جـُمـجـُمة " من غير جضوم)؟!!

=====================

أقوم أجرى بيكم أسرع من عجلة الزمن " داك " !!

الضيف القال لي: تعال !!
أتاريهو أستاذ فنون !!

وأُعجب بـ " نعامتى " !!
وبى " فتنة جريها" !!


ولمن قال لي تعال !!
كويس إنى مشيت ليهو !!

لأنو الكلام ال كان عايز يقولوا لي !!
ما كنتا حأستوعبتو الوقت داك!!


تقابلنا بعدها بسنوات على ما أذكر !!!
(في مناسبة عائلية وأنا في تالتـه عام حينها) !!

وكان محور حديثنا!!
" الذكرى العطرة " للنعامة !!

وتحد عن " توزيع النسب " !!
وتناسقها ..

وكذلك الألوان ..
وتدرجها ..
" مع القليل من الملاحظات" !!

" هذا فيما يلي النعامة طبعاً "!!


أما فيما يلي " جنتى " من نخيل!!
فأبدى إعجابو بيها ..
(مع بعد بعض الملاحظات كذلك ) !!

وتطرق على ما أذكر!!
" لرسم المنظور "!! وأشار الى أن الخطوط المتوازية !!
والمائلة تلتقي كلها في نقطة واحدة..

وأن رسم المنظور بالنسب الصحيحة ..
حيديك الشكل الحقيقي ..

وإنقطع الحديث بيننا لسبب ما !!

وأنقطعت أنا عن الرسم !!

يعنى لولا " قريبتنا من بعيد " !!
إمرأة " أبي لهب " !!

" ربما " كنت الآن !!!!!!!!!!!!



(هى " ربـمــــــــــــــــا " برضو بتفتح عمل الشيطان؟؟؟؟!!!!)


======================

المشاركة الأصلية كتبت بواسطة woroorrook




والله إنت فعلآ.....
والنعامة


ما ناقصكم إلا النيل و القمر


زوزو....اخبارك يا زعيم
عامل ياع في ياتو جهة من الدنيا الأيام دي؟







ومن بعد " حمديل " السلامة !!
أنا !!
وإنتا !!
والنعامة وأفلاما !!



أبو التماينـــات !!
شايفك في 41 " مـِبـلــتـِــــث "!!


أنا لازلتا " محكـّر " جنب " آسيــا "!!
وهى قاعدة خاتا " حلـّة الرُز " بتاعتا !!
ونحنا نلهط !!

رُز بالسمك !!
وسمك بالرُز!!

عليك بعد ده مش يحق لي أقول:
(ملو فـُمي)!!

" أحــَي يا الرُز "!!




منتظرنك تفرغ كل ما في
" جعبتك "!!
(Free Size)

" عن الرحلة الميمونة " !!
(وبشكل سلس)!!




======================

المشاركة الأصلية كتبت بواسطة ana_zahjana



وانا في اعتقادي المؤهلات في بما انك اكلت الالوان وبلعتها معنها الفن والوانوووو جارييين في دمك.........

" مو " عشان هيــك !!!

" النعامى " طلعت !!

كــِـــتــِــــير " مهضومى " !!



تـِكرمي ..
عينــــى ..


=======================

المشاركة الأصلية كتبت بواسطة dawoud2005




ود الباشا يعني كان عندك مواهب فنية تشكيلية ..ايه رايك ترسم النعامة مرة تانية بعد السنين وننزل الرسمه هنا وأهو نكون كسبنا فنان تشكيلي أيه رايك ؟

أستاذ/ داؤود
سلامات

أنا عايز أخلص للحتة بتاعة " تنمية المواهب!!

شوف زي السادية بتاعة
" أمرأة أبو لهب "
قريبتنا دي!!

وكل الشافتو في الأمر " بنعامته " ..
إنو أنا شخبتا " حيطة مكان الضيفان !!
(يعني هم خلاص " ضيوف الرحمن"؟!!!)


تصرفها إتخيل لى كان نقطة فاصلة !!!

عكس أستاذ/ الفنون !!
طبعاً رؤيتو " بطبيعة الحال " كانت من زاوية فنية بحتـة!!

ولك أن تتخيل لو كان الأستاذ..
شاف " النعامة " قبل " مرت أبو لهب " !!
كانت الأمور بالتأكيد ستكون على النقيض من ذلك !!
(طبعاً لمن أبدى ملاحظاتو مؤخراً أنتا كنتا " زهدت " في الأمر من أساسو )..


حالياً: بعتقد أنو الوقت فات!!
وإن كانت أمارس بعض ال" خربشات "..
من وقت لآخر !!
ولكن لنفسي فقط. ..


أشكر كل من مرّ على البوست !!
يلا تعالوا رجعين !!
وعايزين نسمع منكم ..

" ما يـُستفاد من النعامة " ؟!!

ولو عندكم " ألوان شمع " !!
ما مشكلة !!

لسة ممكن " أقـرُش وأبلــع " !!


=====================

المشاركة الأصلية كتبت بواسطة الهنوف



كل ما اسمع سيرة النعامة
تخطـر على بالى كـذا جمـلة
منهم جملة: نعامة تزازى بيك
التى تلى كلمة نعم عندما نرد بها على احدهم
ولحدى اسه نفسى اعرف علاقة نعم والنعامة والمزازاة ببعض شنو

وفي رواية أخرى " الترفسك " !!


إنتى محتاجة لـ " مقابلة شخصية " مع المذكورة أعلاه !!
عشان تشوفيها " بتزوزي " كيفن؟!!






ــــــــــــــــ
أضحك الله سنك " بوميض ولمعان ..
وجعل أيامك فرفشة!!
ومنعشة !!


========================

http://www.al-nafitha.com/vb/showthread.php?t=7304