مســـــامــــــــاتك
--------------------------------------------------------------------------------
مساماتك بتتراقص
علي وعدا بكون اجمل
اذا انفتحت سماواتك
صباحاتك بتتجدد
مع الموجه البتتمدد
وتتطلع من عويناتك
وتتراقص علي قلبك
فرح شفع تبل الغيم
وتجري ورى سحاباتك
وكت يحفى الفرح ويروح
ويطلع من لحاف الليل
ويسكن في مساحاتك
ويمشيبك علي مشرع
نسى الميعاد بعد قرب
وتاهت فيهو خطواتك
وانا التاهت خطاي قبلك
علي مدنا بنيتيها
وراحت في مساماتك
ورحتا معاك انا الدرتك
تكوني الجنة لي تالاي
ونغمة حنينة في ذاتك
جمال احساس يدوبني
اجمّل لي سما ارضك
ويلوّن لي صباحاتك
------------
عبدالله وداعه الامين
07.10.2006
===================
http://www.al-nafitha.com/vb/showthread.php?t=4178
Subscribe to:
Post Comments (Atom)
No comments:
Post a Comment