بعدما أهدى جيلاني إلى الهباني هدية انضمامه للنافذة ، وهي جمل أبعرضين ، قام الهباني بوصف هذا الجمل في الأبيات التالية ، فتأمل هذا الخيال ، فلم تكن تلك الهدية غلأا هدية خيالية ولكن انظر ماذ قال الهباني في هذا الوصف العجيب

---------

أبعرضين

--------------------------------------------------------------------------------


أكَل الفيتريت فى مويتـو صفـه صفيـف
رقيق قدومو واسـع زورو ساقـو لفيـف
بعد عقلتـو بـى مكيتـو يـلاوى يقبـف
قال كِرهته القعده لامتين فى ديارو مصيف
*****
سكته مسافه مُحتار ساهـى مـا جاوبتـو
فاجعنى السُعال فـى بالـى قبلـو سألتـو
سمح الزول اشد مخلوفتو هـادى خترتـو
اهجـم دكـة البهـم الدُقاقـه خُـدرتـو
*****
طبقته الدُكر الفـى بيتـو مأكـل جنبـه
طـارى ظعينـة أبخـداً مولـع لمـبـه
الزوزايـه أمـو وفـى الـدلال اتـربـه
بصبح عندو مسـروف بالجمـال اتعبـه
*****
سريت بى ليلى وأبعرضين يطق فى نايبو
ما بتنحـص مزاياهـو وكتيـره نقايبـو
الوادى الغزير شـدرو وكتيـره دبايبـو
خابر مضربو أبعرضين بلاقـى نصايبـو
*****
قدر ما أشوف دُهم ألقاهـو فيهـا اتدلـه
مرابع مرقـد الـوادى ومقاشـر الحلـه
قدر ما أشوف نويرتاً بيها أقـول اتسلـه
حالف غيـر حديبـة الرايقـه مـا بدلـه
*****
قاسم ليلنـا هـود وساقـو ينفـض ارِش
تنين مخلوفتو فوق ضهرو ومحابرو تبش
جلدو رهيف أكان فكيت لو رسنو يكـش
زورو وسيع ووصف الراس بلومة عِـش
*****
بطنو وضهرو واحد وجنسو قول عنافـى
كل ما قلته فيهو غُنايه قاصره أوصافـى
وكت الدُك يقوم من خُفو صابـق الزافـى
ما لجه وحـرن ات فـى ندادتـك مافـى
*****
قاصع الجِـره أمـو معتلـه ومصيونـه
معقله فى الحِميس مـا شافـت القهبونـه
تشرب مـن لبـن أماتـه ابيـض لونـه
مشابه بُيضَة الدقوهـو صُبـره وشونـه
*****
ما طلقوها كاسـت بـى الدكـك تتعـرك
من أكل المعـوك سنكيتـه بانـى أتلبـك
سيده بجالـس المُهـره البخـوره اتعَبَـك
وسيع صالونو فاتح بابـو ماهـو مَشَبـك
*****
كَلفـو وطيعـو وعُقبـان هداهـو اليـه
مـو داب الجمـل يكـرم ويعفـا الديـه
كريماً يضبـح الجـزره ويعـزم الميـه
بفقد ديرة العـرب البُعـاد فـى الصيـه
*****
لاح الفجُـر بانـت ديـار نـاس ريـم
عُقبان تاورو الحسـس الملازمـو قديـم
قُت ليهو الغزالـه النافـره مابيـه تريـم
قـال ليـه الرجـال قُبالـك أكلـت نيـم
*****
نِـم أبقالنـا فـى داب الخُدرتـو دُقـاق
بناخد يومنا دفسيبـه وجـرى وساسـاق
مغيب شمس النهار خيت الحَمَارْ الشـاق
بخُتـك عنـدو كامـل خلقـة الـخـلاق
*****
صدق وعدو ووصلنا النايره بدرى دماس
يجهر نور خديده يحاكى ضـرب المـاس
بسمت لى هلا ومرحـب حبـاب النـاس
وين سنيوره ؟ قومى أجايطه وين عباس؟
*****
اترجل وكـت شافنـى التقـول رطانـى
انعقـد اللسـان وأتلخبـطـت كيمـانـى
ساعة الهجعه وانجمـع البعيـد والدانـى
قال لى أستريـح لا جـوه يـا الهبانـى
*****
حالى لهيجو احس سِمـى العلـى أتفـدر
ونَمَل كفى من مسكـة مخامسـو أتخـدر
وكت جبـد الهـدم ليـن طبيعـى مًبـدر
تبيت منو طاش يا حليلـو عقلـى الـوَدَر

==========

ويرد عليه دكتور شول


المشاركة الأصلية كتبت بواسطة الهباني






لاح الفجُر بانت ديار نـاس ريـم
عُقبان تاورو الحسس الملازمو قديم
قُت ليهو الغزاله النافره مابيه تريم
قال ليه الرجال قُبالك أكلـت نيـم








من تبيت سغِير و النيم أياني الماكلو

شوك الحسكنِيت في قلبي ساوي عمايلو

بي فوق الدبر أنا طابقو حِملي و شايلو

وِن كان للصبُر صارفينو لي كيس نايلو



إشتد الظما و الحالة قاسية صعيبة

و الروح غرغرت مشتاقة تلقا طبيبا

أتلافا الهبوب يمكِن خبارو تجيبا

ما بطمع كتير تكفيني مِنو سبيبة


لاح لي الفجُر و انا طاري لي غزالة

محزوقة الخِصِر و العود شتيلة نالة

بياض العين عليه قطرة عسل مِنسالة

هباني العِشِق ما حايقة فيهو رجالة


والله يا الهباني يا أخوي قمة في الإبداع...... أها أنا باشاركك الجرسة بي جاي.

و الكلام دا خاااااااص للزول الهناك خليتو.

----------

ويرد عليه الهباني


لو كان العشق زنديه يا أبـو الطِـب
كنت خرتو بى الفوق المعالى بِشِـب
لفه حشاها مربوط الخواجـه كِـرب
سهام عينيها مـا بنفـع معاهـا دِرب
*****
أصبر فى الغرام وأرجا القِسم يا شول
بشوفك كلما تتغزل أسمـع لـوووول
على الدرفونه دى الفاقت دهب شنقول
عقلك طشه فات تتمنـا لـو مسكـول
*****
قبيل داخرنو يكشف وبى مريضنا يهتم
صِبح مكتول غرام الجاهله شايل هـم
أمس بعد الصُبح ساعة النسيـم نسـم
شرفتَ صيدة اتطعمتـه طَعَـم الـدم
*****
يا دكتور عزرتك والمـرض أقسـام
وانت دواكَ عند البى العسايـن حـام
بكتـب لـك رُشتـة صيدلـى الارام
أصرفه منو أبلع وأرمـى لـى قِـدام



--------

وياتي جيلاني قائلاً

امك جقله يا اب عرضين مأصل حُر
والعنافي جدك فـي الفيافـي بسُـر
مؤصل سيدك الساير ملـوك ام دُر
وهيلك ديمه ثابت أنتـه مـا بتـور
--
فزعك لي اب سدر الأرخه المسدار
مكتوب ليك جميل فوق الكماج الحار
وكت الناس بقت بين اللهيب والنار
الهباني سيدك جاب سلاحـه قـرار
--
ما بدل مضارب لي خيامـه بعـود
وما اتنكر مقسم لي عدونـا بجـود
النافذاب سلاح شايلاهو فيها اسـود
بالجم والكلاش هدري الزخيره بجود


--------

ويرد دكتور شول على الهباني

--------------------------------------------------------------------------------
اقتباس
المشاركة الأصلية كتبت بواسطة الهباني






يا دكتور عزرتك والمرض أقسام
وانت دواكَ عند البى العساين حام
بكتب لك رُشتـة صيدلـى الارام
أصرفه منو أبلع وأرمى لى قِـدام











لــو كــان الطبـيـب خـابِـر أذاي بِعـرفُـو
كان كتب الدوا و في الأجزخانة أصُرفُو
أدونِي العِلاج و المُختصـر فـي وصفُـو
نِتـشـاوف عـيـان و إيــدي تقـالُـد كـفّـو
**********
الــزول الـسـمِـح قـلــع الـقـلِـب زِنـدِيــة
ما شال مِن ضعيف سلّط سِهامو المِيـة
نـشّـن للعـوالـي و مـــا بِـــدورا رمِـيّــة
مـانـي الخـاتـي لــو سمـيـتـا همبـاتـيـة


-------

وتشارك الشاعرة وطنية بهذا المربع

أبعرضين مأصّل وديمه إنتا تكر
مابتفر وحاتك ... يالأساسك حُر
أب سدر المعاك شوفتو ديمه تسر
ماكاتال ضعيف ...لاقوةً بتغُر
مسنود العليو متكول ومابيضُر

===========


ويرد جيلاني على دكتور شول قائلاً

دكتور شول انا العيان وانـت عرفتـه
بي سماعتـك الختيتـه فوقـي سمعتـه
دقـات القلـب اتراجـفـت تتحـتـه
والروح مني راحت سافرت لـي حتـه
--
بيك انا مستجير رزمي اب سدر هداني
صده مع المغيب هدري المقطع جانـي
يا اب عرضين سلام لي صاحبك الهباني
قـول ليـه النوافـذ للبعيـد والدانـي
--
جاتك شهرزاد شاعره وكلامه مـدوزن
تمشى مع الشمش فوق النوافـذ الـدون
يا اب عرضين دعاك ربك عليك الهون
ويا الهباني اسمك فـي كتبنـا مـدون


----------

ويحدثنا دكتور شول عن الكشف


سوينـا الكشِـف جِبنالـو كـم كونسولـتـو
كايسين للحسـس دايريـن نحِـل مسألتـو
شِلـت الـدم علـي بلـد الضـبـاب رسلـتـو
لــي سِــت البـنـات يِمـكِـن تحّـلِـل عِلـتـو
__________________
السماعـة قـات شـيـخ الـعـرب فــي نــار
أعضـاو خــدّرت و قليـبـو داقــي الـطـار
السـبـب العـلـيـو عـاشِــق بـعـيـد الـــدار
قُت ليها افرُزي .... الجيلاني ناسو كُتار


---------




ويرد الهباني على دكتور شول


--------------------------------------------------------------------------------
اقتباس
المشاركة الأصلية كتبت بواسطة دكتور شول






لــو كــان الطبـيـب خـابِـر أذاي بِعـرفُـو
كان كتب الدوا و في الأجزخانة أصُرفُو
أدونِي العِلاج و المُختصـر فـي وصفُـو
نِتـشـاوف عـيـان و إيــدي تقـالُـد كـفّـو
**********
الــزول الـسـمِـح قـلــع الـقـلِـب زِنـدِيــة
ما شال مِن ضعيف سلّط سِهامو المِيـة
نـشّـن للعـوالـي و مـــا بِـــدورا رمِـيّــة
مـانـي الخـاتـي لــو سمـيـتـا همبـاتـيـة




طلبك عندى مشروع ما طلبته مُحال
ويا ريت اسمعك ظبى الخلا التوتال
يرجع ليك ونفرُد لك معاهو مجـال
نفرح بالجديد ونشيل معاك شبـال

--------

ويرد على شهرزاد النافذة بقوله


--------------------------------------------------------------------------------
اقتباس
المشاركة الأصلية كتبت بواسطة wa6nya شهرزاد النافذه




أبعرضين مأصّل وديمه إنتا تكر
مابتفر وحاتك ... يالأساسك حُر
أب سدر المعاك شوفتو ديمه تسر
ماكاتال ضعيف ...لاقوةً بتغُر
مسنود العليو متكول ومابيضُر



حرفك ياخى أسعدنا ومـرورك هـادى
ونمك حرك الحـرف المطـول غـادى
وكت ختيت على أبعرضين دقشت بوادى
زهجان من فـراق الرايقـه أم أولادى


---------

ويعود جيلاني بمطولة يبتدرها بالحديث عن أبعرضين



اجدع باعك اب عرضين وصل مستني
سيده علي السرج قاعد ينـم ويغنـي
يا العرجونه كسارة القلوب ما تحنـي
لي قلبي النزف ودمومه نزلت منـي
--
شهرين في الدرب لبعي اب سدر دفار
شهلوب ما برجع ليك جسيمه الحـار
غاب اب سنام سـادر بـدون بشـار
راجيك يا الفزع الحقني يـا المسـدار
--
قام مارق عديل ختـم الفريـق قـدام
بعد الناس خلاس غمدت وهو الما نام
دخل الصي وحيد.. العـادم الحـوام
بفتش لي قـدم جديـا كتبلـو سـلام
--
دخول النار بهون بيك يا طويل البـاع
وقدامـك عتاميـر الدروبـه وسـاع
ماكا المكري دايما تشري مـا بيـاع
ونيين سرجك مكرب في سنامك ضاع
--
في القوقل بشوف ود اب حنك مشدود
وشفته كرنكا داخل شندي جابلو قعود
جابه ضبيحه للهباني يوم مـا يعـود
معاه الفرجت ضيمه وليلـي السـود


========

ويرد الهباني على مطولة جيلاني


--------------------------------------------------------------------------------
اقتباس
المشاركة الأصلية كتبت بواسطة gilany






دكتور شول انا العيان وانـت عرفتـه
بي سماعتـك الختيتـه فوقـي سمعتـه
دقـات القلـب اتراجـفـت تتحـتـه
والروح مني راحت سافرت لـي حتـه
--
بيك انا مستجير رزمي اب سدر هداني
صده مع المغيب هدري المقطع جانـي
يا اب عرضين سلام لي صاحبك الهباني
قـول ليـه النوافـذ للبعيـد والدانـي
--
جاتك شهرزاد شاعره وكلامه مـدوزن
تمشى مع الشمش فوق النوافـذ الـدون
يا اب عرضين دعاك ربك عليك الهون
ويا الهباني اسمك فـي كتبنـا مـدون









صميماً من نشيت عارف أصول الخوه
وحافظ أدبى من قالولى خُش لى جـوه
المعروف بسويهو انبقيـت فـى هُـوه
كارب زندى لى الناس البطلبو مُـروه
***
ما ختيت الاصول وكتين معاهو نضمته
كتير كلمنى عنك وليك خـات السمتـه
ما لقيت لك متيل كُلما خترتـه وحُمتـه
غرضك مقضى يا الطالب أبدرق غريته
****
ما قصرت تب أصلته كاضـم الجِـره
خبار مرقـد الغُـزلان ونـش الفِـره
جقله بتدخل العركـه أم كماجـاً حَـره
أبعرضين جمل نافذابى مو مـن بـره
****
مانى مطرطشاً يخدعنى برقـاًً طافـر
ألم الماشيه وأنشق بى وراهـو مسافـر
بصبر ان حِما الكـوع بالقليلـه بدافـر
وان حره الكُماج تلقانى دائمـاً ظافـر
****
بتزكـر دوام عُشـرة أسـود نافذتنـا
بنطرا جميل ثوانـى اتجمعـت لمتنـا
نلملم لى الشَمل يـا أب عِمتـاً عمتنـا
تاج ووقار وشايلين دينـه فـى زمتنـا


------

وترد شهرزاد على هباني

--------------------------------------------------------------------------------
اقتباس
المشاركة الأصلية كتبت بواسطة الهباني






حرفك ياخى أسعدنا ومـرورك هـادى
ونمك حرك الحـرف المطـول غـادى
وكت ختيت على أبعرضين دقشت بوادى
زهجان من فـراق الرايقـه أم أولادى


*****



حَرْفَك هُو السعدْ والمُرور إجْبَِارى
ونَمَّك فى الأصِل بَعْضُو مِنْ أخبَارى
أخوانك كُتار وسائلين على الهبَّارى
ألحقنا بالأخبار قبال إجيكا ودارى



-----------


ولا يلبث الهباني أن يرد عليها


--------------------------------------------------------------------------------
اقتباس
المشاركة الأصلية كتبت بواسطة wa6nya شهرزاد النافذه






حَرْفَك هُو السعدْ والمُرور إجْبَِارى
ونَمَّك فى الأصِل بَعْضُو مِنْ أخبَارى
أخوانك كُتار وسائلين على الهبَّارى
ألحقنا بالأخبار قبال إجيكا ودارى




فيكى الخير اصيله ولى الضيوف فقاده
راقيه أديبه فاهمه وجاتنا ريحه جلاده
أم ناراً تولـع فـى الهجـوع وقـاده
هبار فـى امـانِ الله خيـر وزيـاده
****
تسلمى انتى مـن كـل شـر وودار
تعيشى وتكرمى الضيفان توقدى النار
يا الحره المأصله بت ملـوك الـدار
أسالى منى انا وسيبينـا مـن هبـار


---------


وترد عليه شهزاد ايضا بقولها



الخير المعاك.. مادُرْنا غيرو زياده
ليلو مع الدّغش تعَّبنا فى تعداده
وهاك منِّى ليك هبَّانى برضو إفاده:
متقريِّف شدييييد جيلانى ماليه سعاده
لى حرف البطانه الجابو قولك إعاده

وتسلم لَي أكيد وإسلم معاك هبَّار
فرَّحنى الخبر ولو إنّو نضمك حار
محزون القليب أدَّى الحروف معيار
مغلَّف بالضحك جوَّاهو كم أسرار
نستناك أكيد ونديكا كُل أعذار
الجايي من السما واطاتنا ليهو ديار
والمنَّك أكيد والله جد بندار




------

ويتدخل الزبير باشا بكل بازنجره

--------------------------------------------------------------------------------


شايفك يا " أب حنك " الليلة عقــــدتــو قفــاكا ؟
وسامعك تهدر ترغــــي من العقلــة قلتـا كفاكا
أرتع فيتريتك حنضل القيزان مــــــاهو غداكـــا
أشبع يلاك رافقني أنا ماني ببقــــي بــــلاكــــــا


قـــال: عقلـــك طشّـــا وفكـرك بالبـــوداي إتشـتت
وشهفــــوفـــة أم حـِـجـــل فــــي جسيــمـــك صبّت
تكتكت وفوقـــــك السهراجة دحين يالزبير أتغطغت
حد ما تشوفلك طيف بقيت متل حرامي الجـِداد تتلفت
أضناك فراق أم تلـّـة وسُبل لقياكم إستحالت وصعبـت


يــوم المني يوم فوق ضهري تنصــب الشبـريــّـة
بي خِـدراً وثيـر لأم زمام مرشوم الساميــة عليّـة
أم صديراً أب سحاباً شايل الوارفـة وقطوفا دنيـّة
وتوصف تجر في نمّك وهدهيـد الجاهلة سيبو عليّا


سـري ليلـو يقـــدل واثـــق مُـسبـــل طرفــــو
خبـير قص الأتــر مُشرع كــــل وادي بعرفو
الخبّاب وفي شبّت القيزان عراقيبو ما بنجرفو
هو من وقتو القعــود كــل البكاري بتعرفــــو

ـــــــــــــ ( نواصل ) ــــــــــ

---------

ويعود الهباني في رد على شهرزاد




تسلمى تاااانى يا العاقله الرزينه حروفـك
ونشكر ليـك تقديرنـا وكتيـر معروفـك
قدر ماقلنا أوفينـاك نتـوه فـى وصوفـك
يا الشتله المخدره قلبـى باقـى جروفـك
****
فيهو معزه ليك يا الحاسه بـى الحاسيبـو
كتير حاولتو أنسا الفاتـك أرجـع سيبـو
قلبى وخاطرى غير شوفة الحبيب ما بطيبو
يا وطنيه كيـف الرايـق تبقـا نصيبـو؟
****
قال ليه الحبيب فى ظروف ومـا ناسيـك
ومو ناسى الموده البينـا يـوت طاريـك
أصبر صون غرامو وأنسا جورو عليـك
مـا تنضـام وتتجحـا وتعضـى ايديـك
****
صبر ايوب صبرتو وزدته فـوق شويـه
تشهـد ليـه فرسـان الكُمـاج والـديـه
الجاهله أم خـدوداً نايـره يـا الوطنيـه
سلبت عقلى مرقت روحـى فـى كُرعيـه
****
لسع برضو صابر والصبـر حـار نـار
وأبعرضين يزيم كِره القُعـاد فـى الـدار
بدور فزعـاً يجيبـو كرنكـا والمُسـدار
وأنهمى نادى ويـن يـا عِزنـا وبشـار
****
يا الباشا الزبير فرتـاق صفوفـاً دافـره
اصبح قلبى عِن جديـه ومغريـده نافـره
يا واحشنـى منتظـرك تصفـر صافـره
تعلن جية اللـى قلبـى شاتـت ضافـره


=======

وترد عليه شهرزاد واصفة اياه بالفارس

وتسلم تانى يالفارس المنيعه تروسك
ونسعد بيكا يوم فرحك وكُلنا حولك
قدر ماقُت أزيد ألقانى يوت محقوقك
ياللسد النتر الليله كلنا طوعك

******

قلبك تبتليبو باكر بجيبو ودارك
أمسك فى الصبر تلقاهو داخل دارك
وان شمسك بدت مابتطرا غيرو مدارك
وإن قمرك ظهر كل النجوم بتزاورك

****

سألتك عديل وعنيت كمان هبَّار
سكَّت الخشوم بى طيِّب الأخبار
لا شفنا البيهبر لاجانا منو مزار
إن عدنا السؤال وسألنا عن بشَّار
بتجيبهم برق ولا بتسوِّى غُبار ؟؟

-------