الزبير باشا - 19- نـادي الزهجـانيـن

نـادي الزهجـانيـن

--------------------------------------------------------------------------------



الحالة النفسية !!

زهجان .. بيئـن !!
حاير دليلو !!
عايز يجن !!


ردة الفعل:

أدبرس ..
يتربس..

أطاوع ..
يعترس..

أشاكس ..
يهترش..

أطـُـوفش ..
يدغـلـِـش ..

الحالة الإجتماعية:
(منبثقة عن الحالة العامة) :
معرّس ..
مُقرّش ..

يغـازل ..
يبكّـش ..

و" معُـوزِب "..
مفلـّـــس ..

يعايـــن !!
يدحـّـش !!


الإحتمالات:

مشكوكش ..
ربمـــا !!..

مجـروح ..
حيثمــا !!..

تائـــه ..
أينمــا !!..

نائــح ..
عندمـا !!..


بائــح ..
ريثمــا !!


كسير التلج :

تلايـــف ..
وخلايف ..

زهجكم فطاير ..
ولهكم قطايف ..

زهجكم لذيذ !!
كلامكم نبيذ !!

" و نــــــــــواصــــــــــــــــل "


أهــلاً بكم
في
نــادي الزهجانين
( صورة الشعار)
" بـُومة .. تنهذر في غـُراب "


" نادي الزهجانين" .. ..
إجتماعي ..
إبتلائـي..

إرتجاجي ..
إرتجالـي..

إفتراضي ..
إعتراضي ..

ثقافـي ..
سخافـي..

رياضي ..
ريادي ..

يرحب بالجميع !!!!

الزهجان ..
حيفرفش !!!..

والمفرفش!!! ..

حيزهج ..

ويكنكش !!

لمن " يرجع " ويفرفش !!

===================

--------------------------------------------------------------------------------
اقتباس
المشاركة الأصلية كتبت بواسطة noora2003




زول يسلفني زهجة ، بديها ليهو بكرة ، ماسكاني أم فريحانة كده ماعندها أي موضوع
زوزو كيفك يا باشا





يا ولد !! لازم تحسبا صاح !!! وزي ما بتقول
" حبوبة ريم مروي " !!
" الزهج الأرقط .. لليوم الأبرق " !!

طيب .. عايزة " زهجة سلف " ..
وما سكاها " أم فريحانة " ..
يبقي هنا في " Balance " يعني
في " زيادة تضخـم " ..
معناها حيكون في " زيادة في أسعار الفائدة " ..
وهي ليه قالت الكلام دا ؟!!

أكيد عندها زول في
" سوق الخرتوم للأوراق المادية " !!
يبقي ترد ليها السلام .. وتطنش " السلف " ..
(خاصة وإنو الحكاية فيها خلايف وتلايف )..


" ســلام يا صاحبي " !!


================

المشاركة الأصلية كتبت بواسطة smile2me



زوزو باشا حمد الله على السلامه ياخى يمكن الزهجه الحاصله كانت من غيابك عنا لانك الحاجه الحلوه هنا البتفرج وبتضحكنا . ربنا ما يحرمنا منك





هسة مع الزهجة الحاصلة دي !!
البت دي جات قالت كلام جميل !!
و " مموسق " !!

عايزة ليها " كسير تلج " شديد !!
والكهرباء هسة قاطعة !!

نقوم نشحد " قالب من نونو وقالب من نورا " !!
(الهباني مفروض أشحدو لوحين) ..
عشان أخلي الحكاية " إسكيمـو " !!


سلمك الله يا إسمايل !!
أنتي وأهل النافذة ينبوع " مباهج الفرح " ..
المفقـود ..
المنشود ..


=======================

المشاركة الأصلية كتبت بواسطة hind



ياخ اتكلم مع نفسك والزهجة تفك طوالى ..






والزهجة لسة ماثلة ..
وحاتلة !!!

قال الولد يعمل بالنصيحة دي ..
وهاك يا كلام مع نفسك ..

يقوم يطلع القرين بتاعو ..
ويزرّو ليك " زرة كلب في طاحونة " ؟!!

إنتا يازول أنا كايس لي مدخل معاك من زمان عشان أسئلك سؤال!!
والليلة أنتا أديتني الذريعة ؟!!

أنا عايز أسئلك سؤال !!
لو التاريخ أعاد نفسو تاني !!
مواقف مريت بيها زمان !!

هل يا تري كنتا حتتصرف بنفس الطريقة ؟!!

مواقف زي شنو؟!!

أقول ليك !!
بذكرك !!

زمان وإنتا " شافع " بت جيرانكم المسكينة ديك " إخلاص " !!
كان طوالي بتلاقيك " مرسلة " وهي كان عندها عادة إنها
" بتمد لسانا لي برة " ؟!!

ليه كل ما تلاقيك كنتا بتدقها بلا سبب !!



بقولوا " قف للمعلم وأوفه التبجيلا .. كاد المعلم أن يكون رسولا " ..
أستاذكم ...
" أستاذ مامون " ..

كيف نفسكم طاوعتكم لغاية ما تحلقوا ليهو " واحد من حاجبـيه " !!
ونصف " شاربه " ..
وبي موس ميتة !!!


ياخ بالله ما تزهجنا ..
أنا أصلاً ما ناقصك إنتا كمان ..


يا أخوانا !!!!


" في زول عندو ليمونة ؟ !!!

===================================


المشاركة الأصلية كتبت بواسطة حسون


دقيقة





...............................

الخط متوازي ولا معوج يالزبير
...............................







توالي !!
توازي !!

ما بعرفو ؟!!

لكن الخط الفوق: 31 نقطة
والخط التحـــــت: 31 نقطة

طيب : 32 x نص تنظيم القاعدة x الإرتفاع

حسون !!

الخط داك لا " متوازي " ولا معوج " ...

منقوط !!


==================

أنا زاتي ..



زهجتي ..



زهجتي !!



بهجة النظر !!




أي منظر ..



فيها " لن " يســـُـــر ..





لكن ما قلت لي !!!
الـ 1750 دي !!!

" زادوا ليك الإيجار ولا شنو "؟


هاك دي !!
عشان أزيدك " 1750 " زهجة !!



هندي سألوهو !!!

ما معني " يـُمهل ولا يــُهمل " ؟!!


قال ليهم ..





" الله يسوي صــبـــُر " ..





" بعدين في ترتيب " !!

=======================

http://www.al-nafitha.com/vb/showthread.php?t=6139