خاطر .. تَجى

--------------------------------------------------------------------------------
لمن أقول
الشوق غَلبَ
والفَرقَة زادتَ لَهفتى
يبقى الفَرحَ عِندى الرِِجوٌع
بهَجَة لقٌاك يادٌنيتى
فى السَاعه ديك الدنيا عيِد
والكَون بوصّف فرّحتى
صدقّنى ضَعتَ مع الشِجون
الهّم مَسافتَك وِسكتى
والليل حَلفَ مايخلّى باب
يقَفل مداخِل خطوتِى
بالله كيف آحَمل أسَاك
الحيرة غلبتَ غنوتى
ورينى بس أبداهو كيف
أنا منى ضَاعتَ كلمتى
ما أنتَ أخترت الهَروب
مابين عِنادك ولهَفتى
ووقفتَ زى ضٌل السَراب
واحترتىِ جّد ياخَطوتى
ورحَلتَ شلتَ الروح معَاك
ما قدرتَ أكتٌم حسرتىِ
ومشَيِت وما همّاك عَذاب
لاقلتَ ترحَم دمعتِى
خليتنى فى سِكة آلم
والذكرى زادتَ لوعَتى
وحلمتَ بيك راجع أكيِد
قصدك تخفَف حَسرتى
ووقفت أرجاك فى الطرَيق
لحظة رجوعك بَهجتى
أسِقينى من نور بسمَتك
أطفَيها نيران حٌرقتَى

**********

أصلو الفرح سموه عيد

وأنا عيدى بَس

لحَظَة تَجى ...


هند محمد


06-08-2008
----------

http://www.al-nafitha.com/vb/showthread.php?t=6804