الشاعرة وطنية -10- الزول..المواسم

الزول..المواسم..

--------------------------------------------------------------------------------
الفكرة شايلاها المحنة
ودافقة في بعضك شجون
معاها رقراقي ..المطر
حايمة في بيوت الهجير
تودِّع الموسم ..مظنة ..
ترتِّل السحب ..التكون ..
شوقا فايض ..وإنهمر..
وعارفة حضنك هو ..المصير ..
رايك شنو ؟؟
إنتا بس بالريدة حاكم ..
لي بنية ..ضميرا ..باسم..
وإنتا ماشيَّال أسية
دنيا من أحلام شجية ..
وأمنياتي ..وبرضو ..حازم ..
في عيونك أغنياتي ..
وجاي...لازم
قبل ماتروِّح عينيَّ
صورة الزول ..المواسم


*****


وإتمهَّلت ...كل أشواقي في ساعة المطاف ..
وِحلت في صفا الوش البعكِّر لونو ..خطواتي و..مشيك ..
ورجعت تشيل اللهفة..تتوسَّد مجيك ..
ساعة الركوع ..
وكت الحنان... بيتسبَّح.. وشيك ..
هل صادفت ..لُقياك دعاوي الشوق إليك ؟؟
حنستها ..الآهات ..تجيك ..
إتلبَّس ..الإحرام.. سماك..
إتلفح ..التقوي ..اللي فيك....
وسبحان من... أوجدني ..بيك ..
سبحان من سمَّاني في لحظات هواك..
وسمَّاني برضو .. الجاي عليك ..

******
2007


==========================
http://www.al-nafitha.com/vb/showthread.php?t=4773