الزبير باشا - 3- تكملة .. نمشات في خدود الجكس ـــ (3) ـــ

تكملة .. نمشات في خدود الجكس ـــ (3) ـــ

--------------------------------------------------------------------------------
الزبير.. خلونا ناخد مكالمة تانية؟
ألو .. ألو .. معانا منو؟
مئاكم أخوكم دودو إسهاق موسي زُمبة
مرحبا
أنا من قبيييل قائد نفوّر في اللستك دا .. وسامئكم .. ومرة مرة قائد نرائي ليكم ساااااكت ..
ياهو في الآخر جيت مركز الإتسالات دا (أسلو أنا مكسر في الجكسوية الشغالة فيهو) أهو قلتا منها أجي أكشّــف وأديها كحلة على الطاير .. ومنها الواهد يجازف معاكم ويديكم وجهة نظر..
آآآآي
مرحبا .. إتفضل
علي أنو يا جماءة مودوءكم هساس وكدا .. آآآي
نهنا في الأول كنا قاءدين نجكسو ليكم البنات ديل .. قلنا نباسرم ليكم لغاية ما ربنا يسهل أليهم.. آآآي
أها كمان ساءت جا الزواج الأُرفي دا كهل (كحل) مؤقت ومهوري ..شفتا (محوري) دي كيف ..خت تهتها ختين
الزبير.. جدا
وللمئلومية .. أنا كمان بتكلم مئاك .. ولابس نضارة بيرسون.. شرِِت للأرض
آآآي
المهم الأمور الهمدو لله فاكة تيكا ..

كنتا بقول في شنو .. آآآي .. أها بئد الزواج الأُرفي دا .. كمان هسة إندنا مودوء جديد إسمو المساكنة .. والمساكنة دي بئيد أنكم .. الجكسوية .. ولاّ التالبة .. تجي تقئدو معانا .. تاكلو .. وتشربو هنيئا بما أسلفتم
آآآي
وكمان تغسل هدوما .. وتذاكرو .. لو لقينا وكت .... وتبيت .. والسباح كان الأداد رامي .. نديها شرتيتة .. لزوم المواسلات والمساريف
وياهو .. نباسر ليكم فيهم كدا .. لغاية ما تشوفو ليهم طريقة .. وهل نهائي
مافي عذوب .. ولا عزوف الهمد لله
بس في عذاب .. ألم .. ورم .. وإسكيرت ملون
أنا عايزكم تطمئنو .. الأمور مدردقة.. وزي ماقال أمّنا (عمنا) قمندي .. مدردقة أهسن من مُدقرة... وأهو علي رايكم .. توجه إنهداري... وبي زاوية هادة كمان.


ناخد إتصال تاني..
ألو ..؟
ألو .. هاي
كيفك يا أونكل؟
يااااي
كرفتتك الـ
BINK
تجنن ..
Very traditional program
I would like to put my fingure at the sensitive side of this topic
معانا منو؟
Bardon?
معانا منو؟
Nevermind
المهم
What I will say
الزبير: أنا معاك يا أخت أنك مفروض تدخلي في (صُلب) الموضوع عشان تعكسي لينا (الخلفية) بتاعتو وبعدين نرجع للمقدمة .. بس أنا عايز أقدمك (للهمج) ديل .. أقصد لأعزائي المشاهدين .. وأترجم ليهم عباراتك دي بما أنك واحدة (سفسطائية) .. ممكن تتخيلي هم قاعدين (بأريحية) كيف وفاتحين خشومهم مندهشين من (النرجسية) بتاعتك دي .. وبعدين نوعك دا هو الوأد الماضي .. ونحر الحاضر.. وبيشرّح في المستقبل.
وعلي فكرة صوتك سو سكسكي
عايزك تتصل بي آخر البرنامج .. عشان أناقشك معاك أيدولوجية الـ ..
تش .. تش ........ تشششش

موسيقي الشعار ..
الزبير: نعتذر عن هذا الخلل أعزائي المشاهدين .. وهو بالتأكيد من المصدر

السيد/ مستشار العريس لشئون التفصيل .. ما قولك فيما سمعت..
طيب: السيد/ مستشار العريس لشئون التفصيل
ما رأيك في مختلف الأراء ووجهات النظر التي قيلت؟

ولكن قل لي أولاً؟
لماذا يقال أن البنات غدون شينات .. ولماذا يتهموكم بأنكم قد منعتم إستيراد كريم ديانا .. ولماذأ يتهموكم بأنكم جعلتم البنات يتشحن بسواد العباءات .. ولماذا تقيدون الحريات .. ولماذا ينبسط الأمن .. ولا ينبسطن هن .... ولماذا .. ولماذا؟ ياخي .. يذمك صدرك..


مستشار العريس: كدي خليني أثبت حقيقة أن المؤمن
(حلوي)
أي بولعه بكافة أنواع واشكال الحلويات والحلاة والجمال.

أولا: يأ أخوانا علي أنو البنات شينات دي كلمة حق أريد بها باطل .
ثانياَ: حكاية نحنا بنقيد الحريات ، وخلت البنات لابسات العباية ومتشحات في ظلمة كسواد الليل البهيم .. دي حأجيها بالتفصيل .. وأُمال أنا شغال شنو؟
ثالثا: حكاية نحنا منعنا كريم الديانا .. في كل ذلك أقول:
أشك تلفزيون (ود عثمان) علي أتاحة هذه الفرصة
ليلامس
(مرواد الحقيقة) .. (مكحلة البنات)
وأحسب أن لهن في ذلك خير كثير .. في موضع غير ذي إيلاج.
حكاية البنات شينات دي .. كدي خلو بنات الجامعات والطالبات
تعالوا أبدو بي ستات الدكوة .. وستات الشاي .. أمشي أقيف وسط سوق الخضار وإتأمل تلك الوجوه .. عليّ الطلاق الواحد فيكم لو ما غني
قمرين دنياي
واحد في سماهو .. والتاني معاي
أنا أحلق دقني دي .. وحاجبي الأيمن

ثانيا: حكاية قيدنا حريات البنات دي .. وناس النظام العام .. والسؤال بتاع بسط الأمن الشامل؟
أولا: احب أبشركم .. أنو الأمن دا (مبسوووووط) بالحيل .. ومن (الأولاد) قبل البنات..

ثانيا تعالوا هنا .. أرجل راجل فيكم .. وقلبو محدثو .. يقدر يسأل بتو .. ماشة وين .. ولا جاية من وين .. ولا المعاك دا منو .. تتتكلم كيف يا زول أنتا .. إنتا عايشين في العصر الحجري ولاّ شنو ..
مقيدين حرية البنات كيف؟ .. اللبس؟ .. نحنا قلنا علي أنو الواحدة تلبس إسكيرت طويييل جاري بالواطة .. لكن في نفس الوقت سمحنا ليهن إن يكون بي وراء مشقوق .. من (عضم الشيطان) لغاية خط تماس الفخذ مع الأرداف .. ودا بالتأكيد حيعكس (خلفية) البت وألوان خطوطها وخيوطها الجمالية المتشابكة.

بعدين نحنا ما قلنا يلبسن عباية سوداء .. ويتشحن بالسود
واللابسات كدا .. ديل من جيل (المتشددين) ..
والحمد لله يعني كلهن
(شدايد)
وأصلاً ..أصلاً .. العباية دي الجابت شنو؟
شنو؟
جات في إطار حملتنا
(للتعبئة العامة)
أنا أدعو للوسطية .. يعني ممكن الواحدة فيهم تلبس شريطة أسود .. أو باندا سوداء .. بنية العباءة .. وكدا ممكن تعتبر لابسة عباية
أي نعم



شدة .. وغسيل عدة
آلو
يا الزبير .. آلو
دقيقة بالله يا جماعة .. عشان نوريكم الحصل لينا شنو في شارع الغابة مع الجكس والجماعة بتاعين .. توت .. تيت ..
ديل ناس وهم ساكت .. تششششششش .. توت .. تيت .. توت
آلو ..
تيت .. تيت .. توت .. توت .. توت

أعزائي المشاهدين .. نأسف لهذا الخلل الفني .. ونعود بعد الفاصل
أبقوا معنا
إبتسامة صفراء مقاس (3 x 4)
(طبعا حتبقوا معنا .. حتمشو وين يعني؟)
دعايـــــــــــــــة
سميرة .. شافعك مالو؟
والله ياختي .. إتهجم .. ونفسو إتكتم.. من كلام الجماعة ال في التلفزيون ديل
سجمي خالص .. كُـر علي جداً.. أديهو حبة .. كافينول للأطفال
نهاية الإعلانات

أعزائي المشاهدين أهلا ومرحبا بكم مرة أخري
الزبير: وقفنا وين يا راجل يا قلنزح إنتا ؟
مستشار العريس: أيوا .. نجي لحكاية التراخيص.
أولا يأ أخي هذه التراخيص مُــنحت (لمقدر الظروف) أو ما يعرف بـ
(محلات العجرمة)
إنما منحت تقديرا لظروف بنات حواء .. وعلي فكرة نحن طلعنا تعميم
ثانيا خلي يجي زول ويجيب لي دليل قاطع لا (لبس) فيه يوريني منو المنع إستيراد الديانا
الحصل إنو هناك رأي طبي بقول
(قد تكون فيه مادة مسرطنة)
قد تكونشفتا كيف؟ ... طيب الحصل شنو؟
نحنا ألزمنا الشركة المنتجة بضرورة كتابة عبارة
(ننصح بتجربته أولاً بالمسح علي الرُكبة)
بالله عليك .. لاقاتك حتة في البت أكتر سوداً وكرمشة من ركبت؟ا

الزبير .. إحم .. حقيقة يعني أنا ما إنتبهتا لحكاية الركبة دي زمان .. لكن المرة الجاية بحاول أركز شوية .. أقصد بحاول أركز في إستطلاع الآراء بهذا الصدد.

شوف .. وإستطلع وقول لي .. عليّ الطلاق كلامي دا كان ما طلع صحي .. أنا أعمل حمام زيت لرموش عيوني ديل.

هناك إتصال .. ألو ..
مرحبا
الزبير.. مرحبا
ممكن أشرّك
قصدك تشارك؟ .. جداً .. هنا تشارك
لكن لو عايز تشرّك .. أمشي كافتيريا تماضر .. جنب كلية الأحفاد .. وشّرك هناك
إتفضل .. يافتي ..
الحقيقة أنا عايز أحكي ليكم مأساة ..
واااي أنا يا أخواني ..
الزبير .. منو معانا .. أول حاجة .. إنتا ولد .. ولا بت .. ولاّ
THIRD PARTY

المتصل .. (ينتحب) إيه إيه إيه .. إستغفرتك اي مالك روحي ونفسي
معاك ذرياب .. الملقب بالحنكوش الرقيق .. إيه .. إيه .. إيه
الزبير.. باين .. باين .. إتفضل يا ذربيق .. أقصد يا حنكوش .. يا رقيق
الحنكوش..
تسلم .. يا ودي أمي ...
كنتا بقول يعني .. واحسرتاه .. يا لحظي .. آآآآه .. أبي العينين أنجدني ..
الفكرة عايز أقول إنو رغم الطفرة والثورة التقنية الحصلت في مجال الجراحة الدقيقة (لمواطن الجمال) والأجزاء الحساسة لجسم حواء لكن هناك برضو لسة في بعض المصاعب ما عارف ناس بروفسير/ سارة ديل قاعدين يعملوا في شنو ...

سارة: والله قاعدة علي أحر من الجمر يا ود أمي .. منتظرة
MY DREAMS RIDER ..
لكن .. كان قعدتا كدي لي يوم القيامة .. لو جوني 50 ألف من الزيك دا ما بشتغل بيهو .. عشنا .. وشفنا.

وكيل عريف بوكو: أسكت إنتا يا ما تخليني أقول ليك .. إنتا يا البتشيل حواجبك بالملقاط في كوفير ( ... ) الجنب الأهلية .. ولاّ صاحبك اللابس حلق داك .... وما عايز أقول بعالج حب الشباب كيف؟ ... هو في شيء جاب لينا الذبابة الرملية والجفاف والتصحر .. ومرض الإيبولا .. وعمي الأنهار .. غير الزيكم ديل؟

الزبير: معليش يا جنابو .. معليش .. ما البركة فيكم برضو ..البزرع بامية .. يحصد أم رقيقة.

الزبير .. واصل يا خوي (ربنا يعوض أمك وأبوك الجنة إن شاء الله) .. أمك تسعة شهور مساهرة بيك .. أهو عشان تطلع علي هذا النمط ..أريتا كان ساهرت في تعليمة عروس .. وأبوك أريتو كان ساهر في الـ
GMH

الحنكوش: أوكي .. أوكي.
طيب كويس أنا شايف قدامكم مناديل ورق
خش في الموضوع ياأأخي
أوكي
كان عندنا بت جيرانا .. لونا فاااااتح .. لدرجة التوهج
حلو؟
من في داخل الأستديو .. حلو..
رغم ذلك .. إستخدمت كريم ديانا
حلو؟
حلو ..
قام جزء من الجضم اليمين بتاعا .. يااااي .. زي إتسلخ كدا .. لأنو بشرتا حساسة
ياااي .. أنا عارفكم .. إقشعريتو ..
حلو؟
الزبير: حلو..

بوكو: الزول دا هسة مش قال البت (متوهجة) .. يعني بيضاء .. طيب عاملة الكريم لي شنو؟
ما دخلك .. يا حشري.. إن شاء الله تعمل كريمة فانيليا .. إنتا مالك؟
هسة في داعي تخلينا أحرجك تصاعدياً .. وتنازلياً؟
المهم البت دي مسكا إكتئاب .. وإشمئناط .. وشحتفة روح .. وألم وعذاب .. وكانت عايزة تنتحر .. أها قالو ليها ممكن يتعمل ليك جراحة تجميل .. ونشيل حتة من (وركك) .. ونزرعا ليك في جضمك ..
OH MY GOD >> UNBELEAVABLE
وبالفعل تم ذلك..
حلو؟
كل من في الأستديو .. حلو..
الحنكوش .. لا .. ماحلو؟
دكتورة سارة.. والكلاكلة صنقعت ..ليييه؟
أقول ليكم أنا..
لأنو الحتة الزرعوها ليها من الورك بتاعا ..طلع لونا أفتح من لون
(جضما)
وعشان يحصل
Balance
عشان كدا قالوا لازم تاني تستخدم كريم ديانا ..
يلا قولوا ليها .. وقولوا لي .. تسوي شنووووو؟


أيها السادة .. يشير لي المخرج بإنتهاء الوقت ..
وأري أن نخصص حلقة أخري لتكملة النقاش في هذا الموضوع الذي لم نغطي كافة جوانبه حتي الآن .. وحتي ذلك الحين هذا هو
الزبير باشا
يحييكم من
تلفزيون ود عثمان
الملقب بـ
قناة الجكسوية في خطر
والي اللقاء

-----------
06-08-2005,

http://www.al-nafitha.com/vb/showthread.php?t=333