الشاعر الهباني - 8 - الملكة أم عجن

المَلَكَه أم عَجَنَ

--------------------------------------------------------------------------------


سُبحان ربنـا الوهَبِـك جمـالاً فرضـه
وليها العُتبى من هبانـى لمـن ترضـى
كم سَنَدت قَفَانا وخيلنـا أخـدن عَرضَـه
يا المَحَبُوبه ما بنساكـى ريـدِك مَرَضـه
***
مرضان بى جمالك وما بسيب طاريكـى
فيكى الريل مِغَريد ساهى فـى واديكـى
َبنَقُد فى القوافى وقَصَـدى بـس أوفيكـى
مِعشَار من جمالك يا الدُغُـس عينيكـى
***
فارعه طويله ممشوقـة قـوام يـا خِلـى
والديس فيهـا كابـى والخِديـد بَهدلـى
برق العِينه من فاها ان شَلع مـا بْجَلـى
يا نُدماى أقيفـو النَوصِـف الحاصِلبـى
***
فيها رشاقه خِفَـةَ روح كمـان ودُعابـه
وفيها صقور مِخويه فـى الفَـزَع تَلابَـه
قصبة منصـح الـوادى اللزيـز رُقابـه
فيها رجال اسود فى العِرفه مـا بَتَتَغَابـه
***
فيها نميم وهوييـت فيهـا راحـة بـال
وفيها الريل مهـود بـى الهويـد توتـال
فيها الجلسه بـى عفويـه جـوه البـال
وفيهـا الجَبَنـه والزَغروتـه والشَـبـال
***
فيها بنات رِِقابـن زى قزايـز الريحـه
وفيها كتابـة الولـد الكلَمتـو صَريحـه
فيها الراقـى والولـد الزكـى التفتيحـه
وفيها جمال خدوداً أصلو مافـى قبيحـه
***
تحتـار ان وقفتـه وخيـروك بينـاتِـن
زوق وأدب جمال يا خلى زايده حلاتـن
ترجِف تتربِـش تتمنـا بـوس نِعلاتـن
تحلف تجزم الحور شوفتهن بـى زَاتِـن
***
فيها الراس وملك الـدار عَقَـاب المَـك
شيخ جيلانى عاد فى كرمو قاطع الشـك
ان مستعجل أمشى غِشِيتـو مـا بَتَنفَـك
عينو شراره حمراء وخِلقـه مـا بِنْحِـك
***
فيها الفارس المَنبـور عشـاء الضيفـان
قصدى كرنكا بتعرفوهـو يـا الأخـوان
موجـود عِزنـا الولـد التقـى الدلعـان
دفاع نيب وفى الحوبات بموت موت ضان
***
ان قلته الأصل صيح نـادى يـا ورروك
ولداً بكرم الضيف حـلا لـى المشبـوك
المُهره المحفلـه ديسـه جـار مشبـوك
قول أمنا فى الرأى رأيـو مـو متـروك
***
فيها رجـال تحلحـل كُربـة المكـروب
الشكريه والجعليه والماجديه والمـزروب
واحشنى المن الخوف والبُخـل مسلـوب
قول وطنيه والنونـو الصغيـر يـا دوب
***
ان داير الرِجال يا الجيتنا قول يا شوقـى
ولـداً بـى الفضايـل والحِكـم مِتسقـى
حساب بتكل الصف البيميـل مـا بلقـى
جاك بَشَار خريف الرازه صاقعة أرقـى
***
فيها جميل طِبـاع ولـداً فَحَـل سِنـارِك
وفيها رشيدنا لى الخطاء والعَوج متدارِك
سنيورتا فى الجوف ديمـه توقِـد نـارِك
فيها السارحه فيها العاقله فيهـا البـارِك
***
دخلت ريم عبـق فيهـن بخـوراً فـاح
وجاهن هازى مسكـون الكـرم سـواح
أبـوزر الالـه خصاهـو علمـاً صـاح
تقوه وفرسه كل ما يـوم يزيـد موشـاح
***
احفظكـم جميـع الجيبتـو والفطيـتـو
مو منسى ان نسيت كعب القلـم لاويتـو
ما فيكم أضينـه ولـى البجـوع عشيتـو
دوابى الكَر أسود بى شينه مـا أتمسيتـو
***
ليكـم كلكـم أجمـل سـلام ووصـيـه
بدوركم تَخلصِو وعُقبـان تصفـو النِيـه
الدنيـا أم قـدود المـا بتـدوم عاريـه
فيها نكون سـوا ونتصافـا ميـه الميـه
***
ما نسأل نقول شفتـه المأصلـه ويـن ؟
نثمن لى جهودنا نقول دا حرفـو ثميـن
نتم الناقصـه نتحابـب نعيـش رايقيـن
نعالج أخطانا بى رأفه وتواصـى وليـن


======================

وبعد ردود قصيرة على المتداخلين المعجبين بالقصيدة يواصل الهباني


وصل شهر الصيـام وأتصفـد الشيطـان
وعمت جاتنا أفضـال العلـى الرحمـن
البـدن القبيـل مـن الزنـوب فـتـران
خفا وجابلو نشطه وصحـه مـو فتـران
***
أمسكت الجـوارح مـن نميمـه وغيبـه
وأتوجهنا لـى النِفـس الوجـب تأديبـه
زاهدين لى الطعام الطعمو حاجه عجيبـه
ايمان وأحتساب لا فيهـو شـك لا ريبـه
***
صلينـا الفَـرِضَ وبركنـا لـوح رتلنـا
لامـن صـاح منادينـا الصيـام حللنـا
بى ماء زمـزم أسقينـا العـروق بللنـا
من تمر المدينـه وزِرنـا كلـو غسلنـا
***
قـد قامـت صلاتنـا وقفنـا اصطفينـا
مـن كافـة جِهـات العـالـم اتلميـنـا
ما بنشوف فرق بيـن طنطـا وانجمينـا
يا الجيلانى أخوى بى الحمدو صاح حادينا
***
اتنفلنـا عقبـان فـى الصحـن جلستنـا
بطيبـه وسمـاح متفقـديـن اخوتـنـا
النـور البِبُـق شالـع مكـان سجدتـنـا
صلى على الرسول يا شيخنا ضوق قهوتنا
***
أنوار الحـرم ضـوت سريـرة الـزار
والـروح الجميلـه السـادت الــزُوار
اتلمو الدراويش جُملـه ناقصيـن طـار
لوحه جميلـه ناقصـه حبيبنـا أبوبشـار
***


============================
ويتداخل حساب ويرد عليه الهباني

الأصلية كتبت بواسطة HASSAP

ومرة أخرى تلجم لسانا بإبداعك يا هباني
أدب وزوق وفـن وفصـيـح بـيـانِ
ما بتعرف الخوف، ماك آخر الفرسـانِ
يا زول كيف يقدر يجاريـك لسانـي!!!

ألله يديك العافية يا هباني، ما شاء الله على قلمك، وكأن القلم في يدك لجام أب سدر توجهه كما تريد ويبلغك وين تريد

HASSAP

لسانك حالى لهجو وبس مرورك يكفى
وتوقيعك بيصرف شيك غرامنا يوفـى
يا الدهب الصِرف النار تجلى تصفـى
بدورك تحضر الجلسه وتقيف فى صفى



=========


ويشارك الهمباتي ود المندوب بهذه الأبيات


الأخ/ الهبانى لك التحية والتقدير وانت أصبحت تمطر علينا وابل الإبداع في جميع ضروب المواضيع لك التحية.
الـــقــــمــــر قــــــــــــد تــــبــــلــــل بــــالــــدمــــوع
والـــــلـــــيــــــل هــــــــلــــــــل بــــالــــشــــمــــوع
الـــنــــهــــار طــــــــــــل فــــــــــــي الــــــشــــــروع
إن قـــــلـــــبـــــى أصــــــــابــــــــه الـــــخـــــنــــــوع
وعـــقـــلــــى الـــصــــبــــى دهـــــمــــــه الـــــصــــــدوع
فـــهــــمــــمــــت لــــــــربــــــــى بـــــالـــــركــــــوع


==========

ولا تكتفي مهيرة بالقراءة ولكنها تشارك بهذا المربع

قال هبانــي:-

اتنفلنـا عقبـان فـى الصحـن جلستنـا
بطيبـه وسمـاح متفقـديـن اخوتـنـا
النـور البِبُـق شالـع مكـان سجدتـنـا
صلى على الرسول يا شيخنا ضوق قهوتنا

مهيــره :-

صيام مقبول زنب مغفور وليك يزيد
دوام بالصحه والعافيه هو لينا يعيد
ويا خوي ات هنيالك في البلد البخيت وسعيد
يا الهبـاني دعواتك ومـا تنسانا وانت بعيـد
اسهل لينا باشوفتو قبل ما الموت علينا احيد
كمـان شوفتــك عشان ايامنـا تصبح عيـد


==========

ويشارك أيضا المسدار



الـــمــــســــدار)
***
***
بسألك الكريم النافذه تغفـر ليهـا
في الشهر الكريم كل الأجر تدِّيهـا
بي نهج الرسول كلَّ العهود نوفِيهـا
وتقبل لي الصيام والجنه نرتـع فيهـا
***
بسالك الكريم تغفر ذنوب أحبابنـا
وتحفظ للإخاء وكلْ من طرقْ أبوابنا
من جيلاني خويْ يمتدَّ لـي حسَّابنـا
في يوم الحساب هوِّن علينا حِسابنـا
***
يا ربي الكريم النافـذه مـا تنضـرَّه
وتمتدَّ العلاقات والنفـوس منسـرَّه
دايرين (الجماعي) وليهو يوت نتحرَّى
شان هباني مكتول في امْسَماحاً بـرَّه


============
ويرد الهباني على الهمباتي ود الجنيد الذي دخل محييا


يـا ود الجنيـد والسكـر البشـتـت
كبدى اتجرحت وجروحه شعت ووعت
الفرع المدندح يوت ثمارو اتحتحـت
سربت روحى منى عانيه قامت طشت
***
كسار القلوب انا قلبـى مـو راتيلـو
جافل منى فى الصى والعوالى مقيلـو
ان طلق الكريم بفطر وأقـوم أمشيلـو
أبخداً بهـر كاسـى الخجـل جاليلـو