الهمباتة هم شعراء النافذة الذين يتشاركون ويتساجلون ويداعبون بعضهم البعض ، وفي هذا البوست مساجلات طريفة بين جيلاني والشاعر الهمباتي شوقي
الهمباته فوق صفيح ساخن
--------------------------------------------------------------------------------
بعد الغيبه يا عـــــــــــسوله ولعي نارك
والخبر الجميل الليله جابو ســــــــنارك
علي زواجك ولي ولـــــــدك انحنا نبارك
ولو همباتي زينا اليستعد لمـــــــــعارك
----
البلا فيك يا عــــــــــــــسوله قمرك هله
والبلا فيكي يا الجهجهتي كل خلق الله
والبلا فيكي يوم تمشي وتسيبي الحله
لا سواح ولا بشار ولا اب حجل عبدالله
----
ذي ما نونو قالت هاردلك علي الهمباته
والضاق العـــــــسل ما برضى بالشكلاته
البكايين زمن عــــــــــــسوله كانو تلاته
كان سواح وكان بكو الــــــــحًمل ويلاته
وكان الهدهد القايلين مــــــــسك حجباته
--
في الدنيا ام قــــدود هاذي ام بناين فاني
خبر اليوم بي قروش باكر بكون مجاني
خبر اب قره شيخ بـــــشار عجيب الجاني
من حوريه قــــــــــالت ليه كيف تنساني
شراب القهوه من ايديني ما مـــــــــجاني
رسل لي الحـــــــــساب قبال اشوفك تاني
عزنا زاغ معاك دفع الحــــــساب جيلاني
---------------
ويرد عليه الشاعر شوقي بالتالي
جيلاني قال
بعد الغيبه يا عـــــــــــسوله ولعي نارك
والخبر الجميل الليله جابو ســــــــنارك
علي زواجك ولي ولـــــــدك انحنا نبارك
ولو همباتي زينا اليستعد لمـــــــــعارك
----
شوقي قال
يا جيلاني بعد الغيبة جيتنا تعارك؟
تبكي علي العسل بالخيبة جملك بارك
ما بنفع بكاك وكفايه انتا تبارك
فات فيها الفوات عسولة ما بتشارك
جيلاني قال
البلا فيك يا عــــــــــــــسوله قمرك هله
والبلا فيكي يا الجهجهتي كل خلق الله
والبلا فيكي يوم تمشي وتسيبي الحله
لا سواح ولا بشار ولا اب حجل عبدالله
--
شوقي قال
ان قمر السبوع والله ذاتو اتدلا
ما بنفع بكاك وكفايه ياخي مذله
ان بشار حلق فنان بشوفو انبلّه
بشّر بي الاسف سيد الرجال عبدالله
جيلاني قال
ذي ما نونو قالت هاردلك علي الهمباته
والضاق العـــــــسل ما برضى بالشكلاته
البكايين زمن عــــــــــــسوله كانو تلاته
كان سواح وكان بكو الــــــــحًمل ويلاته
وكان الهدهد القايلين مــــــــسك حجباته
--
شوقي قال
يا جيلاني نونو والله سكر ذاته
تقدل بي مهل شوفوها جايه حلاته
شن طعم العسل ان قستو بي الشكلاتة
امرهه انقضى عسوله سيبو غلاته
ناسك يا الاصم اتباكو في نعلاتة
جيلاني قال:
في الدنيا ام قــــدود هاذي ام بناين فاني
خبر اليوم بي قروش باكر بكون مجاني
خبر اب قره شيخ بـــــشار عجيب الجاني
من حوريه قــــــــــالت ليه كيف تنساني
شراب القهوه من ايديني ما مـــــــــجاني
رسل لي الحـــــــــساب قبال اشوفك تاني
عزنا زاغ معاك دفع الحــــــساب جيلاني
شوقي قال
الدنيا ام قدود معروف بناها الفاني
والخبر الاكيد جابوهو ناس فناني
التايا ام خدود جيلاني قاعده تعاني
بارت قهوته البركه والبكراني
عزنا ما بزوغ بشار نباهو الجاني
مقناع الكرم مسدار فرح بطحاني
عبدالله وداعه الامين
==========================
لمشاهدة الردود التعقيبات وخاصة تلك التي جرت مع شوقي اذهب للرابط التالي
http://al-nafitha.com/vb/showthread.php?t=283
Subscribe to:
Post Comments (Atom)
No comments:
Post a Comment