بنفسج !!
--------------------------------------------------------------------------------
أتأمَّلك دنيا إرتياح
وأتوسَّدك...
لحظة بتشرق...
تهدى عالمنا الصباح
مابين مسامات الضلام
وبين تباريح الوجع
ألقانى برسم فى شمس
ماخده من ضيَّك كتير
النور تفاصيلك ..
مساحاتك ..
وأنا ..
مكسيه بى طهرك وشاح
والباقى من ضيَّك بزيد
داخرنو لى باكر سلاح
إهزم متاريس الحلم
الأدَّى واقعنا إستحاله
تحقيقو مكسور الجناح
ماشفتا ذى ضيَّك شعاع
سكَّن أحلامنا الرياح
خلاها تفرح بالرحيل
تعشق السفر المواسم
تنثر الحب والسماح
وماشفتا ذى قلبك شموس
صاحبت ليلى العنيد
شكَّلت من كل سواد ..
ألوان ..بنفسج وإنشراح !!
2006
------------------
http://www.al-nafitha.com/vb/showthread.php?t=3842
Subscribe to:
Post Comments (Atom)
No comments:
Post a Comment