الشاعرة وطنية - 3-

إتمنيتك !!

--------------------------------------------------------------------------------
إتمنيتك
تبقى معايا فى درب الخطوه
وتعبر فينى حدود النشوه
وإتخيلتك
بين النجمه وضى القمره
قاعد تسرج خيل الضلمه
وإستنيتك
غزوه بتفتح مدن الفرحه
شامخ قاعد فوق الصهوه
وإترجيتك
أبقى الفتح وأول ثوره
تبقى أميرى وأبقى الدوله
أنا ختيتك
جوه النفس الداخل شهقه
جوه عروقى بتبدا الرحله
وفينى نسيتك
جوه تخيط فينى الرقعه
وضيك بمسح ليل البقعه
وبرضى حجيتك
بى يسين وبركة دعوه
وفى إيديك ربطتا الخرزه
كمان أديتك
مسكن وقبله وسرالرعشه
ولسه بتصنع فىّ الدهشه

2006

===========
http://www.al-nafitha.com/vb/showthread.php?t=1213