برضو اقول تاني: ابداكي كيف؟
--------------------------------------------------------------------------------
احترتا جد ابداكي كيف
ابديني بيك
ببداكي بي
لو يبدا بيناتنا النزيف
ونغرّق الكون في العشق
ونرقص الناس التقيف
تتشابى تسرق نظرتك
وتلامس التوب الرهيف
القلتي بستر دهشتك
وحلاوة الفرح الخفيف
يا سارقة ضي عين النجوم
وحنينة تتلقى الخريف
بي نشوة تديهو العمر
ومحنة تغلب كل طيف
لو مرة زارك في المنام
وكساكي من وهجو النضيف
برجاكي يا كل الامل
كان يبدى جواي الهفيف
واتنفسك وانتي الوطن
يا سكتي وحسي الشفيف
مسكونة بيك كل المسام
مشتاقة تسال كل ضيف
لو مرة طيفك في المنام
اتمسّى بيك حسو الظريف
يا حسي من قبل الوجود
ووجودي من زمنا وريف
بس كوني لي انتي الوطن
وابنيلي في جواكي قيف
لي دنيا تعشق دنيتك
وتشتت الفرح الوليف
جواي وافضل مشتهيك
يا ساده في دمي الرصيف
عبدالله وداعه الامين
لندن 09.10. 2005
http://www.al-nafitha.com/vb/showthread.php?t=527
Subscribe to:
Post Comments (Atom)
No comments:
Post a Comment