عِطري ..المُحتمل.. ---------------------
لاتقترب
في مكاناتك لقيتك
إحنا بيناتنا التلاقي
في الصلابة
وياني جيتك
في الحكايات الخرافة
والدراويش الترنِّح
بالذكر بتقول حبابا
ماساهل عليّ أبقاك هواجس..
لاكنتا في الغيم منتظر
تتلبّسك منِّي العواصف
انتا ياعودة نوارس
محمّلة باللقاءات المطر
ماكنتا قايل الليل بطول
لمّا تعلن انتا ياسيدو الهطول
ماكنتا فاكر الضو بغيب
يضارى في بسمة حبيب
وعايز أقول..
انا ناوي عن دربك عدول
أصلي ماقادر أشيل
الخطوة لو تلقاك وصول
بالشوفة لبست هي الخدر
إستصعبت بعدو الرحول
وريني بس ألقاك كيف؟؟
لاتفتش ال برَّاك كتير
لاتضيِّع الوكت النريدو
نحنا يبقالنا التواعد
في المكانات البراح
فتش ال جوَّاك أكيد
تلقاني في نبض الدواخل
واحنا بيناتنا التوارد
وليلنا ماقابل صباح
طوّالي بطراك ..محتويك
وحالي دايماً مشتهيك
ومابقول عطرك قرنفل
او باقة من انفاس شذاهو
شهقة الأنفاس معاهو
هيَّ.. عِطري .. المحتمل
تتسارع الآهات وراهو
------
2007
----------
http://www.al-nafitha.com/vb/showthread.php?t=6031
Subscribe to:
Post Comments (Atom)
No comments:
Post a Comment